کراچی: سٹی کورٹ کے مال خانے میں دھماکا

اپ ڈیٹ 05 مارچ 2015
پولیس نے جائے وقوعہ پر پہنچ کرعلاقے کو گھیرے میں لے لیا جبکہ شواہد اکٹھے کرکے تفتیش کا اغاز کردیا گیا—۔فائل فوٹو/ اے ایف پی
پولیس نے جائے وقوعہ پر پہنچ کرعلاقے کو گھیرے میں لے لیا جبکہ شواہد اکٹھے کرکے تفتیش کا اغاز کردیا گیا—۔فائل فوٹو/ اے ایف پی
ڈان نیوز اسکرین گریب—۔
ڈان نیوز اسکرین گریب—۔

کراچی: ملک کے معاشی حب کراچی کی سٹی کورٹ کے مال خانے میں دھماکا ہوا تاہم اس سے کوئی جانی نقصان نہیں ہوا۔

ڈی آئی جی ساؤتھ عبدالخالق شیخ کے مطابق مال خانے کے باہر تلف کرنے کے لیے رکھے گئے سامان میں کریکر پھٹا جس کے باعث قریب رکھا سامان بکھر گیا۔

عبدالخالق شیخ کا کہنا تھا کہ اس دھماکے کے نتیجے میں کسی بھی قسم کا کوئی جانی نقصان نہیں ہوا۔

جبکہ ایس ایچ او سٹی کورٹ کا کہنا تھا کہ دھماکا کیمیکل کی بوتل پھٹنے سے ہوا۔

نمائندہ ڈان نیوز کے مطابق دھماکے کے نتیجے میں سٹی کورٹ اور اس کے اطراف میں بھگدڑ مچ گئی۔

پولیس حکام نے فوری طور پر بم ڈسپوزل اسکواڈ کو طلب کرلیا، جنہوں نے بتایا کہ مال خانے کے باہر ہونے والا دھماکا آئی ای ڈی ڈیوائس پھٹنے کے باعث ہوا جس میں پانچ سو گرام دھماکا خیز مواد شامل تھا۔

واقعے کے حوالے سے کراچی بار کے سابق صدر محمودالحسن کا کہنا تھا کہ یہ انتظامیہ کی نااہلی ہے کہ اہم شواہد کو کھلا رکھا ہوا ہے۔

تبصرے (0) بند ہیں