پاکستان کرکٹ ٹیم کے سابق کپتان اور تحریک انصاف کے چیئرمین عمران خان نے نیوزی لینڈ کو ورلڈ کپ جیتنے کےلئے فیورٹ قرار دے دیا۔

سماجی رابطے کی ویب سائٹ ٹوئیٹر پر اپنے پیغام میں کہا ہے کہ یہ پہلا ورلڈکپ ہے جس میں چار بہترین ٹیموں نے سیمی فائنل میں رسائی ھصل کی جبکہ نیوزی لینڈ کی جنوبی افریقہ کے خلاف دبائو میں ہدف کے حصول کے حوالے سے بہترین کامیابی ہے۔

انہوں نے کہا کہ نیوزی لینڈ نے جنوبی افریقہ کے خلاف اعصاب کی جنگ جیت لی اور اب وہ فائنل کے لیے میری فیورٹ ٹیم ہے۔

عمران خان نے اپنے پیغام میں کل کھیلے جانے والے سیمی فائنل کے حوالے سے کہا کہ سڈنی کی پچ ہندوستان کو فائندہ پہنچاسکتی ہے اور یہ اس کے لیے اپنے اسپنرز کی مدد سے آسٹریلیا کو ہرانے کا بہترین موقع ہے۔

ان کا کہنا تھا کہ ہندوستان پہلے بیٹنگ کرکے250رنزبنائے تو آسٹریلیا پر اپنے اسپنرز کے ذریعے بھرپور دباؤ ڈال سکتا ہے، توقع ہے کہ کل بھی ایک زبردست سیمی فائنل دیکھنے کو ملے گا۔