دنیا بھر کی طرح پاکستان میں بھی ہندو برادری نے رنگوں کا تہوار ہولی بھرپور جوش و جذبے سے منایا۔

بہار کے موسم کی آمد پر منائے جانے والے ہندوؤں کے مذہبی تہوار ہولی کو ’رنگوں کا تہوار‘ بھی کہا جاتا ہے اس تہوار کی تقریبات دو دن تک چلتی ہیں۔

پہلے دن مختلف رسومات ادا کی جاتی ہیں اور دوسرے دن رنگ بکھیرے جاتے ہیں اور سرخ، پیلے، نیلے اور سبز جیسے خوبصورت رنگوں کا یہ تہوار بچوں اور بڑوں کا پسندیدہ تہوار ہے۔

ملک بھر بالخصوص صوبہ سندھ کے علاقوں مٹھی، حیدرآباد، جیکب آباد، تھرپارکر میں ہولی کی تقریب میں ہندو برادری کے ساتھ مسلم برادری کے افراد اور گورنر سندھ کامرن ٹیسوری نے بھی شرکت کر کے رواداری اور مذہبی ہم آہنگی کا اظہار کیا۔