بشریٰ انصاری نے انسٹاگرام پر ایک ویڈیو پوسٹ کی جس کا عنوان تھا کہ اب سوشل میڈیا پر بھکاری میری جعلی آئی ڈیز استعمال کر رہے ہیں، براہِ کرم انہیں فالو نہ کریں۔

ویڈیو میں انہوں نے ان جعلی اکاؤنٹس پر شدید برہمی کا اظہار کیا جو ان کے نام سے چل رہے ہیں اور انسٹاگرام سے لی گئی تصاویر کے ذریعے بھیک مانگ رہے ہیں، کچھ اکاؤنٹس یہ دعویٰ کرتے ہیں کہ جمعرات غریبوں کی مدد کا مذہبی دن ہے جبکہ کچھ یہ کہہ رہے ہیں کہ وہ غریبوں اور بیواؤں کی مدد کے لیے این جی او بنا رہے ہیں۔

انہوں نے افسوس کا اظہار کرتے ہوئے کہا کہ اس دنیا میں بے غیرتوں کی کوئی کمی نہیں ہے۔

اسی ویڈیو میں بشریٰ انصاری نے ایک تازہ جعلی اکاؤنٹ کی نشاندہی بھی کی جس میں ان کی نئی تصویر استعمال کی گئی تھی، جس میں وہ بندی لگائے نظر آ رہی تھیں۔ انہوں نے لوگوں سے کہا کہ اس دھوکے میں نہ آئیں اور یاد دلایا کہ وہ اس مسئلے پر پہلے بھی آواز اٹھا چکی ہیں۔

انہوں نے کہا کہ اس سے پہلے بھی میں نے ایسی ویڈیو بنائی تھی کہ میری جعلی آئی ڈیز کو فالو نہ کریں۔ پرسوں میری ایک نئی تصویر تھی جس میں میں نے پیشانی پر بندی لگائی ہوئی تھی، اسی تصویر کے ساتھ بھی ایک اکاؤنٹ بنا دیا گیا ہے۔ اس سے پہلے بھی پتا نہیں کیسے، وہ میری نجی تصاویر انسٹاگرام سے لے لیتے ہیں اور پھر ان کے ذریعے پیسے مانگتے ہیں۔

بشریٰ انصاری نے کہا کہ وہ بار بار ان صفحات کو رپورٹ اور بلاک کرتی ہیں، مگر مسئلہ ختم ہونے کا نام نہیں لیتا۔ انہوں نے واضح کیا کہ اگر وہ کبھی کسی کی مدد کرتی ہیں تو خاموشی سے کرتی ہیں اور انہوں نے دنیا میں کبھی کسی سے ادھار نہیں لیا۔

کسی بھی ابہام سے بچنے کے لیے انہوں نے اپنے اصل اکاؤنٹس بھی بتائے: انسٹاگرام پر ansari.bushra فیس بک پر Bushra Bashir اور ایک اور فیس بک اکاؤنٹ جس میں وہ صائمہ چوہدری کے کردار میں تانگے پر بیٹھی نظر آتی ہیں۔

دونوں ملزمان آج (منگل کو) اپنے وکلا کے ہمراہ عدالت پہنچے تو پولیس کی جانب سے سخت سکیورٹی انتظامات کیے گئے تھے۔

ایڈیشنل ڈسٹرکٹ اینڈ سیشنز جج منصور احمد نے کیس کی سماعت کی، جس دوران نیشنل سائبر کرائم انویسٹی گیشن ایجنسی کے وکیل نے عدالت کو بتایا کہ تفتیشی افسر اس وقت لاہور ہائیکورٹ میں جاری کارروائی میں مصروف ہیں۔

این سی سی آئی اے کے وکیل نے ریکارڈ پیش کرنے کے لیے مہلت دینے کی استدعا کی، جس پر عدالت نے رجب بٹ اور ندیم مبارک کی پیشگی ضمانت 26 جنوری تک بڑھا دی اور این سی سی آئی اے کو آئندہ سماعت پر ریکارڈ پیش کرنے کی ہدایت کی۔

اس سے قبل عدالت نے حاضری مکمل ہونے کے بعد دونوں ٹک ٹاکرز کو کمرۂ عدالت سے جانے کی اجازت دے دی تھی۔

یہ دونوں کونٹینٹ کریئیٹرز پہلی بار قانونی مشکلات کا سامنا نہیں کر رہے۔

ستمبر 2025 میں این سی سی آئی اے نے رجب بٹ کے خلاف یوٹیوب اور ٹک ٹاک ویڈیوز اور محدود وقت کے لیے انسٹاگرام اسٹوریز میں آن لائن جوئے کی ایپس کی تشہیر کے الزام میں مقدمہ درج کیا تھا۔

اسی طرح ندیم مبارک کے خلاف بھی سوشل میڈیا پر جوئے کی ایپس کی تشہیر کا مقدمہ درج کیا گیا تھا، تاہم انہیں ستمبر میں ایک اور کیس میں بھی گرفتار کیا گیا تھا، جس میں ان پر اپنی گاڑی پر جعلی رجسٹریشن نمبر آئی کے 804 لگانے کا الزام تھا۔ پولیس کے مطابق پوچھ گچھ کے دوران وہ جعلی نمبر پلیٹ کے بارے میں تسلی بخش جواب نہ دے سکے، جو کہ جیل میں قید پی ٹی آئی کے بانی عمران خان سے منسوب ہے۔

رجب بٹ کے وکیل کا لائسنس بحال

دوسری جانب اسی روز پنجاب بار کونسل نے رجب بٹ کے وکیل ایڈووکیٹ میاں علی اشفاق کا وکالت کا لائسنس بحال کر دیا۔

یہ فیصلہ ایک روز قبل لاہور ہائیکورٹ میں دائر اس درخواست کی سماعت کے بعد سامنے آیا، جس میں ایڈووکیٹ علی اشفاق نے اپنا لائسنس معطل کیے جانے کو چیلنج کیا تھا۔ عدالت نے پنجاب بار کونسل سے مکمل ریکارڈ طلب کرتے ہوئے وائس چیئرمین کو ہدایت کی تھی کہ وکیل کو ذاتی سماعت کا موقع دیا جائے اور معاملہ دوپہر دو بجے تک نمٹایا جائے۔

پنجاب بار کونسل نے میاں علی اشفاق کا لائسنس کراچی بار ایسوسی ایشن کے صدر اور جنرل سیکریٹری کی شکایت پر معطل کیا تھا، جن کا مؤقف تھا کہ انہوں نے بار کی ہڑتال کے باوجود کراچی کی عدالت میں رجب بٹ کی نمائندگی کی۔

منگل کو پنجاب بار کونسل کے وائس چیئرمین محمد اشفاق نے بتایا کہ ایڈووکیٹ علی اشفاق کا لائسنس بحال کر دیا گیا ہے۔ حکم نامے میں کہا گیا کہ شکایت موصول ہونے کے بعد مختصر نوٹس جاری کیا گیا اور مناسب سماعت کا موقع دیے بغیر ہی ایگزیکٹو کمیٹی نے ان کا لائسنس معطل کر دیا تھا۔

تاہم حکم نامے میں یہ بھی کہا گیا کہ ایڈووکیٹ علی اشفاق کی جانب سے ایگزیکٹو کمیٹی کے اختیار سے متعلق اعتراض کو غلط فہمی قرار دے کر مسترد کر دیا گیا۔

وائس چیئرمین نے معاملہ مزید کارروائی کے لیے بار کونسل کی ڈسپلنری کمیٹی کو بھجوا دیا اور دفتر کو ہدایت کی کہ لاہور ہائیکورٹ کو فیصلے سے آگاہ کیا جائے۔

پنجاب بار کونسل کے حکم نامے کے مطابق ایڈووکیٹ علی اشفاق نے اعتراض کی صورت میں درخواست دائر کی تھی، جس میں مؤقف اختیار کیا گیا کہ 31 دسمبر کا حکم آئین کے آرٹیکل 10 اے اور فطری انصاف کے اصولوں کی کھلی خلاف ورزی ہے کیونکہ انہیں سنے بغیر یکطرفہ طور پر لائسنس معطل کیا گیا۔

انہوں نے یہ بھی کہا کہ انہوں نے نہ تو وکلا برادری کے خلاف کوئی بدعنوانی کی اور نہ ہی وکالت کے پیشے کے وقار کو مجروح کیا۔ ان کے مطابق کراچی بار ایسوسی ایشن کی جانب سے دائر شکایت جانبدارانہ، بدنیتی پر مبنی اور چند عہدیداران کی ذاتی مخالفت کا نتیجہ تھی۔

کراچی بار ایسوسی ایشن نے یہ ہڑتال اپنے سابق لائبریرین نصیر محمد کلہوڑو کے مبینہ استحصال کے خلاف کی تھی۔

پنجاب بار کونسل کے 31 دسمبر کے حکم نامے میں کہا گیا تھا کہ دورانِ وکالت ایڈووکیٹ علی اشفاق نے وکلا برادری کے خلاف بیانات دیے، جنہیں پیشہ ورانہ بددیانتی قرار دیا گیا۔

اس بنیاد پر ایگزیکٹو کمیٹی نے متفقہ طور پر ان کا وکالت کا لائسنس معطل کرنے کا فیصلہ کیا تھا اور مستقل منسوخی کے لیے معاملہ ڈسپلنری کمیٹی کو بھجوا دیا گیا تھا۔

