لاہور: الحمرا آرٹس کونسل میں محفل غزل کا انعقاد
31 اگست 2016
لاہور میں کلاسیکل گائیکی کی روایت برقرار رکھنے کے لیے محفل غزل کا انعقاد کیا گیا جس میں معروف غزل گائیک غلام عباس اورترنم ناز نےنامور شعرا کی غزلیں گا کر سماں باندھ دیا۔
الحمرا آرٹس کونسل میں سجی کلاسیکل موسیقی کی شام جہاں گائیگ غلام عباس نے نامور شعرا کی غزلیں گاکر حاضرین کو اپنا گرویدہ بنالیا۔
محفل کو چار چاند تو اس وقت لگے جب معروف گلوکارہ ترنم ناز نے فیض احمدفیض کی غزل گاکرشرکا پرسحر طاری کر دیا۔
محفل غزل میں بڑی تعداد میں موسیقی کے دل دادہ افراد شریک ہوئے جو کلاسیکل سرتال سے خوب محظوظ ہوتے رہے ۔
تبصرے (0) بند ہیں