25 نیوز چینلز کے سو سے زائد اینکرز اس وقت شدید تحقیق میں مصروف ہیں کہ کس طرح اسٹوڈیو کی میز پر وزیرِ اعظم نواز شریف کو لٹا کر منگل کو ہونے والی اوپن ہارٹ سرجری سے پہلے ہی ان کے طبی ماہرین کے پینل کو براہ راست مشورے دیے جائیں۔

ان میں سے ایک اینکر وزیر اعظم کے آپریشن کا موازنہ پرانے دور کے ایک ایسے بیمار بادشاہ کے آپریشن سے کریں گے جس کا علم کسی مستند طبی ماہر یا تاریخ دان تو کیا ان کے اپنے ریسرچرز کوبھی نہیں ہوگا۔

کچھ اینکرز اپنی "ریٹنگز لاؤ نوکری بچاؤ" مہم کے لیے جز وقتی ساتھی میزبان شیخ رشید کی زنبیل میں گھس کر براہ راست وزیر اعظم کی وطن واپسی کی وہ تاریخ ڈھونڈ نکالیں گے جو کم از کم ناظرین کی یادداشت اور ان کے چار پروگراموں سے آگے کی ہو۔

باقی اینکر ون پلس تھری پر گزارہ کریں گے، جہاں تین سیاسی جماعتوں کے وہ نمائندے موجود ہوں گے جو حقیقت سے اتنے ہی نا آشنا ہوں گے جتنے کہ خود اینکر۔ پورا ہفتہ بھی تو کھینچنا ہے یار۔

نوٹ فرما لیجیے کہ یہ تحریر ان ڈاکٹر اینکران کے کسی کام کی نہیں جو پہلے ہی 'خاکی نشتر' سے خبروں کی اوپن ہارٹ سرجری کرنے کے ماہر ہیں۔

لہٰذا اوپن ہارٹ سرجری سے جڑی ہر خبر اور نت نئی تحقیق کے لیے دیکھتے رہیے اس ہفتے تمام پاکستانی نیوز چینلز کیونکہ لندن کے نمائندگان آپ کو رکھیں گے با خبر۔

یہ وہی رپورٹر ہیں جو گذشتہ ہفتے آپ کو مولانا فضل الرحمٰن اور سابق صدر آصف زرداری کی اس ملاقات کی خبر بھی دے چکے ہیں جو ہوئی ہی نہیں۔

ملاقات نہ ہوئی تو کیا ہوا، آپ بے خبر تو نہ رہے نا؟

تبصرے (5) بند ہیں

sb May 30, 2016 05:51pm
this is very good "ریٹنگز لاؤ نوکری بچاؤ"
خالد May 30, 2016 06:40pm
نہایت عمدہ کوشش.. بالخصوص اگر پہلی ہے تو...طنز جاندار, فقرے کاٹ دار. جاری رکھیں
jami May 30, 2016 07:27pm
lol....yes true observation
اعزاز May 31, 2016 01:05am
بہت اعلی لکھا، مبشر صاحب لکھتے رہیں ایسی بے لاگ تحریریں مارکیٹ سے غائب ہیں۔
میاں محمد سمیع May 31, 2016 01:55am
تحریر نے مجھےاسے پڑھنے پر مجبور کیا۔جب میں نے ُپڑھنا شروع کیا تو مکمل پڑھے بغیر نہ رہ سکا۔ابھی میں یہ سوچ ہی رہا تھا کہ لکھنے والے نے ہمارے میڈیا کی کس قدر درست عکاسی کی ہے۔نیچے میرے بھائی (مبشر زیدی )کی تصویر نظر آئی تو تبصرہ کئے بغیر نہ رہ سکا۔ میاں محمد سمیع سنیئر نیوز ایڈیٹر پی ٹی وی نیوز اسلام آباد