واضح رہے کہ ایڈووکیٹ علی اشفاق سابق ڈی جی آئی ایس آئی فیض حمید کے فوجی عدالت میں مکمل ہونے والے ٹرائل میں بھی بطور وکیل پیش ہوتے رہے ہیں۔

عماد وسیم نے علیحدگی کی وجہ کئی برسوں سے جاری ناقابلِ حل اختلافات کو قرار دیا جبکہ ثانیہ اشفاق کے بیان میں معاملے کو بہت زیادہ تکلیف دہ انداز میں پیش کیا گیا، جس میں ایک تیسرے فریق کے کردار کا ذکر کیا گیا، جس کی عماد وسیم سے شادی کی خواہش کو انہوں نے پہلے سے کمزور شادی کے لیے آخری ضرب قرار دیا۔

ثانیہ اشفاق نے لکھا کہ ’میرا گھر ٹوٹ چکا ہے اور میرے بچوں کو باپ کے بغیر چھوڑ دیا گیا ہے۔ میں تین بچوں کی ماں ہوں، جن میں پانچ ماہ کا ایک شیر خوار بچہ بھی شامل ہے جسے اس کے والد نے ابھی تک گود میں نہیں لیا۔‘

انہوں نے کہا کہ دیگر شادیوں کی طرح ان کے رشتے میں بھی مشکلات تھیں، مگر وہ قائم رہا۔ میں نے بطور بیوی اور ماں اپنے فرائض نبھائے اور خاندان کو بچانے کی مخلصانہ کوشش کی۔ تاہم ایک تیسرے فریق کی مداخلت، جس کا مقصد میرے شوہر سے شادی کرنا تھا، اس رشتے کے خاتمے کی وجہ بنی۔

ثانیہ اشفاق کا یہ بیان اس وقت سامنے آیا جب چند گھنٹے قبل عماد وسیم نے انسٹاگرام پر طلاق کا اعلان کرتے ہوئے عوام سے نجی زندگی کا احترام کرنے اور پرانی جوڑی کی تصاویر شیئر نہ کرنے کی درخواست کی تھی۔

انہوں نے کہا کہ آئندہ ثانیہ اشفاق کو ان کی اہلیہ کہہ کر نہ پکارا جائے۔عماد وسیم نے گمراہ کن بیانیے پھیلانے پر قانونی کارروائی کی وارننگ دیتے ہوئے کہا کہ وہ اپنے بچوں کے والد ہیں اور ان کی مکمل اور ذمہ دارانہ دیکھ بھال کرتے رہیں گے۔

دوسری جانب ثانیہ اشفاق نے کہا کہ معاملہ اب بھی قانونی طور پر زیرِ سماعت ہے اور سچ مناسب فورمز کے ذریعے سامنے آئے گا۔ انہوں نے الزام لگایا کہ تیسرے فریق کی مداخلت کے بعد انہیں ذہنی اذیت، بدسلوکی، اسقاط حمل اور حمل کے دوران تنہائی کا سامنا کرنا پڑا، تاہم انہوں نے بچوں اور گھر کے وقار کی خاطر صبر کیا۔

انہوں نے یہ دعویٰ بھی کیا کہ تمام ذمہ دار افراد کے خلاف دستاویزی شواہد موجود ہیں اور انہیں خاموش رہنے کی دھمکیاں دی جا رہی ہیں، تاہم کسی بھی دھمکی کا جواب قانون کے ذریعے دیا جائے گا۔

ثانیہ اشفاق کے مطابق ان کا بیان ذاتی انتقام نہیں بلکہ سچ، اپنے بچوں اور ان تمام خواتین کے لیے ہے جنہیں خاموش رہنے پر مجبور کیا جاتا ہے۔

واضح رہے کہ عماد وسیم نے لندن میں مقیم ثانیہ اشفاق سے اگست 2019 میں اسلام آباد میں شادی کی تھی۔ دونوں کی ملاقات لندن میں ہوئی تھی اور اس کے بعد انہوں نے شادی کا فیصلہ کیا تھا۔

رجب بٹ 20 دسمبر کو دی گئی عبوری ضمانت کی مدت ختم ہونے پر آج (پیر کو) سیشنز کورٹ سینٹرل میں پیش ہوئے تھے تاہم سماعت کے دوران ہنگامہ آرائی ہوئی اور ان پر حملہ کردیا گیا۔

ان کے وکیل میاں علی اشفاق نے سوشل میڈیا پلیٹ فارم ایکس پر بیان میں الزام لگایا کہ کراچی سٹی کورٹ کے احاطے میں کچھ وکلا نے ان کے موکل پر ان کی موجودگی میں حملہ کیا جس سے رجب بٹ زخمی ہوئے۔ ان کا کہنا تھا کہ بار بار روکنے کے باوجود تشدد جاری رکھا گیا جو وکلا کے لیے غیر پیشہ ورانہ طرزِ عمل ہے۔

میاں علی اشفاق کے مطابق قانون کو اپنے ہاتھ میں لینا ملک میں وکلا کی ساکھ کو نقصان پہنچا رہا ہے اور اگر وکلا آئے روز فریق بن کر شہریوں پر عدالتوں میں حملے کرتے رہے تو ان کا احترام شدید طور پر متاثر ہوگا۔ انہوں نے اسے ایک افسوسناک رویہ قرار دیا جس کی کسی مہذب معاشرے میں کوئی گنجائش نہیں۔

واقعے کے بعد سامنے آنے والی ایک ویڈیو میں رجب بٹ کو پھٹی ہوئی قمیض میں ہجوم کے درمیان چلتے دیکھا گیا جبکہ ایک اور ویڈیو میں وہ وکلا کے ایک گروپ کے ساتھ نظر آئے جو کراچی بار زندہ باد کے نعرے لگا رہے تھے۔

اس گروپ میں مقدمے کے مدعی ریاض سولنگی بھی موجود تھے جو ویڈیو میں یہ کہتے دکھائی دیے کہ رجب بٹ نے وکلا کے خلاف نازیبا الفاظ استعمال کیے تھے۔

اسی ویڈیو میں موجود ایک اور شخص نے کہا کہ آج جو کچھ ہوا وہ وکلا کے خلاف زبان استعمال کرنے اور بدتمیزی کا نتیجہ ہے اور جو بھی وکلا کے خلاف بولے گا اس کے ساتھ یہی سلوک ہوگا۔ ٹک ٹاکر ندیم مبارک المعروف نانی والا بھی اس موقع پر موجود تھے اور ایک ویڈیو میں دکھائی دیے۔

واضح رہے کہ رجب بٹ اور ندیم مبارک مختلف مقدمات کا سامنا کر رہے ہیں اور دونوں 10 دسمبر کو لندن سے پاکستان واپس آئے تھے، جہاں اسلام آباد ہائی کورٹ نے ان کے اہل خانہ کی درخواست پر 10 روزہ حفاظتی ضمانت دی تھی۔ آج سیشنز کورٹ میں زیر سماعت مقدمے میں رجب بٹ کی عبوری ضمانت میں 13 جنوری تک توسیع کر دی گئی ہے۔

مقدمے کا پس منظر

ریاض سولنگی نے جنوری میں حیدری مارکیٹ تھانے میں رجب بٹ کے خلاف تعزیراتِ پاکستان کی دفعہ 295 اے کے تحت درخواست دی تھی۔ ایف آئی آر کے مطابق مدعی نے بتایا کہ دسمبر 2024 میں انہوں نے یوٹیوبر کی ایک وائرل ویڈیو دیکھی جس میں وہ مبینہ طور پر موسیقی کے ساتھ نماز ادا کر رہے تھے۔

یہ ایف آئی آر سیشنز کورٹ کی جانب سے دفعہ 22 اے کے تحت درخواست منظور ہونے کے بعد درج کی گئی تھی، جس میں ایس ایچ او کو مقدمہ درج کرنے کی ہدایت دی گئی۔

ویڈیو وائرل ہونے کے بعد رجب بٹ نے جنوری میں اپنے فیس بک پیج پر مختلف مسالک کے علما کے ساتھ بیٹھے ہوئے تین ویڈیوز جاری کیں جن میں انہوں نے معذرت کرتے ہوئے کہا کہ اگر ان کے غیر ارادی عمل سے کسی کے جذبات مجروح ہوئے ہوں تو انہیں اس پر دلی افسوس ہے۔

اداکار عمران عباس بھی اس بحث میں شامل ہوئے اور انسٹاگرام پر اسٹوری پوسٹ کرتے ہوئے فلم سازوں کو آڑے ہاتھوں لیا کہ وہ فلموں کو ’نفرت، دشمنی اور تقسیم کے اوزار‘ بنا رہے ہیں۔

اداکار نے کہا کہ یہ معاملہ بھارت یا پاکستان کا نہیں بلکہ سینما کے خطرناک غلط استعمال کا ہے، فن کا مقصد دلوں کو جیتنا ہے، نہ کہ ذہنوں کو زہر آلود کرنا۔

عمران عباس نے کہا کہ سینما کو پل بنانے چاہئیں، تعصبات کی ترویج نہیں کرنی چاہیے ، فن کے لبادے میں لپٹی نفرت تالیاں اور منافع تو سمیٹ سکتی ہے مگر پیچھے زخم چھوڑ جاتی ہے۔

