اینڈرائیڈ فونز کو مل جائے گی پاس ورڈز سے نجات

26 مئ 2016
سام سنگ گلیکسی ایس 7 اور ایس سیون ایج — رائٹرز فائل فوٹو
سام سنگ گلیکسی ایس 7 اور ایس سیون ایج — رائٹرز فائل فوٹو

گوگل کے ایک بڑے تحقیقی پراجیکٹ کی بدولت بہت جلد آپ اپنے اینڈائیڈ فون پر ایپس تک محفوظ طریقے سے رسائی بغیر کسی پاس ورڈ کے حاصل کرسکیں گے۔

جی ہاں بہت جلد اینڈرائیڈ فونز کے صارفین کو کسی قسم کے پاس ورڈ کی ضرورت نہیں ہوگی۔

گوگل کا پراجیکٹ اباکیوس میں فون کے سنسرز کو استعمال کرتے ہوئے اس ڈیوائس کو استعمال کرنے والے فرد کا ڈیٹا اکھٹا کیا جاتا ہے، جیسے ٹائپنگ کا انداز، لوکیشن اور چہرے سمیت دیگر۔

اس تمام ڈیٹا کا موازنہ اس معلومات سے کیا جاتا ہے جو گوگل آپ کے بارے میں جانتا ہے۔

اس کے بعد مشینی ذہانت اس ڈیٹا کی بنیاد پر ' ٹرسٹ اسکور' کا تخمینہ لگا کر اس بات کا تعین کرتی ہے کہ اس ڈیوائس کو استعمال کرنے والا صارف اس کا مالک ہے یا نہیں۔

تو اگر آپ کو فون پر کسی مخصوص ایپ کے اکاﺅنٹ تک رسائی ملے گی تو آپ اس ایپ کو بغیر کسی پاس ورڈ کے اس وقت تک استعمال کرسکیں گے جب تک آپ کا ٹرسٹ اسکور برقرار رہے گا۔

گوگل نے اس پراجیکٹ کا اعلان گزشتہ سال اپنی سالانہ آئی او کانفرنس کے دوران کیا تھا۔

اب اس کا اطلاق رواں سال کے آخر تک اینڈرائیڈ صارفین پر ہوجائے گا۔


آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔

تبصرے (0) بند ہیں