کراچی میں صدر میں واقع پارکنگ پلازہ کے قریب فوج کی گاڑی پر موٹر سائیکل سوار 2 افراد نے فائرنگ کی، فائرنگ سے گاڑی میں سوار 2 فوجی اہلکار ہلاک ہوئے۔

حملہ آور فائرنگ کے بعد با آسانی متاثرہ مقام سے فرار ہونے میں کامیاب ہوئے۔

یہ بھی پڑھیں : کراچی میں فوج کی گاڑی پر حملہ ، 2 اہلکار ہلاک

فائرنگ کے دوران اہلکاروں کے جسم کے اوپری حصے کو نشانہ بنایا، جس کے باعث ان کے سر، گردن اور سینے پر گولیاں لگیں۔

پولیس کے مطابق فائرنگ میں 9 ایم ایم پستول استعمال کی گئی۔

فوجی گاڑی پر حملے کی ذمہ داری کالعدم تحریک طالبان پاکستان (جماعت الاحرار) نے قبول کی۔

خیال رہے کہ کراچی کے صدر کے علاقے میں فوجی گاڑی پر 8 ماہ میں دوسری بار حملہ کیا گیا ہے، دسمبر 2015 میں بھی ایم اے جناح روڈ پر فوجی گاڑی پر فائرنگ سے 2 اہلکار ہلاک ہوئے۔