آسٹریلیا نے پاکستان کو پرتھ میں 7 وکٹوں سے شکست دے کر اس گراؤنڈ میں مہمان ٹیم کے خلاف فتوحات کی ہیٹ ٹرک مکمل کی۔

پاکستان نے پہلے بلے بازی کرتے ہوئے 7 وکٹوں پر 263 رنز بنائے جس میں نوجوان بلےباز بابراعظم کے 84 اور شرجیل خان کے 50 رنز بھی شامل تھے۔

آسٹریلیا کے کپتان اسٹیو اسمتھ نے 108 رنز کی قائدانہ اننگز کھیلتے ہوئے اپنی ٹیم کو 7 وکٹوں سے فتح دلادی اور میچ کے بہترین کھلاڑی قرار پائے۔

آسٹریلیا نے اس فتح کے ساتھ پاکستان کے خلاف 5 میچوں کی ایک روزہ سیریز میں 2-1 سے برتری حاصل کرلی۔