دبئی: پاکستان نے عالمی چمپیئن ویسٹ انڈیز کو 3 ٹی ٹوئنٹی میچوں کی سیریز کے پہلے میچ میں باآسانی 9 وکٹوں سے شکست دے کر سیریز میں 0-1 کی برتری حاصل کی۔

پاکستان کی جانب سے عماد وسیم نے تباہ کن باؤلنگ کا مظاہرہ کرتے ہوئے پہلے ہی اوور میں ویسٹ انڈیز کے بلے باز کو آؤٹ کیا اور اسی سلسلے کو جاری رکھتے ہوئے ٹی ٹوئنٹی میں پاکستان کی جانب سے 5 وکٹیں حاصل کرنے والے پہلے اسپنر بن گئے۔

ویسٹ انڈیز کی جانب سے ڈوون براوو نے دباؤ میں بہترین بلے بازی کا مظاہرہ کرتے ہوئے نصف سنچری بنائی اور ٹیم کو 115 رنز کا اسکور ترتیب دینے میں بنیادی کردار ادا کیا لیکن یہ ہدف جیت کے لیے ناکافی ثابت ہوا۔

بابراعظم نے ٹی ٹوئنٹی میں اپنی پہلی نصف سنچری مکمل کی اور انگلینڈ کے خلاف ناکامی کے بعد ہونے والی تنقید کا مثبت جواب دیا۔

عماد وسیم کو 5 وکٹیں حاصل کرنے پر میچ کا بہترین کھلاڑی قرار دیا گیا۔