آسٹریلیا نے پاکستان کو تیسرے ٹی20 میچ میں یکطرفہ مقابلے کے بعد 10وکٹوں سے شکست دے کر سیریز 0-2 سے اپنے نام کر لی۔

پرتھ میں کھیلے گئے میچ میں آسٹریلیا نے ٹاس جیت کر فیلڈنگ کا فیصلہ کیا جو بالکل درست ثابت ہوا۔

کپتان بابر اعظم کے جلد پویلین لوٹنے کے بعد پاکستانی بیٹنگ لائن مشکلات سے دوچار نظر آئی اور افتخا احمد نے 45 رنز کی اننگز کھیل ٹیم کی کچھ لاج رکھ لی۔

امام الحق اور افتخار احمد کے سوا کوئی بھی بلے باز ڈبل فیگرز میں بھی داخل نہ ہو سکا اور پاکستان کی ٹیم مقررہ اوورز میں 8 وکٹوں کے نقصان پر 106 رنز بنا سکی۔

آسٹریلیا کی جانب سے کین رچرڈسن 3 وکٹیں لے کر سب سے کامیاب باؤلر رہے جبکہ مچل اسٹارک اور شان ایبٹ نے 2، 2 وکٹیں حاصل کیں۔

جواب میں ایرون فنچ اور ڈیوڈ وارنر کو کسی بھی موقع پر ایک آسان ہدف کے تعاقب میں مشکل پیش نہ آئی اور آسٹریلیا نے 12ویں اوور کی پانچویں گیند پر ہدف حاصل کر کے 10 وکٹ سے شاندار فتح اپنے نام کر لی۔

میچ میں فتح کے ساتھ ہی آسٹریلیا نے سیریز بھی 0-2 سے اپنے نام کر لی۔

شان ایبٹ کو شاندار 14 رنز کے عوض 2 وکٹیں لینے پر میچ کا بہترین کھلاڑی چنا گیا۔