ایک روز قبل منگل کو عمران عباس نے فیس بک پر بھی اپنی رائے دی تھی اور ان پاکستانیوں کی مذمت کی جنہوں نے فلم دیکھی اور سراہا، اور ایسے رویّے کو ’واقعی شرمناک‘ قرار دیا۔

عمران عباس کا کہنا تھا کہ اگر پاکستان بھارت کے خلاف ایسی کوئی فلم بناتا تو پورا بھارتی معاشرہ اس کے خلاف کھڑا ہو جاتا، اس فلم کی تعریف کرنا اوپن مائنڈنیس نہیں بلکہ بےغیرتی، وقار اور خودداری کے منافی ہے۔

عمران عباس ایک اہم نکتہ اٹھاتے ہوئے کہا کہ فنکاروں پر معاشرے کے لیے ذمہ داری عائد ہوتی ہے اور انہیں اپنے کام کے ذریعے دنیا کو بہتر بنانے کی کوشش کرنی چاہیے۔

ایڈیشنل سیشن جج منصور علی قریشی نے عبوری ضمانت کی درخواست پر سماعت کی، رجب بٹ اور ندیم مبارک نے ضمانت کی درخواستیں بیرسٹر میاں علی اشفاق کی وساطت سے دائر کیں۔

نیشنل سائبر کرائم انویسٹی گیشن ایجنسی (این سی سی آئی اے) نے کئی ٹک ٹاکرز کے خلاف کیس درج کیے ہیں، جن میں رجب بٹ اور ندیم مبارک شامل ہیں، جن پر الزام ہے کہ انہوں نے جوا ایپلیکیشنز کو فروغ دیا۔

دونوں ٹک ٹاکرز پیر کو سیشن جج منصور احمد قریشی کے سامنے پیش ہوئے، ان کے وکلا نے مؤقف اختیار کیا کہ دونوں تحقیقات میں شامل ہونا چاہتے ہیں تاکہ اپنی بے گناہی ثابت کر سکیں۔

جج نے رجب بٹ اور ندیم مبارک کو قبل از گرفتاری ضمانت دے دی اور این سی سی آئی اے کو ہدایت کی کہ وہ 6 جنوری تک ان کی گرفتاری نہ کرے۔ جج نے دونوں ملزمان کو ہدایت کی کہ اگلی سماعت تک تحقیقات میں تعاون کریں۔

یہ پیش رفت اس کے چند روز بعد سامنے آئی ہے جب اسلام آباد ہائی کورٹ نے رجب بٹ اور ندیم مبارک کے اہل خانہ کی جانب سے دائر درخواست پر 10 روزہ حفاظتی ضمانت دی تھی۔

بعد ازاں دونوں نے لاہور سیشن کورٹ میں علیحدہ ضمانت کی درخواستیں دائر کیں۔

دونوں کے خلاف کیسز کا پس منظر

سرکاری ریکارڈ کے مطابق دونوں ٹک ٹاکرز کو مختلف ایف آئی آر میں نامزد کیا گیا ہے، جو مختلف سائبر کرائم دفعات کے تحت درج ہیں، جن میں جوا ایپلیکیشنز چلانے یا فروغ دینے، ڈیجیٹل پلیٹ فارمز کے غلط استعمال اور آن لائن ہراسانی کے الزامات شامل ہیں۔

ایف آئی اے نے متعدد نوٹس جاری کیے، مگر ان کی بیرون ملک موجودگی کی وجہ سے تحقیقات میں زیادہ پیش رفت نہ ہو سکی۔

رواں سال ستمبر میں رجب بٹ کو این سی سی آئی اے نے مبینہ طور پر سوشل میڈیا پر جوا ایپس کو فروغ دینے پر مقدمہ میں نامزد کیا۔

ندیم مبارک کو بھی این سی سی آئی اے نے جوا ایپس کے فروغ پر مقدمہ درج کیا، لیکن ستمبر میں ان کی گرفتاری بھی عمل میں آئی، کیونکہ انہوں نے اپنی گاڑی پر جعلی رجسٹریشن نمبر ‘IK-804’ دکھایا۔

پولیس نے جب اس معاملے پر پوچھ گچھ کی تو وہ مطمئن نہ ہو سکے۔ یہ نمبر مبینہ طور پر جیل میں قید سابق وزیر اعظم عمران خان کو دیا گیا قیدی نمبر ہے۔

رواں سال ہی مارچ میں رجب بٹ کے خلاف اپنی پرفیوم برانڈ کے اجرا سے پیدا ہونے والے “مذہبی انتشار” کے باعث توہین مذہب اور سائبر کرائم قوانین کے تحت بھی مقدمہ درج کیا گیا۔ رجب بٹ نے اپنی پرفیوم برانڈ “295” متعارف کرائی، جس کا تعلق پاکستان پینل کوڈ کے نامزد توہین مذہب کے قانون سے ہے۔

پچھلے سال دسمبر 2024 میں یوٹیوبر قانونی مشکلات میں گرفتار ہوئے تھے جب انہیں گھر پر ایک شیر کے بچے اور ہتھیار رکھنے پر گرفتار کیا گیا۔ جنوری 2025 میں انہوں نے اعتراف کیا تھا کہ بغیر دستاویزات کے جنگلی جانور رکھنا قانونی خلاف ورزی تھی، کیونکہ انہیں شادی کے تحفے کے طور پر یہ بچہ ملا تھا۔

انہوں نے عدالت کو یقین دہانی کرائی تھی کہ وہ ایک سال تک جانوروں کے حقوق پر ویڈیوز پوسٹ کریں گے جس پر انہیں ضمانت دے دی گئی تھی۔

بھارتی میڈیا کے مطابق یہ فلم چھ ممالک بحرین، کویت، عمان، قطر، سعودی عرب اور متحدہ عرب امارات میں ریلیز ہونے سے روک دی گئی ہے، حالانکہ فلم ساز مشرقِ وسطیٰ میں اس کی نمائش کے لیے بھرپور کوشش کر رہے تھے۔

فلم سے تعلق رکھنے والے ایک فرد نے ’بالی وڈ ہنگامہ‘ کو بتایا کہ “یہ خدشہ پہلے ہی ظاہر کیا جا رہا تھا کیونکہ فلم کو ‘پاکستان مخالف’ تصور کیا جا رہا ہے۔ ٹیم نے کوشش ضرور کی، مگر کسی بھی ملک نے فلم کے مواد کی منظوری نہیں دی۔ اسی وجہ سے ’دھُرندھر‘ کسی بھی خلیجی ملک میں ریلیز نہیں ہو سکی۔”

متعدد بھارتی نشریاتی اداروں نے اپنی رپورٹس میں اسی دعوے کا حوالہ دیا ہے۔

ادیتیا دھر کی ہدایت کاری میں بننے والی یہ فلم جنہوں نے ’یوری: دی سرجیکل اسٹرائیک‘ (2019) اور ’آرٹیکل 370‘ (2024) جیسی فلمیں بنائیں، 5 دسمبر کو ریلیز ہوئی۔

’دھرندھر‘ کی کہانی ایک بھارتی جاسوس کے گرد گھومتی ہے، جسے رنویر سنگھ نے نبھایا ہے، جو کراچی کے علاقے لیاری میں تعینات ہوتا ہے۔ فلم کی کاسٹ میں ارجن رامپال، آر مادھون، سنجے دت اور اکشے کھنہ بھی شامل ہیں۔

پاکستانی اور بھارتی دونوں ناظرین نے فلم کی شدید پروپیگنڈا نوعیت پر تنقید کی، جبکہ بعض پاکستانی صارفین نے شکوہ کیا کہ ہماری اپنی انٹرٹینمنٹ انڈسٹری ان کہانیوں کو سنبھالنے میں ناکام رہی جو اصل میں ہماری ہیں۔

کچھ پاکستانی ناظرین نے اس بات پر بھی افسوس کا اظہار کیا کہ پاکستانی عوام باقاعدگی سے بھارتی مواد کو اپناتے ہیں، باوجود اس کے کہ بھارت میں پاکستانی فنکاروں پر پابندیاں اور بائیکاٹ جاری رہتے ہیں۔

اگرچہ خلیجی ممالک کی جانب سے پابندی کی باضابطہ تصدیق نہیں ہوئی، لیکن یہ فیصلہ ان کئی بھارتی فلموں کے بعد سامنے آیا ہے جنہیں حالیہ برسوں میں خلیج میں ریلیز سے روکا گیا۔

’ٹائمز آف انڈیا‘ کے مطابق ہریتک روشن اور دپیکا پڈوکون کی فلم ’فائٹر‘ (2024) کو ابتدائی طور پر صرف متحدہ عرب امارات میں ریلیز کی اجازت ملی تھی، لیکن بعد میں وہ بھی معطل کر دی گئی۔ فلم سازوں نے “متنازعہ” مناظر نکال کر نیا ورژن جمع کرایا مگر اسے بھی منظور نہیں کیا گیا۔

’فائٹر‘ کی کہانی شمشیر ’’پیٹی‘‘ پٹھانیا (ہریتک روشن) کے گرد گھومتی ہے جو بھارتی فضائیہ کا حصہ بنتا ہے اور بعد ازاں 2019 کے پلوامہ حملے کا سامنا کرتا ہے۔

اسی طرح اکشے کمار کی ’اسکائی فورس‘ (2025) اور جان ابراہم کی ’دی ڈپلومیٹ‘ (2025) کو بھی متحدہ عرب امارات میں اسی نوعیت کے خدشات کے باعث پابندی کا سامنا کرنا پڑا تھا۔

