تھرپارکر سے یوکرینی خاتون بازیاب

22 مئ 2016
بازیاب ہونے والی خاتون۔ تصویر بشکریہ مصنف۔
بازیاب ہونے والی خاتون۔ تصویر بشکریہ مصنف۔

مٹھی: تین سال قبل راولپنڈی سے اغواء ہونے والی یوکرینی خاتون کو صوبہ سندھ کے ضلع تھرپارکر سے بازیاب کروالیا گیا ہے۔

ایس ایس پی ضلع تھرپارکر سرفراز نواز شیخ نے ڈان کو بتایا کہ پولیس اور رینجرز نے کتھو نامی گاؤں میں چھاپہ مارکر خاتون کو بازیاب کروایا جبکہ ان کے مبینہ اغواءکار کو بھی گرفتار کیا گیا۔

انہوں نے بتایا کہ ملزم ک خلاف ایف آئی آر درج کرلی گئی ہے جبکہ بازیاب ہونے والی خاتون اور ملزم کو راولپنڈی پولیس کی ٹیم کے حوالے کردیا گیا ہے۔

پولیس افسر کے مطابق خاتون نے بتایا کہ ملزم انہیں راولپنڈی سے اغواء کرکے تھرپارکر لے آیا تھا۔

انہوں نے معاملے میں دیگر افراد کے ملوث ہونے کا امکان ظاہر کرتے ہوئے کہا کہ اس حوالے سے مزید تحقیقات کی جارہی ہیں۔


آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں.

تبصرے (1) بند ہیں

solani May 23, 2016 12:15am
Police kay haatho salamat rahe to bahot acha hae, bas Khuda in ki hifazat karay or apnay watan pohoncha de.