مظفرآباد: پاکستان تحریک انصاف (پی ٹی آئی) کے سیکرٹری جنرل جہانگیر ترین نے کہا ہے کہ ان کی جماعت کشمیر کو ہندوستان کے قبضے سے آزاد کروائے گی۔

آزاد کشمیر کے سینئر سیاسی رہنما بیرسٹر سلطان محمود نےحال ہی میں تحریک انصاف میں شمولیت کا اعلان کیا جس کے بعد پی ٹی آئی کو باقاعدہ طور پر آزادکشمیر کی سیاست میں فعال کرنے کی کوشش شروع کر دیں گئی ہیں۔

مظفر آباد میں تحریک انصاف کے پہلے باقاعدہ جلسے سے خطاب کرتے ہوئے انہوں نے کہا کہ کشمیر کو یکجا کرکے ریاست جموں کشمیر کو بحال کروانے کی بھرپور کوشش کرے گی۔

ان کا کہنا تھا کہ 'نئے پاکستان' کے ساتھ ’نیا کشمیر‘ بنانے کی جدوجہد بھی جاری رکھی جائے گی۔

اس موقع پر پی ٹی آئی آزاد کشمیر کے صدر بیرسٹر سلطان محمود چوہدری کا کہنا تھا کہ 15 مارچ کو ہونے والے ضمنی انتخابات جیت کر پی ٹی آئی کو پارلیمانی جماعت بنایا جائے گا۔