برطانیہ کی جانب سے ویزا منسوخ کیے جانے کے بعد رجب بٹ اور ان کے ساتھی ٹک ٹاکر ندیم نانی والا گزشتہ شب پاکستان واپس پہنچے تھے اور آج (بدھ کی) صبح اسلام آباد ہائیکورٹ میں پیش ہوئے۔

اسلام آباد ہائیکورٹ سے 10 دن کی راہداری ضمانت ملنے کے بعد صحافیوں سے گفتگو کرتے ہوئے رجب بٹ نے کہا کہ ہوم آفس میں درخواست گئی کہ میرے اوپر مقدمات ہیں جس کی وجہ سے میرا ویزا منسوخ ہوا، ڈی پورٹ نہیں کیا گیا۔

انہوں نے کہا کہ میرا 10 سال کا ویزا تھا، میرے وکیل نے ریویو کو چیلنج کیا ہے۔

رجب بٹ نے کہا کہ کراچی میں دس دن کے اندر اندر عدالت میں پیش ہوں گے۔

ان کا کہنا تھا کہ ایگزٹ کنٹرول لسٹ میں نام سدا بہار نہیں ہیں۔ جب تک کیس چل رہا ہے تب تک پاکستان میں ہی ہیں۔

رجب بٹ نے کہا کہ برطانیہ میں اگر ویزا منسوخ ہو تو 10 سال کی پابندی لگتی ہے تو ہمیں خود پر پابندی نہیں لگوانی، وزٹ کے لیے کبھی بھی جانا پڑ سکتا ہے، لیکن رہنا پاکستان میں ہی ہے۔

اس موقع پر ٹک ٹاکر ندیم نانی والا کا کہنا تھا کہ سوشل میڈیا پر چل رہا ہے کہ میرا ویزا بھی منسوخ کیا گیا ہے جبکہ ایسا نہیں ہے، میرے پاس برطانوی شہریت ہے۔

انہوں نے کہا کہ میرے اوپر دو ایف آئی آرز ہیں جن پر اسلام آباد ہائی کورٹ سے ضمانت لی اب آگے کیس کو چلائیں گے۔

ندیم نانی والا نے کہا کہ میں ڈکی (سعد الرحمٰن) سے ملا جو بات ہوئی سوشل میڈیا پر بتائی، جب وقت آئے گا سب بتائیں گے۔

واضح رہے کہ گزشتہ روز مقامی میڈیا رپورٹس میں بتایا گیا تھا کہ برطانوی حکام نے رجب بٹ کا ویزا منسوخ کر کے انہیں فوری ملک چھوڑنے کا حکم دیا ہے، کیونکہ ویزا کی جانچ پڑتال کے دوران یہ بات سامنے آئی تھی کہ رجب بٹ نے اپنے خلاف پاکستان میں جاری فوجداری کارروائیوں سے متعلق حکام کو آگاہ نہیں کیا تھا۔

مقامی میڈیا رپورٹس کے مطابق برطانوی حکام نے ان کا ویزا منسوخ کر کے انہیں فوری ملک چھوڑنے کا حکم دیا ہے، کیونکہ ویزا کی جانچ پڑتال کے دوران یہ بات سامنے آئی کہ انہوں نے اپنے خلاف پاکستان میں جاری فوجداری کارروائیوں سے متعلق حکام کو آگاہ نہیں کیا تھا۔

لندن میں معروف صحافی مرتضیٰ علی شاہ نے ایک ویڈیو رپورٹ میں کہ ’باوثوق ہوم آفس اور قانونی ذرائع نے بتایا ہے کہ رجب بٹ کو برطانیہ کی کاؤنٹر ٹیرر ازم انٹیلیجنس ایجنسی نے گرفتار کیا تھا۔

انہوں نے کہا کہ رجب بٹ اور ندیم نانی والا (ندیم مبارک) دونوں کو حراست میں لے کر تفتیش کی گئی۔ ان پر برطانیہ میں کئی غیر قانونی سرگرمیوں، حتیٰ کہ دہشت گردی سے متعلق الزامات کی بنیاد پر شکایات تھیں۔

مرتضیٰ علی شاہ نے بتایا کہ تحقیقات کے دوران یہ الزامات جھوٹے ثابت ہوئے اور دونوں انسٹاگرام/یوٹیوب انفلوئنسروں کو ان الزامات سے بری قرار دے دیا گیا۔ تاہم معاملہ بعد میں ہوم آفس کے پاس گیا جہاں ویزا فارم کا دوبارہ جائزہ لیا گیا۔

وہاں انکشاف ہوا کہ رجب بٹ نے اپنے فارم میں جھوٹ بولا اور پاکستان میں ان کے خلاف چلنے والے مقدمات کا ذکر نہیں کیا تھا۔

ذرائع کے مطابق پنجاب کاؤنٹر ٹیررازم ڈیپارٹمنٹ (CTD) سمیت دیگر پاکستانی اداروں نے بھی رجب بٹ کے خلاف شکایات برطانوی حکام کو بھجوائی تھیں۔

مرتضیٰ علی شاہ کے مطابق انہوں نے ندیم مبارک سے بھی براہِ راست بات کی جس نے گرفتاری اور رہائی کی تصدیق کی۔

ان کے مطابق ندیم کو برطانیہ میں رہنے کی اجازت مل گئی۔لیکن رجب بٹ کا ویزا منسوخ کر دیا گیا اور وہ اب پاکستان واپس آرہے ہیں۔

ندیم نے تصدیق کی کہ وہ بٹ کے ساتھ پاکستان جا رہے ہیں اور بعد میں واپس برطانیہ لوٹ آئیں گے۔

واضح رہے کہ پاکستان کی نیشنل سائبر کرائم انویسٹی گیشن ایجنسی (NCCIA) نے ستمبر میں رجب بٹ کے خلاف ایف آئی آر درج کی تھی جس میں الزام لگایا گیا تھا کہ وہ سوشل میڈیا اکاؤنٹس کے ذریعے غیر قانونی جوئے کی ایپس کی تشہیر کرتے ہیں۔

تحقیقات میں کہا گیا ہے کہ یہ پلیٹ فارمز جن میں Binomo، 1xBet، Bet365 اور B9 Game شامل ہیں، لوگوں سے پیسے لے کر انہیں منافع دینے کا جھوٹا لالچ دیتے تھے۔

ایف آئی آر میں رجب بٹ کی وہ ویڈیوز بھی شامل کی گئی ہیں جن میں وہ ان خدمات کی ترویج کرتے دکھائی دیتے ہیں۔

ڈان اخبار میں شائع خبر کے مطابق سعد الرحمٰن کو اگست میں لاہور ایئرپورٹ سے این سی سی آئی اے نے گرفتار کیا تھا، ان پر الزام تھا کہ وہ اپنے پلیٹ فارم کے ذریعے آن لائن جوئے اور بیٹنگ کی ایپلی کیشنز کی تشہیر کر رہے تھے، 25 نومبر کو لاہور ہائی کورٹ نے انہیں ضمانت دے دی تھی، لیکن اس کے باوجود انہیں سرکاری تحویل سے رہا نہیں کیا گیا تھا۔

اس دوران، ستمبر میں این سی سی آئی اے لاہور کے ایڈیشنل ڈائریکٹر سرفراز چوہدری کو مختلف تنازعات، بشمول ڈکی بھائی پر مبینہ تشدد، کی وجہ سے عہدے سے ہٹا دیا گیا تھا۔

اتوار کو اپ لوڈ کی گئی ویڈیو میں، سعد الرحمٰن نے اپنی گرفتاری سے لے کر این سی سی آئی اے کی تحویل میں ریمانڈ تک کے واقعات کی تفصیل بیان کی، انہوں نے بتایا کہ ان کی ملاقات سرفراز چوہدری سے ہوئی، جن کے بارے میں انہوں نے الزام لگایا کہ وہ ان سے زبانی اور جسمانی طور پر بدسلوکی کرتے رہے۔

سعد الرحمٰن نے کہا کہ وہ اپنی کرسی سے کھڑا ہوا اور مجھے گالیاں بکنے لگا، اس نے پوچھا کہ تمہارا پیسہ کہاں سے آتا ہے؟ میں نے جواب دیا کہ یوٹیوب سے آتا ہے، میرے 8 ملین سبسکرائبرز ہیں، اس نے مجھ پر بچوں کے ذہن خراب کرنے کا الزام لگایا۔

’وہ مسلسل گالیاں دیتا رہا اور مجھے اتنے تھپڑ مارے کہ میں گنتی بھول گیا‘۔

سعدالرحمٰن نے مزید الزام لگایا کہ حکام نے انہیں رشوت دینے کی کوشش کی، اور 7 سے 8 کروڑ روپے میں معاملہ ختم کرنے کی پیشکش کی، جو ان کے پاس نہیں تھے۔

انہوں نے کہا کہ جب میں این سی سی آئی اے کی حراست میں تھا، تو آپ نے شاید اسسٹنٹ ڈائریکٹر کے ساتھ پوڈکاسٹ میں 3 لاکھ 26 ہزار ڈالر کے بارے میں سنا ہوگا، انہوں نے یہ پیسے مجھ سے برآمد کیے تھے، تفتیشی افسر (آئی او) نے مجھے اپنا بائنینس اکاؤنٹ کھولنے کا حکم دیا۔

