بولی وڈ خوبصورت اداکارہ ودیا بالن کو ویسے تو نت نئی ڈیزائنر ساڑہیاں پہننے کا بڑا شوق ہے اور اب اداکارہ کو اس حوالے سے 13 کروڑ کی ایک پیشکش ہوئی ہے۔

ٹائمز آف انڈیا کے مطابق ودیا بالن کو ایک ساڑھی کے بڑے برانڈ نے ایک سال کے لیےبرانڈ ایمبیسڈر بننے کی پیشکش کی ہے جس کے عوض اداکارہ کو 13 کروڑ روپے کا معاوضہ دیا جائے گا۔

برانڈ کے مالک کے مطابق ودیا بالن اس برانڈ کے لیے سب سے بہترین چہرہ ثابت ہوں گی کیوں کہ انہیں خود ساڑھیاں پہننے کا شوق ہے اور وہ متعدد ایونٹس میں مختلف ساڑھیوں میں نہایت خوبصورت نظر آتی ہیں۔

خبر کے مطابق اداکارہ نے تاحال اس آفر پر کوئی حامی نہیں دی ہے۔

ٹائمز آف انڈیا کی ایک اور خبر کے مطابق اداکارہ ودیا بالن ودیا کے پاس آٹھ سو ساڑھیاں الماریوں میں بھری پڑی ہیں اور وہ بھی انہیں کافی نہیں لگتیں۔ جب ہی موقع ملنے پر وہ مزید خرید لاتی ہیں۔