انجریز کا خطرہ: ملک، اظہر متبادل کے طور پر منتخب
کراچی: عالمی کپ سے قبل انجریز کا شکار پاکستانی ٹیم کے لیے آل راؤنڈر شعیب ملک، بلے باز اظہر علی اور فاسٹ باؤلر سہیل تنویر کو ممکنہ کھلاڑیوں کے متبادل کے طور پر منتخب کرلیا گیا ہے۔
پاکستان کرکٹ بوڑد کی ایک ذریعہ نے پریس ٹرسٹ آف انڈیا کو بتایا کہ کچھ کھلاڑیوں کے فٹنس معاملات کے پیشنظر ٹیم مینجمنٹ کی درخواست پر ملک، تنویر اور اظہر کو اسٹینڈ بائی کر رکھا گیا ہے۔
ذریعہ کے مطابق فیصلہ ٹیم مینجمنٹ اور چیف سیلیکٹر معین خان کے درمیان مشاورت کے بعد لیا گیا۔
'ٹور سیلیکشن کمیٹی نے اپنا موقف پیش کردیا ہے تاہم حتمی دو نام ضرورت پڑنے پر فائنل کیے جائیں گے'
افسر کے مطابق صہیب مقصود، احسان عادل اور وہاب ریاض فٹنس مسائل سے دوچار ہیں۔
ذریعے کے مطابق ملک اور اظہر کا کیس مضبوط ہے کیوں کہ دونوں باؤلنگ کرسکتے ہیں۔
خیال رہے کہ پاکستانی ورلڈ کپ اسکواڈ میں سے جنید خان پہلے ہی انجری کا شکار ہیں اور بلاول بھٹی کو ان کا متبادل منتخب کیا گیا ہے۔
ذریعہ کے مطابق جنید خان 100 فیصد فٹنس حاصل کرنے پر ہی ورلڈ کپ اسکواڈ کا حصہ رہیں گے، ابھی وہ آرام کررہے ہیں۔
تبصرے (3) بند ہیں