ڈائریکٹر جنرل جیولوجیکل سروے نے ملک میں بجلی کی کمی کو دور کرنے کے لیے وفاقی حکومت کو انوکھی پیشکش کردی۔

ڈی جی جیولوجیکل سروے ڈاکٹر عمران نے قومی اسمبلی کی قائمہ کمیٹی برائے پیٹرولیم کو بریفنگ کے دوران بتایا کہ پاکستان میں جیو تھرمل ذرائع سے 10 ہزار میگاواٹ بجلی پیدا کرنے کی صلاحیت موجود ہے۔

انہوں نے بتایا کہ جیو تھرمل ذرائع سے ترکی 5 ہزار میگاواٹ اور امریکا 2 ہزار میگاواٹ بجلی پیدا کر رہا ہے، جیو تھرمل سے بجلی حاصل کرنے کے منصوبے کے لیے 99 کروڑ روپے درکار ہیں اور یہ منصوبہ 5 سال میں مکمل ہوگا۔

انہوں نے منصوبے کے لیے آئندہ مالی سال کے وفاقی ترقیاتی بجٹ میں فنڈز مختص کرنے کا مطالبہ کرتے ہوئے کہا کہ منصوبے کے لیے ایک دفعہ کی سرمایہ کاری کی ضرروت ہوگی۔ کمیٹی نے منصوبے کی منظوری دیتے ہوئے آئندہ اجلاس میں اس کی تفصیلات طلب کر لیں۔