کراچی میں تیز ہواؤں کے ساتھ ہونے والی بارش نے شہر میں جل تھل ایک کردیا۔

شہر میں ایک بار پھر ابر رحمت برسے تو شہریوں نے بھی اس کا خوب لطف اٹھایا اور اپنے اپنے طریقے سے موج مستی کی۔

تیز ہواؤں کے ساتھ بارش ہوئی تو ہمیشہ کی طرح ’کے الیکٹرک‘ کے متعدد فیڈرز بھی ٹرپ کر گئے اور ملیر، کھوکھراپار، ماڈل کالونی، گلشن اقبال، گلستان جوہر، شاہ فیصل کالونی، لانڈھی اور کورنگی کے علاقوں میں بجلی کی فراہمی متاثر ہوئی۔

بارش کے باعث شہر کے کئی علاقوں اور سڑکوں پر پانی کھڑا ہوگیا، جس سے ٹریفک کی روانی متاثر ہوئی اور لوگوں کو شدید مشکلات کا سامنا کرنا پڑا۔