روہنگیا مسلمانوں کی امداد کیلئے اجمل میدان میں

اپ ڈیٹ 29 جون 2015
مانچسٹر میں سعید اجمل کے تعاون اور کوششوں سے روہنگیا مسلمانوں کے چیریٹی ایونٹ کے دوران 30 ہزار یوروز اکھٹے کیے گئے—۔فوٹو/ ساج صادق ٹوئٹراکاؤنٹ
مانچسٹر میں سعید اجمل کے تعاون اور کوششوں سے روہنگیا مسلمانوں کے چیریٹی ایونٹ کے دوران 30 ہزار یوروز اکھٹے کیے گئے—۔فوٹو/ ساج صادق ٹوئٹراکاؤنٹ

کراچی: پاکستانی آف اسپنر سعید اجمل آج کل پوری توجہ سے انگلش کاؤنٹی کرکٹ کھیلنے میں تو مصروف ہیں ہی، لیکن ساتھ ہی وہ میانمار سے دربدر ہونے والے روہنگیا مسلمانوں کی امداد کے لیے فنڈز اکھٹے کرنے کے حوالے سےبھی اپنی پوری کوششیں کر رہے ہیں۔

ہفتے کوبرطانیہ کے شہر مانچسٹر میں روہنگیا مسلمانوں کے لیے ایک فنڈ ریزنگ ایونٹ منعقد کیا گیا، جہاں 37 سالہ سعید اجمل کو بطور مہمان خصوصی مدعو کیا گیا،جو آج کل ووسٹر شائر کی طرف سے کھیل رہے ہیں۔

مذکورہ تقریب میں موجود پاک پیشن (PakPassion) نامی کرکٹ پورٹل کے ایڈیٹر ساج صادق نے اس حوالے سے ٹوئٹر پر اپنے پیغام میں لکھا:" سعید اجمل کے تعاون اور کوششوں سے روہنگیا مسلمانون کے چیریٹی ایونٹ کے دوران 30 ہزار برطانوی پاؤنڈز اکھٹے کیے گئے"۔

میانمار میں بدھ مت کے پیروکاروں کے ظلم کا شکار 9 ہزار سے زائد روہنگیا مسلمان، اپنا گھر بار، مال و اسباب چھوڑ کر ہجرت پر مجبور ہوئے۔

مزید :میانمار کے مسلمان بچے کہاں جائیں؟

یہ دربدر روہنگیا مسلمان کشتیوں میں سوار ہو کر میانمار سے نکلے اور انھوں نے مختلف ممالک میں عارضی کیمپوں میں پناہ لی، جہاں انھیں زندگی کی بنیادی ضروریات کے حصول کے لیے سخت تگ و دو کرنی پڑرہی ہے۔

ضرور پڑھیں

تبصرے (2) بند ہیں

Muhammad Ayub Khan Jun 29, 2015 10:52am
bohat neyk kaam hey-- lekin is kaam ki shafiyet hey koiy? kitna paisa akatha huva aor kis key wastey kis ko mila/miley ga? koiy record hey/hoga kiya?
armaan Jun 29, 2015 11:13am
Salutes To Saeed Ajmal