ممبئی: ہندوستانی ٹی وی چینل این ڈی ٹی وی نے اپنی رپورٹ میں کہا ہے کہ اس بات کا امکان ہے کہ ایک فلم میں پاکستان کی سابقہ وزیراعظم بے نظیر بھٹو کا کردار میں امکان ہے کہ روینہ ٹنڈن نبھائیں گی۔

بے نظیر بھٹو کو 27 دسمبر 2007ء کو راولپنڈی میں قتل کردیا گیا تھا۔

اس فلم کا اب تک نام نہیں طے کیا گیا ہے۔

یہ بھی کہا گیا ہے کہ اس فلم کی تیار میں روینہ بھی دلچسپی رکھتی ہیں۔

اس سے پہلے کی رپورٹ میں بتایا گیا تھا کہ پاکستان کی سابق وزیراعظم کے حالاتِ زندگی پر مبنی اس فلم کے لیے ودیا بالن کو بے نظیر کا کردار ادا کرنے کی پیش کش کی گئی تھی۔ لیکن تازہ ترین خبر ہے کہ ودیا بالن کے بجائے روینہ ٹنڈن پاکستان کی کرشمہ ساز رہنما کا کردار ادا کریں گی۔

این ڈی ٹی وی نے ذرائع کا حوالہ دیتے ہوئے کہا ’’چند دن پہلے، روینہ نے اس فلم کے اسکرپٹ رائٹر سے ملاقات کی تھی، اور انہوں نے فلم کا موضوع انہیں سنایا تھا۔ روینہ نے فلم کا اسکرپٹ پڑھا ہے اور اس کو پسند بھی کیا ہے۔ یہ ایک مضبوط کردار ہے اور وہ اس کردار کو حاصل کرنے کی خواہشمند ہیں۔‘‘

یہ بھی بتایا گیا ہے کہ روینہ نے جرأت مند منصوبے کو پروڈیوس کرنے میں بھی دلچسپی ظاہر کی ہے۔ ذرائع کا حوالہ دیتے ہوئے این ڈی ٹی وی نے مزید بتایا کہ ’’یہ کہانی واضح طور پر بے نظیر بھٹو کی زندگی کی بنیاد پر تحریر کی گئی ہے۔ روینہ نے اسکرپٹ میں کچھ تبدیلیوں کا مشورہ دیا اور جیسے ہی یہ تبدیلیاں مکمل ہوجائیں گی، وہ اس کے لیے ایک ڈائریکٹر کی تلاش شروع کردیں گی اور اس کے ساتھ ساتھ فلم کی باقی کاسٹ بھی فائنل کردی جائے گی۔‘‘