معین- شہریار ملاقات کل ہو گی

01 مارچ 2015
۔ — اے ایف پی فوٹو
۔ — اے ایف پی فوٹو

لاہور: زیر عتاب چیف سلیکٹر معین خان پیر کو پاکستان کرکٹ بورڈ کے سربراہ سے ملاقات میں کرائسٹ چرچ کے ایک کسینو میں جانے پر اپنی پوزیشن واضح کریں گے۔

ورلڈ کپ میں ویسٹ انڈیز کے ساتھ اہم میچ سے پہلے معین اپنی بیوی اور دوستوں کے ہمراہ کسینو میں دیکھے گے تھے، جہاں ایک پاکستانی جوڑے نے ان کی تصاویر اتارنے کے بعد انہیں سوشل میڈیا پر جاری کر دیا۔

میگا ایونٹ میں خراب پرفارمنس کی وجہ سے شدید دباؤ کا شکار پی سی بی نے کسینو متنازعہ پر معین کو واپس پاکستان طلب کر لیا تھا۔

پی سی بی ترجمان کا کہنا ہے کہ سابق وکٹ کیپر معین پیر کی دوپہر شہریار خان سے ملیں گے۔

دلچسپ بات یہ ہے کہ بطور چیف سلیکٹر ٹور پر جانے والے معین ورلڈ کپ سکواڈ کا حصہ نہیں اور آزاد حیثیت رکھتے تھے۔

یاد رہے کہ شہریار خان نے کسینو تنازعہ سامنے آنے کے فوراً بعد ٹیم مینیجر نوید اکرم چیمہ کو تحقیقات کرنے کا حکم دیا تھا لیکن پھر پی سی بی چیئرمین نے معین کو واپس طلب کرنے کا فیصلہ کر لیا۔

اطلاعات کے مطابق، معین کو اچانک واپس طلب کرنے کی وجہ سے نوید ابھی تک رپورٹ نہیں بنا سکے کیونکہ تاحال پی سی بی کے صدر دفتر میں واقعہ سے متعلق کوئی رپورٹ نہیں پہنچی۔

تبصرے (0) بند ہیں