پاکستان کی ورلڈ کپ میں شاندار واپسی

اپ ڈیٹ 12 جون 2019

پاکستان نے ورلڈ کپ میں اپنے دوسرے میچ میں انگلینڈ کو 14رنز سے شکست دے دی۔

ناٹنگھم کے ٹرینٹ برج میں کھیلے گئے میچ میں انگلینڈ کے کپتان آئن مورگن نے ٹاس جیت کر پاکستان کو پہلے بیٹنگ کی دعوت دی۔

قومی ٹیم نے بابر اعظم، محمد حفیظ اور کپتان سرفراز احمد کی نصف سنچریوں کی بدولت مقررہ اوورز میں 8 وکٹوں کے نقصان پر 348 رنز بنائے اور انگلینڈ کو جیت کے لیے بڑا ہدف دیا۔

انگلینڈ نے ہدف کا تعاقب شروع کیا تو ابتدائی بلے باز زیادہ دیر تک کریز پر نہ ٹک پائے اور 118 پر اس کی 4 وکٹیں گر چکی تھیں۔

تاہم جو روٹ اور جوز بٹلر نے عمدہ بیٹنگ کا مظاہرہ کرتے ہوئے ابتدائی نقصان کا ازالہ کردیا جبکہ اس دوران انگلینڈ کا رن ریٹ بھی 6 سے کم نہ ہونے دیا۔

روٹ اور بٹلر نے 130رنز کی شاندار شراکت قائم کر کے انگلینڈ کو میچ میں واپس لے آئے اور جو روٹ نے شاندار سنچری اسکور کی تاہم سنچری کے فوراً بعد وہ شاداب خان کی وکٹ بن گئے، انہوں نے 107رنز بنائے۔

لیکن دوسرے اینڈ سے جوز بٹلر نے جارحانہ بیٹنگ جاری رکھی اور بہترین بیٹنگ کرتے ہوئے محمد عامر کو چوکا لگا کر اپنی سنچری مکمل کی لیکن اگلی گیند پر اسی کوشش میں وہ وہاب ریاض کو کیچ دے بیٹھے، انہوں نے 2 چھکوں اور 9چوکوں کی مدد سے 103رنز بنائے۔

انگلینڈ کی ٹیم مقررہ اوورز میں 9 وکٹوں کے نقصان پر 333 رنز بنا سکی اور پاکستان نے میچ میں 14رنز سے فتح اپنے نام کر لی۔

وہاب ریاض وکٹ لینے کے بعد خوشی کا اظہار کر رہے ہیں — فوٹو: اے ایف پی
وہاب ریاض وکٹ لینے کے بعد خوشی کا اظہار کر رہے ہیں — فوٹو: اے ایف پی
قومی ٹیم کی جانب سے محمد حفیظ، بابر اعظم اور سرفراز احمد نے نصف سنچریاں اسکور کیں — فوٹو: اے ایف پی
قومی ٹیم کی جانب سے محمد حفیظ، بابر اعظم اور سرفراز احمد نے نصف سنچریاں اسکور کیں — فوٹو: اے ایف پی
محمد حفیظ نصف سنچری بنانے پر بابر اعظم کو مبارکباد دے رہے ہیں — فوٹو: اے ایف پی
محمد حفیظ نصف سنچری بنانے پر بابر اعظم کو مبارکباد دے رہے ہیں — فوٹو: اے ایف پی
پاکستانی اوپنر فخر زمان جارحانہ شاٹ کھیلتے ہوئے — فوٹو: اے ایف پی
پاکستانی اوپنر فخر زمان جارحانہ شاٹ کھیلتے ہوئے — فوٹو: اے ایف پی
کپتان سرفراز احمد نے 44 گیندوں پر 55 رنز کی اننگز کھیلی — فوٹو: اے پی
کپتان سرفراز احمد نے 44 گیندوں پر 55 رنز کی اننگز کھیلی — فوٹو: اے پی
باؤنڈری لگنے پر پاکستانی شائقین خوشی سے جھوم رہے اور داد دے رہے ہیں — فوٹو: اے ایف پی
باؤنڈری لگنے پر پاکستانی شائقین خوشی سے جھوم رہے اور داد دے رہے ہیں — فوٹو: اے ایف پی
جو روٹ نے میچ میں شاندار سنچری اسکور کی — فوٹو: اے ایف پی
جو روٹ نے میچ میں شاندار سنچری اسکور کی — فوٹو: اے ایف پی
شاداب خان اور دیگر کھلاڑی وکٹ حاصل کرنے پر پرجوش نظر آرہے ہیں — فوٹو: اے پی
شاداب خان اور دیگر کھلاڑی وکٹ حاصل کرنے پر پرجوش نظر آرہے ہیں — فوٹو: اے پی
انگلینڈ کی ٹیم مقررہ اوورز میں 9 وکٹوں کے نقصان پر 333 رنز بنا سکی — فوٹو: اے پی
انگلینڈ کی ٹیم مقررہ اوورز میں 9 وکٹوں کے نقصان پر 333 رنز بنا سکی — فوٹو: اے پی
پاکستان نے میچ میں 14رنز سے فتح اپنے نام کی — فوٹو: رائٹرز
پاکستان نے میچ میں 14رنز سے فتح اپنے نام کی — فوٹو: رائٹرز