این اے 122: مہنگی ترین انتخابی مہم کا اختتام

اپ ڈیٹ 10 اکتوبر 2015
این اے 122 کے ضمنی انتخاب کی الیکشن مہم کے آخری روز مسلم لیگ (ن) اور پی ٹی آئی کے عوامی جلسوں کا ایک منظر—۔فوٹو:ایم عارف/وائٹ اسٹار
این اے 122 کے ضمنی انتخاب کی الیکشن مہم کے آخری روز مسلم لیگ (ن) اور پی ٹی آئی کے عوامی جلسوں کا ایک منظر—۔فوٹو:ایم عارف/وائٹ اسٹار

لاہور: قومی اسمبلی کے حلقے این اے 122 میں ضمنی انتخابات کے لیے انتخابی مہم جمعے کو رات 12 بجے حکمران جماعت مسلم لیگ (ن) اور پاکستان تحریک انصاف (پی ٹی آئی) کی جانب سے اپنی مقبولیت اور طاقت کے اظہار کے لیے بڑے عوامی جلسوں کے انعقاد کے ساتھ اختتام پذیر ہوئی.

اس حلقے سے پاکستان پیپلز پارٹی (پی پی پی) کے امیدوار بیرسٹر عامر حسن نے بھی اپنی انتخابی مہم کا اختتام حلقے کے مختلف علاقوں میں ریلی نکال کر کیا،تاہم ان کے بارے میں بہت سے لوگوں کا خیال ہے کہ وہ ایک ہاری ہوئی جنگ لڑ رہے ہیں.

مسلم لیگ (ن) کے امیدوار سردار ایاز صادق کے خلاف الیکشن ٹریبونل کے فیصلے کے بعد خالی ہونے والی قومی اسمبلی کی اس نشست پر ضمنی انتخاب اتوار 11 اکتوبر کو ہوگا.

یاد رہے کہ سردار ایاز صادق اس حلقے سے 3 مرتبہ منتخب ہوئے، جن میں سے 2 مرتبہ انھوں نے پی ٹی آئی چیئرمین عمران خان کو شکست دے کر کامیابی حاصل کی.

مزید پڑھیں:این اے 122: پرانا ٹکراؤ، نیا عزم

اگرچہ وزیراعظم نواز شریف نے سردار ایاز صادق کی انتخابی مہم میں حصہ لینے کا ارادہ ملتوی کردیا، تاہم عمران خان نے پارٹی امیدوار عبدالعلیم خان کی الیکشن مہم میں بھرپور طریقے سے حصہ لیا.

11 اکتوبر کے ضمنی الیکشن کے لیے چلائی جانے والی مہم پُر زور اور مہنگی ترین قرار دی جارہی ہے کیونکہ مسلم لیگ (ن) اور پی ٹی آئی فتح کے حصول کے لیے اپنے تمام وسائل بروئے کار لا رہے ہیں.

تاہم دونوں جماعتوں کے رہنماؤں کی جانب سے ایک دوسرے کے خلاف استعمال کی جانے والی زبان اور لگائے جانے والے الزامات نے مدمقابل پارٹیوں کے حامیوں کے مابین کشیدگی کو مزید بڑھا دیا.

دوسری جانب الیکشن حکام کی جانب سے پیش کی گئی ایک رپورٹ میں پولنگ کے روز حلقے کے 12 مقامات پر خونی جھڑپوں کاخدشہ ظاہر کیا گیا ہے.

ضرور پڑھیں

تبصرے (3) بند ہیں

حسن امتیاز Oct 10, 2015 02:54pm
الیکشن کمیشن کا انتخابی اخراجات کے حد کی خلاف ورزی پر کوئی ایکشن نہ لینے ۔۔۔۔ انتہائی برئے اقدامات ہے ۔ تمام سول سوسائٹی اس سلسلے میں آپنی آواز بلند کرنی چاہے ۔ ۔۔۔۔۔۔۔۔ قانون نافذ کرنے والے اداروں کی ’’قانون شکنی‘‘ پر خاموشی سے ہی پاکستان میں جنگل کا قانون عام ہے ۔
Imran Oct 10, 2015 03:21pm
our nation is by birth servant. they need always sardar and wadeera as leader. this time also sardar will win. this is our nation destiny.
Ashraf Wadiwala Oct 11, 2015 02:32am
A BREAKTHROUGH EVENT FOR VOTERS OF NA 122. VOTERS SHOULD MAKE NO MISTAKE. IT IS A CHALLENGE FOR IMRAN KHAN AND NAWAZ SHARIF. BUT FOR PUNJAB AND WHOLE PAKISTAN A CHANCE OF MAKING A BREAKTHROUGH IN POLITICAL AND SOCIAL LIFE OF THE COUNTRY BY VOTING FOR IMRAN KHAN'S CANDIDATE ALEEM KHAN. IMRAN KHAN IS A HERO.A BRAVE, SINCERE.HONEST AND VISIONARY LEADER. HE IS A HIGHLY EDUCATED PERSON. HAS OBT A DEGREE IN INTERNATIONAL POLITICS FROM OXFORD UNIVERSITY LONDON