سری نگر : ہندوستانی فوج نے لائن آف کنٹرول کے قریب فائرنگ کرکے تین کشمیری نوجوانوں کو قتل کر دیا۔

ہندوستانی پولیس کے انسپکٹر جنرل جاوید گیلانی کا کہنا ہے کہ یہ واقعہ سری نگر سے 100 کلومیٹر دور اُری کے گھنے جنگلات میں پیش آیا جہاں فوجیوں اور کچھ مسلح افراد کے درمیان جھڑپ ہوئی۔

گیلانی نے تینوں کشمیری نوجوانوں کو 'عسکریت پسند' قرار دیتے ہوئے کہا کہ واقعے میں تین 'عسکریت پسند' ہلاک اور ایک زخمی ہوا۔

پولیس کے مطابق اس واقعے میں دو ہندوستانی فوجی زخمی بھی ہوئے۔

یاد رہے کہ کشمیر کا خطہ پاکستان اور ہندوستان میں متنازع علاقہ ہے جہاں 1987 سے علیحدگی کی تحریک جاری ہے جس کے دوران انڈین فوج کی مختلف کارروائیوں میں اب تک لاکھوں کشمیری ہلاک ہو چکے ہیں۔

تبصرے (0) بند ہیں