ڈکی بھائی نے کہا کہ اس نے میری تمام ٹریڈز اور ٹوکنز نقصان پر بند کیے اور انہیں امریکی ڈالرز میں تبدیل کیا، پھر اس نے مجھے انہیں ٹرانسفر کرنے کا حکم دیا۔

یوٹیوبر نے مزید الزام لگایا کہ آئی او نے وہ رقم اپنے ذاتی اکاؤنٹ میں منتقل کرلی۔

سعد الرحمٰن نے کہا کہ حراست کے پہلے دن وہ ’بہت بے بس‘ محسوس کر رہے تھے، اور مزید الزام لگایا کہ تحقیقات میں تعاون کے باوجود انہیں حکام کی جانب سے مارا پیٹا گیا۔

انہوں نے کہا کہ جب ان کی ملاقات کسی واقف شخص سے ہوئی، تو انہوں نے اسے درخواست کی کہ وہ گارڈز سے کہے کہ ’انہیں کم ماریں‘۔

این سی سی آئی اے لاہور کے ترجمان نے ’ڈان‘ کی جانب سے الزامات پر تبصرہ طلب کرنے پر جواب دیتے ہوئے کہا کہ بدعنوانی افراد کرتے ہیں، ادارے نہیں۔

ترجمان نے کہا کہ این سی سی آئی اے اپنے افسران کی کسی بھی قسم کی بدعنوانی کے خلاف زیرو ٹالرینس کی سخت پالیسی رکھتا ہے۔

انہوں نے مزید کہا کہ اس معاملے سے متعلق تمام کارروائیاں میرٹ پر اور مکمل قانونی طریقۂ کار کے مطابق آگے بڑھ رہی ہیں، اور ایف آئی اے اینٹی کرپشن میں تحقیقات پہلے ہی جاری ہیں۔

28 اکتوبر کو، این سی سی آئی اے کے 6 اہلکاروں کو اختیارات کے ناجائز استعمال اور رشوت لینے کے الزامات پر گرفتار کر کے ریمانڈ پر لے لیا گیا تھا۔

بیرسٹر میاں علی اشفاق نے ’ڈان‘ کو بتایا کہ 6 افسران کو ’اختیارات کے غلط استعمال اور رشوت کے الزامات میں ایف آئی اے کی حراست میں لے کر گرفتار کیا گیا‘ ہے اور انہیں ضلعی عدالت میں پیش کیا جائے گا، جہاں وہ ان کی نمائندگی کریں گے۔

اشفاق کے مطابق، ان 6 اہلکاروں میں ایڈیشنل ڈائریکٹر سرفراز چوہدری، انچارج زوار، سب انسپکٹر علی رضا، اسسٹنٹ ڈائریکٹر شعیب ریاض، یاسر گجر اور مجتبیٰ کامران شامل ہیں۔

اس کیس کی ایف آئی آر سعد الرحمٰن کی اہلیہ عروب جتوئ کی درخواست پر ایف آئی اے اینٹی کرپشن سرکل لاہور میں 9 افراد کے خلاف درج کی گئی تھی، جن میں این سی سی آئی اے کے 8 اہلکار بھی شامل ہیں۔

مفتی قوی نے حال ہی میں ایک پوڈکاسٹ میں شرکت کی، جہاں انہوں نے بھارتی اداکاراؤں سے تعلقات سمیت بولی وڈ سے اپنے روابط سے متعلق بھی حیران کن دعوے کیے۔

انہوں نے بتایا کہ وہ جوانی سے ہی خوبصورت رہے ہیں، انہیں کئی سال قبل سیٹھ شاہد کے نام سے پکارا جاتا تھا، ان کے روابط دبئی اور بھارتی کاروباری حضرات اور علماء اکرام سے تھے۔

ان کے مطابق ان کا بھارت آنا جانا لگا رہتا تھا اور وہاں جانے کے بعد ان کی خواہشات بھی جاگ اٹھتی تھیں، جس پر ان سے وہاں کے اپنے دوست پوچھتے تھے کہ کون چاہیے۔

مفتی قوی نے حیران کن دعویٰ کیا کہ کرینہ کپور سے ان کا ابتدائی تعلق 1996 میں بنا جب اداکارہ کی عمر 21 سے 23 سال تک ہوگی اور ان کے درمیان 1999 تک گہرے تعلقات بن گئے۔

ان کا کہنا تھا کہ ہندوؤں کے پاس بھی الہامی کتاب ہے اور مسلمان ہندو خواتین سے نکاح کر سکتے ہیں، انہوں نے بھی کرینہ کپور سے نکاح کیا تھا۔

انہوں نے بتایا کہ کرینہ کپور بھی پاکستان کی بھابھی رہی ہیں، چوں کہ وہ ان کی بیوی رہی ہیں، وہ ان کے نکاح میں تھیں۔

انہوں نے حیران کن دعویٰ کیا کہ شاید ان کے سیٹھ شاہد کے نام سے کرینہ کپور متاثر ہوئیں اور یہ اس وقت کرینہ کپور اتنی بڑی اداکارہ نہیں بنی تھیں، اس لیے ان کا نکاح ہوگیا۔

مفتی قوی نے یہ دعویٰ بھی کیا کہ کرینہ کپور کی سیف علی خان سے شادی کے وقت بھارتی علماء اکرام نے ان کا نکاح حرام قرار دیا لیکن انہوں نے ان کا نکاح حلال قرار دیا۔

انہوں نے بتایا کہ انہوں نے کرینہ کپور کے اپنے نکاح میں رہنے کی وجہ سے کھل کر سیف علی خان سے ان کے نکاح کی حمایت کی۔

انہوں نے یہ بھی بتایا کہ اگر اب بھی ایشوریا رائے کی جانب سے پیغام نکاح آئے گا تو وہ تیار ہیں، وہ انہیں شروع سے ہی پسند رہی ہیں۔

اگرچہ مفتی قوی نے دعویٰ کیا کہ کرینہ کپور ان کی بیوی رہی ہیں، انہوں نے ان سے نکاح کیا تھا لیکن یہ نہیں بتایا کہ ان کے درمیان طلاق کب اور کیوں ہوئی؟

چند دن قبل ندا یاسر نے اپنے پروگرام میں کہا تھا کہ کھانے لانے والے ڈیلیوری بوائز ساتھ میں کھلے پیسے نہ لانے کے بہانے بناکر جھوٹ بولتے ہیں۔

انہوں نے کہا تھا کہ ڈیلیوری بوائز کھلے پیسے نہ لانے کا جھوٹ بولتے ہیں، بہانے کرتے ہیں، جس پر انہیں ٹپ (اضافی پیسے) دینے کا دل بھی نہیں کرتا۔

ان کے مطابق جب کوئی ڈیلیوری بوائے کھلے پیسے نہ لانے کا بہانا بناتا ہے، تب وہ اپنے ڈرائیور کو پیسے دے کر کھلے منگواتی ہیں اور ڈیلیوری بوائے کو اصل پیسے دیتی ہیں۔

ان کے بیان پر جہاں دیگر افراد نے اظہار برہمی کیا، وہیں فضا علی نے رد عمل دیتے ہوئے ان کا نام لیے بغیر ان پر تنقید کی۔

فضا علی نے انسٹاگرام پر ویڈیو شیئر کرتے ہوئے کہا کہ ہر کسی کا کام عزت والا ہوتا ہے، رائیڈرز بھی عزت کے مستحق ہیں، ان کے کام کو چھوٹا نہ سمجھا جائے۔

ان کے مطابق ڈیلیوری بوائز کے بھی اہل خانہ ہوتے ہیں، ان کی والدہ، بچے اور بیوی بھی ان کے منتظر ہوتے ہیں اور یہ کہ ان کی کمائی کا واحد ذریعہ یہی کام ہوتا ہے۔

انہوں نے کہا کہ رائیڈرز کو ذلیل کرنا کسی بھی صورت میں اچھا کام نہیں، ان پر تنقید کرنا اچھی بات نہیں۔

فضا علی کے مطابق رائیڈرز کو ٹپ دینا فرض نہیں لیکن انہیں ذلیل کرنا جرم ہے، ان کے خلاف باتیں کرنا غلط بات ہے۔

انہوں نے کسی کا نام لیے بغیر سب کو پیغام دیا کہ رائیڈرز کی بھی عزت کی جانی چاہیے، انہیں ذلیل کرنا جرم ہے، انسانیت نہیں مرنی چاہیے۔

نبیحہ علی خان کے پرانے پوڈکاسٹ کی ویڈیو وائرل ہوگئی، جس میں وہ مختلف معاملات پر بات کرنے سمیت مہک ملک کے اچھے کردار پر بھی گفتگو کرتی دکھائی دیں۔

ایک سوال کے جواب میں انہوں نے کہا کہ وہ کبھی بھی کوئی غلط کام کرنے والے شخص کو غلط نہیں کہتیں، کیوں کہ وہ ان کا مسئلہ نہیں، غلط کام کرنے والے اور خدا کا آپس کا معاملہ ہے۔

ان کا کہنا تھا کہ ہمیں دوسرے مسائل کے بجائے لوگوں سے ان کی خیریت دریافت کرنی چاہیے، ان سے مسائل پوچھنے چاہیے، ان سے احسن طریقے سے گفتگو کی جانی چاہیے۔

