گوگل سرچ انجن میں چھپا ایک دلچسپ نیا فیچر

04 ستمبر 2015
گوگل ہوم پیج — اسکرین شاٹ
گوگل ہوم پیج — اسکرین شاٹ

انٹرنیٹ استعمال والا کونسا شخص ہوگا جو گوگل سرچ انجن کا استعمال نہ کرتا ہو ؟ مگر کیا آپ کو معلوم ہے کہ اس میں ایک تفریح سے بھرپور فیچر بھی چھپا ہے؟

جی ہاں گوگل نے گزشتہ دنوں ایک تفریحی فیچر اپنے صارفین کے لیے متعارف کرایا ہے جس میں مختلف طرح کی پرلطف معلومات چھپی ہوئی ہے۔

بس آپ کو گوگل پر جاکر یہ الفاظ " fun facts " یا " I’m feeling curious " ٹائپ کرنا ہوگا اور آپ کے سامنے عجیب و غریب معلومات کا ذخیرہ کھل جائے گا۔

اسکرین شاٹ
اسکرین شاٹ

بس مسئلہ یہ ہے کہ اس میں آپ کے ذہن اگر کو سوال ہو تو گوگل اس کا جواب نہیں دے گا بلکہ وہ اپنی مرضی کے سوالات و جوابات پیش کرے گا۔

گوگل کے مطابق یہ نیا فیچر دفتر میں فارغ وقت کے لیے یا جب آپ انٹرنیٹ سے بیزاری محسوس کررہے ہو تو دل بہلانے کا کام کرے گا۔

اسکرین شاٹ
اسکرین شاٹ

خیال رہے کہ گوگل نے گزشتہ دنوں اپنی سائٹ میں نئے لوگو سمیت کئی تبدیلیاں متعارف کرائی تھیں۔

اسی طرح گوگل میپس کو بھی نئے اندازسے پیش کیا گیا اور اس میں لوگوں کے پسندیدہ کھانے پینے کے مقامات کو بھی شامل کرلیا گیا تھا۔

تبصرے (1) بند ہیں

Funops Sep 05, 2015 01:53am
Hahahaha thats a nice feature for timepass.