کراچی : سابق صدر آصف علی زرداری نے کراچی میں بلاول ہاؤس کے سامنے سے سیکیورٹی بیریئر ہٹانے کا حکم دے دیا ہے۔

ترجمان بلاول ہاؤس کے مطابق سیکیورٹی خدشات کے باوجود وہ آصف علی زرداری کی ہدایت پر بیریئرز ہٹا رہے ہیں۔

پیپلز پارٹی کی نائب صدر شیری رحمان کا کہنا ہے کہ بیریئرز ہٹانے کے حوالے سے وزیراعلیٰ سندھ سید قائم علی شاہ کو ضروری ہدایات جاری کر دی گئی ہیں۔

یاد رہے کہ کراچی شہر کے مختلف علاقوں میں موجود بیریئرز کو ہٹانے کے لیے رینجرز نے آپریشن شروع کر رکھا ہے اور اب تک متحدہ قومی موومنٹ کے مرکز نائن زیرو سمیت کئی علاقوں میں موجود بیریئرز ہٹائے جا چکے ہیں۔