ان کے مطابق ہم لوگوں سے ان کے مسائل پوچھنے کے بجائے انہیں تکلیف پہنچانے والے سوالات کرتے ہیں اور پوچھتے ہیں کہ آپ کی شادی کیوں نہیں ہوئی؟ آپ مرد سے عورت کیوں بنیں؟

ان کا کہنا تھا کہ کسی کا کسی معاملات میں دخل اندازی کا کوئی حق نہیں بنتا، وہ خدا کا اور ان کا مسئلہ ہے، ہمیں اپنے کام سے کام رکھنا چاہیے۔

نبیحہ علی خان نے کہا کہ انہوں نے سنا تھا کہ ایک دور آئے گا جب اللہ کے ولی بہت ماڈرن لباس میں ہوں گے اور وہ تبلیغ میں مصروف ہوں گے۔

ان کا کہنا تھا کہ ان کا خیال ہے کہ اب وہ دور آ چکا ہے جب کسی کی چلتے، پھرتے اللہ کے کسی ولی سے ملاقات ہو سکتی ہے۔

ان کے مطابق آج کل کے دور میں ممکن ہے کہ کہیں نہ کہیں، کوئی نہ کوئی شخص ایسا مل جائے، جس کی زبان میں تاثیر ہو، جو دوسروں کی مدد کرتا ہو۔

نبیحہ علی خان کا کہنا تھا کہ ان کی عادت ہے کہ وہ کسی نہ کسی میں اچھی چیز تلاش کر لیتی ہیں، وہ لوگوں کی منفی باتوں پر توجہ نہیں دیتیں۔

انہوں نے مزید کہا کہ انہوں نے ٹرانس جینڈر ڈانسر مہک ملک کو عاجز بندی پایا، وہ نرم دل اور خوش مزاج ہیں، ان کی وجہ سے کئی گھروں کے معاملات چل رہے ہیں۔

ان کے مطابق انہیں مہلک ملک کے کام سے کوئی غرض نہیں لیکن ان کی اچھائی کی وجہ سے بہت سارے گھر آباد ہیں اور وہ ان کا اچھا کام ہے۔

اقرا کنول نے شوہر اریب پرویز کے ہمراہ نئے ولاگ میں ڈکی بھائی کی ذہنی صحت پر بات کی اور بتایا کہ وہ کیوں فوری طور پر ان سے ملنے نہیں گئے۔

اریب پرویز کا کہنا تھا کہ ضمانت ہونے کے بعد ہی وہ ڈکی بھائی سے ملنا چاہتے تھے، انہوں نے عروب جتوئی سے بھی اس حوالے سے بات کی لیکن عروب جتوئی نے انہیں فی الحال ملنے سے روکا۔

ان کے مطابق چوں کہ ڈکی بھائی پہلی بار جیل گئے تھے، ان کے لیے وہ تمام ماحول نیا تھا، اس لیے وہ ان کی رہائی کے فوری بعد ان سے ملنے نہیں گئے۔

انہوں نے کہا کہ ڈکی بھائی کو جیل میں تکلیف دہ وقت گزارنے کے بعد تنہائی اور اہل خانہ کی ضرورت تھی، اس لیے انہوں نے ان کی پرائیویسی کا خیال رکھتے ہوئے ان سے فوری طور پر ملاقات نہیں کی۔

اقرا کنول کا کہنا تھا کہ جیل جانے سے ڈکی بھائی کی ذہنی صحت متاثر ہوئی، انہوں نے جیل میں تکلیف دہ وقت گزارا۔

انہوں نے کہا کہ لوگوں کی جانب سے یہ کہنا آسان ہوتا ہے کہ کوئی بھی مشکل وقت سے گزرنے کے فوری بعد یوٹیوب پر آکر ان سے پہلے کی طرح نارمل انداز میں بات کرے لیکن ایسا کرنا ناممکن ہے۔

ان کے مطابق وہ عروب جتوئی اور ڈکی بھائی سے رابطے میں ہیں، وہ خود ڈکی بھائی کی ذہنی صحت کو دیکھتے ہوئے ان سے فوری طور پر ملنے نہیں گئے۔

ان کا کہنا تھا کہ ڈکی بھائی کی اہلیہ نے بھی بتایا کہ فی الحال ان کے شوہر پریشان ہیں، وہ دوسروں سے ملنا نہیں چاہتے، ابھی انہیں تنہا چھوڑا جائے۔

اقرا کنول نے کہا کہ جیل جانے کی وجہ سے ڈکی بھائی کی ذہنی صحت متاثر ہوئی ہے، وہ ابھی مکمل طور پر فعال نہیں، اس لیے وہ ان سے ملنے نہیں گئے، اس وقت ڈکی بھائی کو اہل خانہ اور تنہائی کی ضرورت ہے۔

خیال رہے کہ رواں ماہ ڈکی بھائی ضمانت منظور ہونے کے بعد رہا ہوئے تھے، انہیں اگست میں وفاقی سائبر کرائم تحقیقاتی ادارے نے جوئے کی اپیلی کیشنز کی تشہیر کے الزام میں گرفتار کیا تھا۔

نعیم طاہر نے حال ہی میں فاطمہ سیف کے پوڈکاسٹ میں شرکت کی، جہاں انہوں نے اپنی اہلیہ یاسمین طاہر کے ساتھ اپنے تعلقات اور ازدواجی زندگی کے بارے میں جذبات کا اظہار کیا۔

انہوں نے بتایا کہ وہ اپنی اہلیہ سے بے حد محبت کرتے تھے اور ان کے بغیر زندگی گزارنا ان کے لیے انتہائی مشکل ہے۔

نعیم طاہر کے مطابق جہاں ان کی اہلیہ مدفون ہیں، انہی کے بالکل قریب انہوں نے اپنے لیے بھی جگہ مخصوص کروا لی ہے۔

انہوں نے یہ بھی کہا کہ انہیں ابھی تک محسوس نہیں ہوتا کہ یاسمین طاہر اس دنیا سے چلی گئی ہیں، کیونکہ اکثر ایسا لگتا ہے جیسے وہ ابھی بھی ان کے پاس ہیں اور بعض اوقات اچانک وہ انہیں آواز بھی دے دیتے ہیں۔

کامیاب ازدواجی زندگی کے حوالے سے نعیم طاہر کا کہنا تھا کہ برداشت اور دوسروں کی بات تحمل کے ساتھ سننے کی عادت پیدا کرنا بہت ضروری ہے۔

ان کے مطابق جب دونوں پارٹنرز ایک دوسرے کی بات تحمل کے ساتھ سنتے ہیں اور ایک دوسرے پر حاوی نہیں ہوتے تو رشتہ مضبوط اور کامیاب بنتا ہے۔

خیال رہے کہ نعیم طاہر کی اہلیہ یاسمین طاہر ریڈیو پاکستان کی معروف صداکارہ تھیں، جن کی مدھر آواز نے سامعین کو اپنا گرویدہ بنایا، دونوں کی شادی 1960 میں ہوئی تھی اور ان کے تین بیٹے ہیں۔

یاسمین طاہر رواں سال 19 جولائی کو 88 برس کی عمر میں انتقال کر گئیں۔

سارہ چوہدری نے حال ہی میں فرخ وڑائچ کے پوڈکاسٹ میں شرکت کی، جہاں انہوں نے مختلف معاملات پر کھل کر گفتگو کی۔

انہوں نے بتایا کہ لڑکیوں کو صرف شوبز میں ہی تنگ نہیں کیا جاتا بلکہ دیگر جگہوں پر بھی ایسی شکایات سامنے آتی ہیں، تاہم شوبز کو زیادہ توجہ ملتی ہے کیونکہ اس کے بارے میں لوگوں کا عمومی تصور یہی ہوتا ہے کہ شوبز میں کام کرنے والے افراد کا کردار درست نہیں ہوتا اور اسی سوچ کی بنیاد پر شوبز میں ایسی پیشکش زیادہ کی جاتی ہیں۔

سارہ چوہدر ی کا کہنا تھا کہ جب وہ شوبز میں کام کرتی تھیں تو ان کے ساتھ ہمیشہ ان کی والدہ موجود ہوتی تھیں، شوبز کے ابتدائی چند مہینے ان کے بجائے والدہ کے لیے بہت مشکل تھے۔

ان کے مطابق انہیں بعض ایسی پیشکشیں کی گئیں جنہوں نے ان کی والدہ کو سخت پریشان کر دیا تھا، ایک موقع پر والدہ رو بھی پڑی تھیں اور انہیں کہا تھا کہ شوبز چھوڑ دو، اپنی پڑھائی پر توجہ دو اور اس انڈسٹری میں مت جاؤ۔

سارہ چوہدری نے کہا کہ والدہ کو جو بات کہی گئی تھی وہ انتہائی غیر مہذب تھی، جسے وہ الفاظ میں بیان بھی نہیں کرنا چاہتیں۔

انہوں نے دبے لفظوں میں اس بارے میں بتایا کہ والدہ کو ایسا کہا گیا تھا کہ اگر سارہ چوہدری کو اس انڈسٹری میں لمبے عرصے تک رہنا ہے تو کچھ خاص چیزیں کرنی پڑیں گی، ورنہ وہ کامیاب نہیں ہوسکتیں۔

