کراچی:اگلے سال ریو اولمپک گیمز میں پاکستان ہاکی ٹیم کے کوالی فائی نہ کرنے پر سابق کھلاڑی اور مداح افسردہ ہیں۔

اگلے سال ریو ڈی جنیرو میں منعقد ہ اولمپک گیمز کیلئے کوالی فائنگ راؤنڈ سمجھے جانے والے ٹورنامنٹ ورلڈ ہاکی لیگ کے ایک کلاسیفکیشن میچ میں پاکستان آئر لینڈ کے ہاتھوں 0-1 سے شکست کھا گیا۔

تین مرتبہ اولمپک میں سونے کا تمغہ جیتنے اور چار مرتبہ ورلڈ چیمپئن پاکستان کو اولمپک میں کوالی فائی کی امیدیں برقرار رکھنے کیلئے ٹاپ پانچ ٹیموں میں آنا ضروری تھا۔ تاہم، حالیہ شکست کے بعد پاکستان اتوار کوساتویں یا آٹھویں پوزیشن کیلئے میچ کھیلے گا۔

سابق عظیم کھلاڑی سمیع اللہ نے ناکامی کو پاکستان ہاکی کا ’سیاہ ترین دن‘ قرار دیا ہے۔

میدان میں تیز رفتاری کی وجہ سے ’فلائنگ ہارس‘ قرار دیے جانے والے سمیع اللہ نے کہا’پاکستان نے ہاکی پر راج کیا ہے لیکن یہ ہمارے قومی کھیل کی تاریخ کا سیاہ ترین دن ہے‘۔

انہوں نے پاکستان ہاکی فیڈریشن پر الزام عائد کرتے ہوئے کہا کہ گزشتہ سال ورلڈ کپ میں کوالی فائی نہ کرپانے کے بعد یہی کچھ ہوتا نظر آ رہا تھا۔

پاکستان ہاکی کے ایک اور سابق سٹار شہباز احمد نے بھی پی ایچ ایف حکام کو آڑے ہاتھوں لیا۔’ہمیں گزشتہ کئی سالوں سے ہاکی تباہ کرنے والے ان حکام سے جان چھڑا لینی چاہیے‘۔

انہوں نے افسوس ظاہر کرتے ہوئے کہا ایک زمانے میں پاکستان ہاکی کے میدانوں پر راج کرتا تھا تاہم اب ایسا نہیں رہا۔’ہمیں اب افسوس ظاہر کرنے کے بجائے ٹیم کی از سر نو تعمیر کرنی چاہیے‘۔

شہباز احمد کے ساتھ کھیلنے والے وسیم فیروز نے حکومت پر زور دیا کہ وہ نئی ہاکی فیڈریشن سامنے لائے۔’نااہل پی ایچ ایف حکام ہمارے قومی کھیل کی بربادی کے ذمہ دار ہیں‘۔

خیال رہے کہ ہاکی ٹیم کی ناکامی کے بعد دو سلیکٹروں خالد بشیر اور ایاز محمود اپنےعہدوں سے مستعفی ہو چکے ہیں۔

بشیر کا کہنا تھا ’وزیر اعظم ہاکی کے پیٹرن ہیں لہذا انہیں چاہیے کہ وہ ناکامی کا نوٹس لیتے ہوئے ہاکی کی بحالی کیلئے اقدامات اٹھائیں‘۔

سابق سٹار کھلاڑیوں کی طرح ہاکی مداح بھی حالیہ پرفارمنس پر شدید غصے میں ہیں۔

کراچی کے ایک دکان دار اشتیاق خان نے کہا ’پاکستان ہاکی تباہ ہو چکی۔ ایک زمانہ تھا جب ہم فخر کے ساتھ ہاکی دیکھتے تھے لیکن اب یہ کھیل مر چکا‘۔

ضرور پڑھیں

تبصرے (4) بند ہیں

Imran Jul 04, 2015 06:08pm
please for God sake. Facilitate hockey like cricket. I dont understand the youth those belong to Chairman of sports boards, they dont ask their parents that we are also pakistani and please work for pakistan.
Majid Ali Jul 04, 2015 07:34pm
Facilitate hockey like cricket??? Cricket is also towards fall same thing happening in Cricket ... corrupt management .. selection of players on the basis of likes and dislikes .... we are struggling same way to qualify for champions trophy ... we teach Bangladesh and now they have better positioning as compared with our cricket eam...
Muhammad Ayub Khan Jul 04, 2015 09:50pm
hockey ko marney deyN- ab humari tarjeehaat muktalif heyN- tarjeehaat ka masla hey yeh
dr.gm Jul 05, 2015 07:15am
Please do remove the black sheeps in hocky federation other wise you will be rememberd in history only.we are the talented nation selection should be done on merit basis.thanks