پاکستان سمیت یورپ، امریکا اور مشرق وسطیٰ کے متعدد ممالک میں 13 جبکہ بھارت اور بنگلہ دیش سمیت کچھ جنوبی ایشیائی ممالک میں 14 مئی کو عیدالفطر منائی گئی۔

کورونا وائرس کی وبا کے دوران دوسری عیدالفطر سخت بندشوں کے تحت مذہبی جوش و جذبے کے ساتھ منائی گئی، اس سلسلے میں مساجد، عید گاہوں اور کھلے میدانوں میں نماز عید کے چھوٹے بڑے اجتماعات منعقد ہوئے۔

گزشتہ برس کے مقابلے میں اس سال عید الفطر کے اجتماعات قدرے روایتی انداز میں منعقد کیے گئے، تاہم ساتھ ہی وبا سے تحفظ کی احتیاطی تدابیر بھی اختیار کی گئیں۔