ان کا مزید کہنا تھا کہ شوبز میں کام کے دوران انہوں نے ہمیشہ اپنی کچھ حدود مقرر کی ہوئی تھیں اور وہ ہمیشہ پوری کوشش کرتی تھیں کہ ان حدود سے کبھی باہر نہ جائیں۔

خیال رہے کہ سارہ چوہدری نے 2001 میں شوبز کیریئر کا آغاز کیا اور 2010 کے اوائل میں شوبز کو خیر باد کہہ دیا تھا، وہ اب شادی شدہ ہیں، پانچ بچوں کی والدہ ہیں اور زیادہ تر وقت مذہبی سرگرمیوں اور دین کے کاموں کے لیے وقف کرتی ہیں۔

پہلی بار 2020 کے بعد ایوارڈز کی تقریب منعقد ہوگی، ایوارڈز میں 28 کیٹیگریز ہیں، جو ٹی وی، فلم، میوزک، فیشن اور ڈیجیٹل کانٹینٹ پر مبنی ہیں۔

تقریب میں دو قسم کے ایوارڈز ویوورز اور کرٹک چوائس دیے جائیں گے جب کہ لائف ٹائم اچیومنٹ ایوارڈ بھی دیا جائے گا۔

ڈراما کیٹیگریز (ٹی وی) - ناظرین کی پسند

بہترین اداکارہ: درِّشاں سلیم (عشْقِ مُرْشِد اور خئی)، ہانیہ عامر (کبھی مَیں کبھی تم)، سجل علی (زَرْدِ پَٹوں کا بُن)

بہترین اداکار: بلال عباس (عشْقِ مُرْشِد)، دانش تیمور (جان نثار)، فہد مصطفیٰ (کبھی مَیں کبھی تم)، عمران اشرف (نمک حرام)۔

بہترین سیریل: اداوَت، بیبی باجی کی بہوئیں، حَسْرَت، تَرْکِ وفا۔

سال کا بہترین ڈراما: کبھی مَیں کبھی تم (اے آر وائی)، کفارہ (جیو)، خئی (جیو)،عشْقِ مُرْشِد (ہم ٹی وی)۔

ناقدین کی پسند

ابھرتا ٹیلنٹ: خوشحال خان (دنیاپور)، نعیمہ بٹ (انسپکٹر صبیحہ)، سحر ہاشمی (ظلم)، شاہیرہ جلیل الباسط (برنس روڈ کے رومئو جولیٹ)۔

بہترین ڈائریکٹر: بدر محمود (کبھی مَیں کبھی تم)، مصدِّق ملک (نور جہاں)، صائف حسن (زَرْدِ پَٹوں کا بُن)، سید وجاہت حسین (خئی)۔

بہترین ڈراما: عشْقِ مُرْشِد، جَفَا (ہم ٹی وی)، خئی (جیو)، زَرْدِ پَٹوں کا بُن (ہم ٹی وی)۔

بہترین لکھاری: فرحت اشتیاق (کبھی مَیں کبھی تم)، مصطفیٰ آفریدی (زَرْدِ پَٹوں کا بُن)، ثقلین عباس (خئی)، زَنْجَبِیل عاصم شاہ (نور جہاں)۔

فلم کیٹیگریز - ناظرین کی پسند

بہترین اداکار: عمران اشرف (کَٹرْ کراچی)، ثمر جعفری (نَابَالغِ اَفْراد)، طلحہ انجم (کَٹرْ کراچی)، عثمان خان (نَایاب)۔

بہترین اداکارہ: عائشہ عمر (ٹکسالی گیٹ)، کِنْزَہ ہاشمی (کَٹرْ کراچی)، کُبْرَىٰ خان (ابھی)، یمُنَہ زیدی (نَایاب)۔

سال کی بہترین فلم: گلاس ورکر، کَٹرْ کراچی، نَابَالغِ اَفْراد، نَایاب۔

ناقدین کی پسند

بہترین ڈائریکٹر: عبد الوالی بلوچ (کَٹرْ کراچی)، ایم شہزاد ملک (لِیچ)، عمیر ناصر علی (نَایاب)، وجاہت رؤف (دَغَابَاز دِل)۔

بہترین بیوٹی انفلوئنسر: دعا فا طمہ، ہمایل، حرا فیصل، سبینہ سعید۔

بہترین کانٹینٹ کریئٹر: جنید اکرم، کنول افتاب، رون اینڈ کوکو، ذوالقرنین سکندر۔

بہترین ٹرینڈ سیٹر: عائدہ شیخ، ڈاکٹر زی خان، ہمایل، زینب رضا۔

پیاری مریم اپنے سادہ مواد اور الفاظ کی وجہ سے کافی شہرت رکھتی تھیں، ان کے ولاگز کو بہت زیادہ پسند کیا جاتا رہا ہے۔

پیاری مریم شوہر سمیت سسرالیوں اور اپنے والدین کے گھر میں بھی ولاگز بناتی دکھائی دیتی تھیں جب کہ وہ دیگر مواقع پر بھی ولاگز بناتی رہتی تھیں۔

پیاری مریم یوٹیوب سمیت انسٹاگرام اور ٹک ٹاک پر بھی یکساں مقبول تھیں اور ان کے فیملی ولاگز کو باقیوں کے مقابلے زیادہ اچھا سمجھا جاتا تھا اور ان کی تعریفیں کی جاتی رہتی تھیں۔

پیاری مریم امید سے تھیں اور وہ اپنے ہاں متوقع بچوں کی پیدائش سے متعلق بھی متعدد ولاگز بنا چکی تھیں اور اپنی صحت سے متعلق بھی مداحوں کو آگاہ کرتی رہتی تھیں۔

پیاری مریم نے اپنے ولاگز میں بتایا تھا کہ ان کے ہاں جڑواں بچوں کی پیدائش متوقع ہے جب کہ انہوں نے اپنے کسی بھی ولاگ میں اپنی صحت خراب ہونے سے متعلق نہیں بتایا تھا، البتہ حمل کی وجہ سے ہونے والی عام اور چھوٹی پیچیدگیوں سے متعلق بتاتی رہتی تھیں۔

پیاری مریم اپنے شوہر احسن علی کے ہمراہ ولاگز بناتی تھیں اور انہوں نے بھی اہلیہ کے انتقال کی انسٹاگرام اسٹوری لگائی۔

پیاری مریم کے آفیشل انسٹاگرام سے بھی ان کے انتقال کی اسٹوری شیئر کی گئی، جس میں انفلوئنسر کی مغفرت کے لیے بھی دعاؤں کی اپیل کی گئی۔

علاوہ ازیں سوشل میڈیا انفلوئنسر ڈاکٹر زی خان نے بھی پیاری مریم کے انتقال سے متعلق ویڈیو شیئر کی اور بتایا کہ وہ دوران زچگی پیچیدگیوں کی وجہ سے انتقال کر گئیں۔

میڈیا رپورٹس کے مطابق پیاری مریم کے بچوں کو بھی نہیں بچایا جا سکا، تاہم اس حوالے سے ان کے خاندان کی جانب سے کوئی وضاحت جاری نہیں کی گئی۔

’دی ہندو‘ کے مطابق رشمیکا مندانا نے ایکس پوسٹ میں اے آئی کے ذریعے ڈیپ فیک اور اداکاراؤں کی نامناسب ویڈیوز اور تصاویر بنانے پر اظہار تشویش کرتے ہوئے ہوئے ملوث افراد کے خلاف قانونی کارروائی کا مطالبہ کیا۔

انہوں نے خصوصی طور پر ایسی ویڈیوز اور ڈیپ فیک بنانے کی مذمت کی جو عورتوں کو نشانہ بناتے ہیں۔

انہوں نے ایکس پر لکھا کہ اے آئی ترقی کی طاقت ہے لیکن اسے فحش مواد بنانے اور عورتوں کو نشانہ بنانے کے لیے استعمال کرنا بعض لوگوں میں گہرے اخلاقی زوال کی نشانی ہے، یاد رکھیں، انٹرنیٹ اب سچائی کا آئینہ نہیں رہا۔

انہوں نے لکھا کہ ہمیں غلط استعمال سے اوپر اٹھنا چاہیے اور اے آئی کو ایک معزز اور ترقی یافتہ معاشرے کی تعمیر کے لیے استعمال کرنا چاہیے۔

رشمیکا مندانا نے لکھا کہ اگر لوگ انسانوں کی طرح برتاؤ نہ کریں تو انہیں سخت اور ناقابل معافی سزا ملنی چاہیے۔

اداکارہ نے اپنی پوسٹ میں انڈین سائبر کرائم کوآرڈینیشن سینٹر کا آفیشل ہینڈل بھی ٹیگ کیا۔

خیال رہے کہ نومبر 2023 میں رشمیکا مندانا کی ایڈیٹ شدہ ڈیپ فیک ویڈیو وائرل ہوئی تھی، جس میں کسی دوسری خاتون کا دھڑ لگایا گیا تھا اور ویڈیو میں خاتون کو انتہائی بولڈ لباس میں دکھایا گیا تھا۔

رابعہ نورین نے حال ہی میں مزاحیہ پروگرام ’مذاق رات‘ میں شرکت کی، جہاں انہوں نے اپنی زندگی اور مرحوم شوہر عابد علی کے حوالے سے یادیں شیئر کیں۔

اداکارہ کا کہنا تھا کہ انہیں شوہر عابد علی زندگی کے ہر لمحے یاد آتے ہیں اور وہ جان بوجھ کر خود کو مصروف رکھتی ہیں تاکہ ان کی یاد کم محسوس ہو۔

