ول اسمتھ ہولی وڈ کے بڑے اسٹار ہیں جن کے کریڈٹ پر کئی سپر ہٹ فلمیں ہیں اور آج کل وہ انڈیا میں اپنے دوست سلمان خان سے ملاقات کے لیے آئے ہوئے ہیں۔

فلم فیئر کے مطابق ہولی وڈ اسٹار ممبئی کے قریب واقع شہر پنویل جائیں گے جہاں وہ سلمان خان کی جانب سے دی جانے والی پارٹی میں شرکت کریں گے۔

سلمان نے اس کے لیے اپنے تمام قریبی دوستوں کو فارم ہاﺅس میں مدعو کیا ہے ۔

رپورٹ کے مطابق ول اسمتھ اور سلمان خان پرانے دوست ہیں اور ہولی وڈ اسٹار اپنے بولی وڈ دوست سے ملنے کے لیے ہی آئے ہیں۔

فوٹو بشکریہ انڈین ایکسپریس
فوٹو بشکریہ انڈین ایکسپریس

ول اسمتھ نے انڈیا پہنچنے کے بعد اکشے کمار کی جانب سے ان کے اعزاز میں منعقد کی جانے والی تقریب میں بھی شرکت کی۔

درحقیقت اکشے کمار خود ول اسمتھ کے بڑے پرستار ہیں اور یہی وجہ ہے کہ انہوں نے ہولی وڈ اسٹار کو پارٹی میں مدعو کیا۔

عالیہ بھٹ، جیکولین فرنانڈس اور ورون دھون ول اسمتھ کے ساتھ
عالیہ بھٹ، جیکولین فرنانڈس اور ورون دھون ول اسمتھ کے ساتھ

اس تقریب میں کرن جوہر، رنبیر کپور، سدہارتھ ملہوترہ، عالیہ بھٹ، ارجن کپور، سوناکشی سنہا، جیکولین فرنانڈس، شردھا کپور، ایان مکھر جی اور ورون دھون سمیت متعدد بولی وڈ ستاروں نے شرکت کی۔

اور ہاں ہر ایک ول اسمتھ کے ساتھ سیلفی لینے کے لیے بھی بے تاب رہا۔

ول اسمتھ اور سوناکشی سنہا
ول اسمتھ اور سوناکشی سنہا

ضرور پڑھیں

تبصرے (0) بند ہیں