بولی وڈ کنگ شاہ رخ خان ایک طویل عرصے سے باکس آفس کے ساتھ ساتھ مداحوں کے دلوں پر راج کر رہے ہیں اور ان کے کیرئیر میں آنے والی ہر کامیابی اداکار نے اپنے بل پر حاصل کی ہے۔

شاہ رخ نے حال ہی میں اپنے انسٹاگرام اکاؤنٹ پر ممبئی کی ایک سڑک کی تصویر شئیر کی جس میں ان کا کہنا تھا کہ آج کل کے اسکولز کتنے تبدیل ہوگئے ہیں۔

مزید پڑھیں: شاہ رخ خان کی دس بہترین فلمیں

انہوں نے اپنا اسکول کا دور یاد کرتے ہوئے بتایا کہ کیسے ان کے والد انہیں روزانہ اسکول چھوڑنے جایا کرتے تھے۔

واضح رہے کہ شاہ رخ نے بولی وڈ میں اپنے سفر کا آغاز 1992 کی فلم 'دیوانہ' سے کیا تھا جس کے بعد انہوں نے ایک کے بعد ایک فلموں میں جلوے بکھیرے۔

شاہ رخ خان اس وقت اپنی فلم 'رئیس' کی شوٹنگ میں مصروف ہیں جس میں ان کے ہمراہ پاکستانی اداکارہ ماہرہ خان ڈیبیو کرتی نظر آئیں گی۔

یہ بھی پڑھیں: شاہ رخ، ماہرہ کی 'رئیس' ریلیز سے قبل تنازع کا شکار

فلم 'رئیس' اگلے سال سنیما گھروں میں نمائش کے لیے پیش کی جائے گی۔

آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