لارڈز: پاکستان کے وکٹ کیپر بلے باز سرفراز احمد کی لارڈز میں تاریخی سنچری اور عمادووسیم کی آل راؤنڈ کارکردگی کے باوجود انگلینڈ نے 4 وکٹوں سے شکست دے کر سیریز میں برتری میں اضافہ کرلیا۔

لارڈز کے تاریخی کرکٹ گراؤنڈ میں سرفرازاحمد نے شدید دباؤ میں شاندار بلے بازی کا مظاہرہ کرتے ہوئے پاکستان کی جانب سے انگلینڈ کی سرزمین پر ون ڈے کرکٹ میں سنچری بنانے والے وکٹ کیپر بن گئے جبکہ لارڈز میں سنچری بنانے والے پہلے قومی بلے باز کا اعزاز بھی حاصل کرلیا۔

انگلینڈ میں لمبی اننگز کھیلنے والے وکٹ کیپر سری لنکا کے سابق کپتان کمارسنگاکارا ہیں جنھوں نے 13 جون 2013 کو ناقابل شکست 134 رنز بنائے تھے۔

لارڈ میں کھیلے گئے دوسرے میچ میں انگلینڈ کے باؤلرز نے بہترین کارکردگی کا مظاہرہ کیا اور پاکستان کی ٹیم کو آخری اوور میں 251 رنز پر آؤٹ کردیا جبکہ میزبان بلے بازوں خصوصاً جوروٹ اور کپتان آئن مورگن نے بہترین کارکردگی کا مظاہرہ کیا اور میچ باآسانی جیت لیا۔