برے وائیٹ چیمپئن بننے کے بعد — فوٹو بشکریہ ڈبلیو ڈبلیو ای
برے وائیٹ چیمپئن بننے کے بعد — فوٹو بشکریہ ڈبلیو ڈبلیو ای

برے وائیٹ نے اتوار کو ڈبلیو ڈبلیو ای کے ایونٹ کے دوران ایلیمینیشن چیمبر میچ میں پانچ دیگر ریسلر کو شکست دے کر پہلی بار چیمپئن بننے کا اعزاز حاصل کرلیا ہے۔

برے وائیٹ نے ڈبلیو ڈبلیو ای چیمپئن شپ جان سینا سے جیتی ہے جبکہ اس میچ میں ان دونوں کے ساتھ ساتھ اے جے اسٹائلز، ڈین امبروز، دی مز اور بیرن کوربن بھی شریک ہوئے۔

میچ کا آغاز اے جے اسٹائلز اور جان سینا نے کیا جبکہ تیسرے نمبر پر ڈین امبروز، چوتھے پر برے وائیٹ، پانچویں پر بیرن کوربن اور چھٹے پر دی مز اس کا حصہ بنے۔

تاہم سب سے پہلے بے دخل ہونے والے ریسلر بیرن کوربن بنے جنھیں ڈین امبروز نے چت کیا، اس کے بعد امبروز کو دی مز نے باہر کیا، جبکہ تیسرے پر دی مز جان سینا کے ہاتھوں شکست کھا کر باہر ہوئے۔

اس کے بعد برے وائیٹ نے جان سینا کو اپنے خاص داﺅ سے چت کرکے اس بات کو یقینی بنا دیا کہ ڈبلیو ڈبلیو ای چیمپئن کوئی نیا ریسلر بنے گا اور آخر میں اے جے اسٹائلز بھی برے وائیٹ کا شکار بنے۔

خیال رہے کہ جان سینا نے دو ہفتے قبل ہی رائل رمبل میں اے جے اسٹائلز کو شکست دے کر 16 ویں بار چیمپئن بننے کا ریکارڈ برابر کیا تھا۔

تاہم اسمیک ڈاﺅن کے کمشنر شین میکموہن نے رائل رمبل سے قبل اعلان کردیا تھا کہ جان سینا یا اے جے اسٹائلز میں سے جو بھی چیمپئن ہوگا اسے اعزاز کا دفاع ایلیمینیشن چیمبر میں کرنا ہوگا۔

اب برے وائیٹ کا مقابلہ ممکنہ طور پر ریسل مینیا 33 میں رائل رمبل کے فاتح رینڈی اورٹن سے ہوگا جو کہ اس وقت ان کی وائیٹ فیملی کا ہی حصہ بنے ہوئے ہیں۔

ان دونوں کے درمیان گزشتہ سال کئی ماہ تک مخالفت چلتی رہی تھی جس کے بعد رینڈی اورٹن غیر متوقع طور پر وائیٹ فیملی کا حصہ بن گئے تھے مگر سب کو توقع تھی کہ ایک دن یہ دونوں ایک بار پھر مدمقابل آئیں گے۔

زیادہ پڑھی جاٰنے والی خبریں

گزشتہ 24 گھنٹوں کے دوران

'یہ 40 سال کا قصہ ہے'

'یہ 40 سال کا قصہ ہے'
کرس پورسز نے ایک دلچسپ پراجیکٹ کو پیش کیا جو کہ متاثرکن ہونے کے ساتھ لوگوں کو زندگی کے سفر کی کہانی بھی بیان کرتا ہے۔
اپ ڈیٹ مارچ 26, 2017 05:52pm

LARGE_RECTANGLE_BOTTOM - /1029551/Dawn_ASA_Unit_670x280


تبصرے (0) بند ہیں