واٹس ایپ کا خفیہ فیچر

04 ستمبر 2015
واٹس ایپ لوگو — اے ایف پی فائل فوٹو
واٹس ایپ لوگو — اے ایف پی فائل فوٹو

سماجی رابطے کی ویب سائٹ واٹس ایپ میں ایک ایسا خفیہ فیچر چھپا ہوا ہے جو بتاتا ہے کہ کون آپ کا بہترین دوست ہے۔

جی ہاں واٹس ایپ جو دنیا بھر میں مقبول اور اس میں روزانہ 64 ارب پیغامات ارسال کیے جاتے ہیں۔

تاہم اس اپلیکشن نے حال ہی میں اعلان کیے بغیر ایک فیچر اس کا حصہ بنا دیا جو آپ کے دوستوں اور کانٹیکٹس کی درجہ بندی کرتا ہے۔

اگر آپ اس کو استعمال کرنا چاہتے ہیں تو اپلیکشن کو کھولے پھر سیٹنگز پر جاکر اکاﺅنٹ کو کلک کریں، وہاں اسٹوریج یوزایج کے آپشن پر جائیں اور آپ کے سامنے دوستوں کی ایک فہرست آجائے گی۔

اس فہرست میں بتایا جائے گا کس دوست کو آپ نے کتنے پیغامات ارسال کیے ہیں۔

اس سے آپ یہ بھی جان سکتے ہیں کہ کس دوست پر آپ کے واٹس ایپ اپلیکشن کا ڈیٹا سب سے زیادہ صرف ہوتا ہے جس کے لیے اسٹوریج یوزیج کے آخر میں سائز کے آپشن پر کلک کرنا ہوگا۔

خیال رہے کہ واٹس ایپ کی جانب سے حال ہی میں ایک اپ ڈیٹ متعارف کرائی گئی تھی جس سے اس پیغام کو ان ریڈ کیا جاسکتا تھا جس کو پڑھا جاچکا ہو جبکہ اس میں گوگل ڈرائیو کو استعمال کرنا بھی شامل کیا گیا تھا۔

تبصرے (1) بند ہیں

Funops Sep 05, 2015 01:42am
Whatsapp is the best app of the world. just we want blackberry to update their whatsapp version on their app world.