پاکستان نے بابر اعظم اور عثمان خان شنواری کی شاندار کارکردگی کی بدولت سری لنکا کو دوسرے ون ڈے میچ میں 67رنز سے شکست دے کر سیریز میں برتری حاصل کر لی۔

کراچی کے نیشنل اسٹیڈیم میں کھیلے گئے میچ کی بدولت شہر قائد میں 10سال کے طویل عرصے کے بعد ون ڈے کرکٹ کی واپسی ہوئی۔

پاکستان نے ٹاس جیت کر پہلے بیٹنگ کرتے ہوئے 7 وکٹوں کے نقصان پر 305 رنز بنائے، بابر اعظم نے 4 چھکوں اور 8 چوکوں کی مدد سے 115 رنز بنائے، فخر زمان نے نصف سنچری اسکور کی۔

جواب میں سری لنکا کی ٹیم 28رنز پر پانچ وکٹیں گنوا چکی تھی لیکن شیہان جو سوریا اور داسن شناکا نے 177 رنز کی شراکت قائم کر کے اپنی ٹیم کو میچ میں واپس لے آئے۔

عثمان نے اس شراکت خاتمہ کیا اور دونوں کھلاڑیوں بالترتیب 96 اور 68 رنز کے ساتھ پویلین لوٹ گئے اور پاکستان نے میچ میں 67رنز سے کامیابی حاصل کر لی۔