سیہون دھماکا: قیمتی جانوں کے ضیاع پر ملک سوگوار
اپ ڈیٹ 17 فروری 2017
سندھ کے صوفی بزرگ درگاہ لعل شہباز قلندر کے سیہون میں موجود مزار پر جمعرات کے روز عقیدت مند اور زائرین کی بڑی تعداد موجود تھی، ایسے میں دہشت گردی نے ان میں سے کئی افراد کے گھر اُجاڑ دیئے۔
سیہون میں لعل شہباز قلندر کی درگاہ پر خودکش دھماکا ہوا، جس میں 80 افراد ہلاک جبکہ 200 سے زائد زخمی ہوئے۔
مزید پڑھیں: سیہون دھماکا: ہلاکتیں 80 ہوگئیں، سوگ کا سماں
یہ دھماکا اس وقت ہوا جب مزار میں دھمال جاری تھا، اس کے موقع پر لوگوں کی کثیر تعداد وہاں موجود ہوتی ہے، دھماکے کی ذمہ داری شدت پسند تنظیم داعش نے قبول کی۔
ہلاک ہونے والوں میں مردوں اور خواتین کے ساتھ 7 بچے بھی شامل تھے۔
تبصرے (1) بند ہیں