لٹھ ڈیم میں شگاف، کراچی کے نواحی علاقوں کو خطرہ

اپ ڈیٹ 27 جولائ 2015
فائل فوٹو اے ایف پی
فائل فوٹو اے ایف پی
فائل فوٹو اے پی
فائل فوٹو اے پی

کراچی کے علاقے گڈاپ ٹاؤن میں واقع لٹھ ڈیم میں شگاف پڑنے سے اطراف کی آبادیوں کے زیر آب آنے کا خطرہ پیدا ہو گیا ہے۔

ڈان نیوز کے مطابق ڈیم میں شگاف بارشوں کے باعث پانی کی سطح بڑھنے کے سبب پیدا ہوا۔

علاقہ مکینوں کا کہنا ہے کہ ڈیم میں شگاف کی صورت میں گلستان جوہر، صفورہ چورنگی کے اطراف کے علاقے خصوصاً سن لے کاٹیجز سمیت کئی علاقے پانی میں ڈوب جائیں گے۔

اس سلسلے میں ابھی تک حکومت کی جانب سے کوئی اقدامات نہیں کیے گئے لیکن اسٹنٹ کمشنر گڈاپ کا دعویٰ ہے کہ حکومت لٹھ ڈیم میں پانی کے سطح پر نظر رکھی ہوئے ہے جب کہ نالوں کی صفائی کروا دی گئی ہے اور کسی بھی قسم کے خطرے سے نمٹنے کے انتظامات مکمل ہیں۔

سندھ کے سابق وزیر حلیم عادل شیخ کا کہنا ہے کہ انہوں نے حکومت کو ممکنہ صورتحال کے بارے میں خبردار کردیا ہے۔

انہوں نے الزام عائد کیا کہ صوبائی حکومت اور انتظامیہ نے خطرے سے نمٹنے کے لیے ابھی تک کوئی موثر قدم نہیں اٹھایا۔

یاد رہے کہ دو سال قبل بھی ماہ اگست میں اسی ڈیم پر قائم بند ٹوٹنے سے سعدی ٹاؤن، سن لے کاٹیجز اور اطراف کے علاقے زیر آب آ گئے تھے اور مکینوں کو شدید مشکلات کا سامنا کرنا پڑا تھا۔

تبصرے (1) بند ہیں

Rashid Jul 27, 2015 11:51pm
Govt. should take it seriously as thousand of people living in adjacent areas are threatened and thinking to leave their homes.