فیس بک کے ذریعے اب کھانا آرڈر کرنا ممکن

اپ ڈیٹ 20 اکتوبر 2016
فوٹو/ کریٹیو کامنز—۔
فوٹو/ کریٹیو کامنز—۔

فیس بک انکارپوریشن کا کہنا ہے کہ امریکا میں موجود اس کے صارفین اب ریسٹورنٹس کے فیس بک پیجز کے ذریعے کھانا آرڈر کرسکیں گے۔

فیس بک کے مطابق اس فیچر کا مقصد صارفین اور کاروبار کو ایک دوسرے سے منسلک کرنا ہے۔

اس بات کا اعلان فیس بک نے اپنی ایک بلاگ پوسٹ میں کرتے ہوئے کہا کہ کھانا آرڈر کرنے کے علاوہ صارفین فلموں کے ٹکٹ خریدنے کے ساتھ ساتھ اپارٹمنٹس اور بیوٹی سیلونز کے لیے اپائنٹمنٹس بھی لے سکیں گے۔

مزید پڑھیں:فیس بک میسنجر پر اب اشتہارات بھی

اس سے قبل رواں ماہ کے آغاز میں فیس بک نے 'مارکیٹ پلیس' کے نام سے ایک پلیٹ فارم کا آغاز کیا تھا، جس کے ذریعے صارفین مقامی طور پر اشیاء خرید یا فروخت کرسکتے ہیں۔

فیس بک کا مزید کہنا ہے کہ وہ ایک 'تجاویز' کا فیچر بھی متعارف کروائے گا، جس کے ذریعے صارفین اس حوالے سے تجاویز شیئر کرسکیں گے کہ کون سی جگہ کھانے کے لیے بہترین ہے یا کس سیلون کی سروسز بہترین ہیں۔

تبصرے (0) بند ہیں