مائیکروسافٹ نے اپنا پہلا آل ان ون ونڈوز 10 ڈیسک ٹاپ کمپیوٹر سرفیس اسٹوڈیو متعارف کرا دیا ہے۔

ایک تقریب کے دوران اس کمپیوٹر کو متعارف کرایا گیا جو کہ ایلومنیم سے تیار کیا گیا ہے جس کے ساتھ 28 انچ کی پکسل سنس ڈسپلے ٹچ اسکرین بھی ہے جس کی موٹائی محض 12.5 ملی میٹر ہے۔

مائیکروسافٹ کا کہنا ہے ک سب سے پتلی ایل سی ڈی اسکرین ہے جو کسی آل ان ون کمپیوٹر کے لیے تیار کی گئی ہے۔

یہ اسکرین گوریلا گلاس سے تیار کی گئی ہے اور اس پر 13.5 ملین پکسلز 192ppi کے ساتھ موجود ہیں۔

اپنے ڈیزائن سے ہٹ کر بھی سرفیس اسٹوڈیو بہت زیادہ طاقتور ہے جس میں کواڈ کور انٹیل کور آئی سیون پروسیسر، 2 ٹی بی اسٹوریج، 980ایم گرافکس اور اسٹیریو 2.1 اسپیکرز ڈولبی آڈیو ٹیوننگ کے ساتھ ہیں، جبکہ ڈیجیٹل اسسٹنٹ کورٹانا کے لیے ایک مائیک بھی ہے۔

چونکہ یہ سرفیس ڈیوائس ہے اس لیے یہ سرفیس پین اسٹائلوس کو بھی سپورٹ کرتی ہے۔

اسی ایونٹ کے دوران مائیکروسافٹ نے اپنا نیا سرفیس بک لیپ ٹاپ بھی متعارف کرایا۔

فوٹو بشکریہ مائیکرو سافٹ
فوٹو بشکریہ مائیکرو سافٹ

2399 ڈالرز کی اس ڈیوائس کو مائیکروسافٹ نے اب تک کا سب سے طاقتور لیپ ٹاپ قرار دیا ہے جو کہ نومبر میں فروخت کے لیے پیش کیا جائے گا۔

اس لیپ ٹاپ کی گرافکس پرفارمنس گزشتہ سرفیس ڈیوائس کے مقابلے میں دو گنا بہتر ہے جبکہ اس کی بیٹری لائف 16 گھنٹے ہے۔

مائیکروسافٹ کے مطابق اس کی گرافکس پرفارمنس ایپل کے میک بک پرو سے تین گنا بہتر ہے۔

ضرور پڑھیں

تبصرے (0) بند ہیں