کراچی: اورنگی ٹاؤن میں اتوار کو کھیلے گئے کرکٹ میچ میں کرکٹر سینے پر گیند لگنے سے ہلاک ہو گیا۔

اتوار کو کراچی کے علاقے اورنگی ٹاؤن میں کھیلا گیا میچ اس وقت ایک حادثے میں بدل گیا جب فاسٹ باؤلر کی جانب سے پھینکا گیا گیند لگنے سے ایک نوجوان ہلاک ہو گیا۔

پولیس اور ہستپال کے آفیشلز نے بتایا کہ لڑکے مائی ہاوا گوٹھ میں واقع گراؤنڈ میں کرکٹ کھیل رہا تھے کہ 18 سالہ ذیشان محمد کے سینے پر گیند لگی۔

انہیں قریبی ہستپال مننتقل کیا گیا جہاں ڈاکٹرز نے ان کی موت کی تصدیق کردی۔

اقبال مارکیٹ پولیس اسٹیشن کے ایس ایچ او غلام رسول راج پور نے بتایا کہ گیند ذیشان کے سینے پر لگی۔

پولیس افسر نے مزید بتایا کہ لڑکے کے والدین مقدمے کی پیروی نہیں کرنا چاہتے حالانکہ موقع پر کئی گواہ موجود تھے جن کے مطابق میچ کے دوران فاسٹ باؤلر نے نوجوان کی جانب انتہائی تیز گیند پھینکی۔

ہلاک کرکٹر کی لاش عباسی شہید ہسپتال منتقل کی گئی تاہم ہسپتال آفیشل کے مطابق کرکٹر کے اہلخانہ نے ڈاکٹرز کو پوسٹ مارٹم کی اجازت نہیں دی اور لوش لے گئے۔

تبصرے (0) بند ہیں