انہوں نے کہا کہ عابد علی ان کے لیے چھاؤں، سائبان اور زندگی تھے، عابد علی کے انتقال کا صدمہ بہت شدید تھا اور وہ شاید اس سے بچ نہیں سکتیں، لیکن لوگوں کی محبتوں نے انہیں زندگی کی طرف واپس لانے میں مدد کی۔

رابعہ نورین نے اپنی پہلی ملاقات عابد علی سے فلائٹ میں بتائی، جب وہ ایئرلائن میں نوکری کر رہی تھیں، اس ملاقات کو انہوں نے ایک پروفیشنل ملاقات قرار دیا۔

انہوں نے بعد میں ایئرلائن کی نوکری چھوڑ کر ڈراموں میں اداکاری کا آغاز کیا اور اسی دوران ایک شوٹنگ کے موقع پر دوبارہ عابد علی سے ملاقات ہوئی، جس میں وہ ان کی شخصیت سے بہت متاثر ہوئیں۔

اداکارہ نے کہا کہ عابد علی کے بارے میں ان کے تمام اندازے غلط ثابت ہوئے کیونکہ وہ بہت نفیس اور خوش اخلاق انسان تھے اور کسی کے ساتھ بھی برا رویہ نہیں رکھتے تھے۔

انہوں نے بتایا کہ شوٹنگ کے بعد ان کے درمیان فون نمبرز کا تبادلہ ہوا اور تقریباً چھ ماہ تک صرف خیر خیریت کے پیغامات کا تبادلہ ہوتا رہا، ایک دن جب ان کا پیغام نہ آیا تو انہیں بے چینی ہوئی اور دوبارہ رابطے پر عابد علی سے کہا کہ وہ یہ رابطہ ختم کرنا چاہتی ہیں کیونکہ اس سے مختلف جذبات پیدا ہو رہے ہیں۔

رابعہ نورین نے بتایا کہ عابد علی نے بس یہی جواب دیا کہ جو جیسا چل رہا ہے ویسا ہی چلنے دو اور پھر اسی طرح ہوا۔

اداکار عابد علی کی رابعہ نورین سے دوسری شادی تھی، ان کی پہلی شادی اداکارہ حمیرہ علی سے تھی، جس سے ان کی تین بیٹیاں ہیں، عابد علی نے حمیرہ علی سے علیحدگی کے بعد 2006 میں رابعہ نورین سے شادی کی۔

بعد ازاں عابد علی ستمبر 2019 میں کراچی میں 67 سال کی عمر میں جگر کے عارضے کے سبب انتقال کر گئے تھے۔

گزشتہ دنوں 29 نومبر کو ماہرہ خان اور فواد خان کی فلم ’نیلوفر‘ ریلیز ہوئی، جس میں فواد خان نے لکھاری کا کردار ادا کیا، جب کہ ماہرہ خان نے بصارت سے محروم لڑکی کا کردار نبھایا۔

’نیلوفر‘ کی کہانی اور ہدایتکاری امر رسول نے کی ہے، جب کہ پروڈیوسر کے فرائض اوصاف شارق نے انجام دیے ہیں، فواد خان اور حسن خالد ایگزیکٹو پروڈیوسرز کے طور پر فلم میں شامل ہیں۔

حال ہی میں فضا علی نے اپنے مارننگ پروگرام میں نابینا شخصیات کو مدعو کیا اور بات کرتے ہوئے کہا کہ نابینا افراد ہمیشہ سامنے کی طرف دیکھ کر بات نہیں کرتے بلکہ وہ آواز سے پہچان لیتے ہیں کہ آواز کہاں سے آ رہی ہے اور اسی طرف دیکھتے ہیں۔

انہوں نے کہا کہ فلموں میں یہ غلط دکھایا جاتا ہے کہ نابینا شخص کبھی بھی سامنے والوں کی طرف دیکھ کر بات نہیں کرتا۔

فضا علی نے فلم ’نیلوفر‘ کے حالیہ ٹریلر کا حوالہ دیتے ہوئے کہا کہ ایک سین میں فواد خان ماہرہ خان کو کبوتر پکڑاتے ہیں، جس میں ماہرہ خان کے ہاتھ اور چہرہ دونوں مخالف سمت میں تھے۔

ان کا کہنا تھا کہ انہیں لگتا ہے کہ فلم کے ہدایتکار نے ماہرہ خان سے کام صحیح طریقے سے نہیں کروایا، جب کہ نابینا افراد کی حرکات اور آواز کی پہچان کا خیال رکھنا ضروری ہوتا ہے۔

پارس مسرور نے انسٹاگرام پر شیئر کیے گئے پیغام میں مداحوں سے درخواست کی کہ وہ ان کی والدہ کی مغفرت کے لیے دعا گو رہیں۔

انہوں نے اپنی والدہ کے انتقال پر گہرے دکھ کا اظہار کرتے ہوئے کہا کہ وہ ہمیشہ ان کی رہنمائی اور محبت کو یاد رکھیں گے۔

بینا مسرور نے پی ٹی وی کے کئی مقبول ڈراموں میں یادگار کردار ادا کیے اور ناظرین کے دلوں میں اپنی الگ پہچان بنائی، ان کے نمایاں ڈراموں میں بنجارہ، بیٹیاں، ترب، عشق نہیں آسان، آنگن، اگر اور جانِ جہاں شامل ہیں۔

اداکارہ نہ صرف ایک قابل اداکارہ تھیں بلکہ ایک تعلیم یافتہ شخصیت بھی تھیں۔

انہوں نے یونیورسٹی آف سندھ سے تعلیم حاصل کی اور ہمیشہ تعلیمی میدان میں اپنی مہارت کو فروغ دیا۔

ندا یاسر نے حال ہی میں اپنے مارننگ شو میں اداکارہ صائمہ قریشی، نادیہ خان اور رباب مسعود کے ساتھ گفتگو میں ڈیلیوری بوائز کے حوالے سے قدرے نامناسب گفتگو کی۔

ٹی وی میزبان نے پروگرام میں بات کرتے ہوئے کہا کہ ڈیلیوری بوائز عام طور پر کھانا لاتے وقت کھلے پیسے نہ لانے کے بہانے بناتے ہیں، وہ جھوٹ بولتے ہیں۔

ندا یاسر کی بات سے صائمہ قریشی اور رباب مسعود نے بھی اتفاق کیا اور کہا کہ باالکل ایسا ہی ہے۔

ٹی وی میزبان نے اپنی بات جاری رکھتے ہوئے کہا کہ ڈیلیوری بوائز کھلے پیسے نہ لانے کا جھوٹ بولتے ہیں، بہانے کرتے ہیں، جس پر انہیں ٹپ (اضافی پیسے) دینے کا دل بھی نہیں کرتا۔

ان کے مطابق جب کوئی ڈیلیوری بوائے کھلے پیسے نہ لانے کا بہانا بناتا ہے، تب وہ اپنے ڈرائیور کو پیسے دے کر کھلے منگواتی ہیں اور ڈیلیوری بوائے کو اصل پیسے دیتی ہیں۔

ان کا کہنا تھا کہ وہ ایسا اس لیے بھی کرتی ہیں تاکہ ڈیلیوری بوائز کو کھلے پیسے نہ لانے کی سزا ملے، انہیں احساس ہوا اور ان کی دوسری ڈیلیوری تاخیر کا شکار ہو تو انہیں معلوم پڑے گا۔

ندا یاسر کے مطابق ڈیلیوری بوائز کھلے پیسے نہ لانے کا جھوٹ بولتے ہیں اور پھر ان کے ایسے جھوٹ سے انہیں ٹپ دینے کا دل بھی نہیں کرتا۔

ان کی بات کو آگے بڑھاتے ہوئے نادیہ خان نے کہا کہ وہ آرڈر کرتے وقت پہلے معلوم کرتی ہیں کہ ان کا بل کتنا ہوا اور پھر ہدایات دیتی ہیں کہ وہ ڈیلیوری بوائے ساتھ میں کھلے پیسے لے کر آئے، ان کے پاس اتنے کا نوٹ ہوگا۔

نادیہ خان کے مطابق وہ آرڈر کرتے وقت یہ بھی آپشن فراہم کرتی ہیں کہ ڈیلیوری بوائز کے ساتھ کارڈ مشین بھی بھیج سکتے ہیں، وہ کارڈ سے بل ادا کریں گی یا پھر کھلے پیسے بھیج دیں۔

انہوں نے کہا کہ وہ ڈیلیوری بوائے سے کھلے پیسے لے کر وہ تمام پیسے انہیں ہی واپس کرتی ہیں لیکن وہ سختی سے ساتھ میں کھلے پیسے لانے کی ہدایات کرتی ہیں۔

ندا یاسر کی جانب سے ڈیلیوری بوائز کے حوالے سے کی گئی بات وائرل ہوگئی اور سوشل میڈیا صارفین نے انہیں تنقید کا نشانہ بھی بنایا۔

نتاشا بیگ نے حال ہی میں ٹک ٹاک پر ایک مداح کی جانب سے پوچھے گئے سوال پر جواب دیتے ہوئے مختصر ویڈیو شیئر کی۔

گلوکارہ نے نادیہ خان کے رویے سے متعلق پوچھے گئے سوال پر ٹی وی میزبان کے رویے پر ویڈیو شیئر کرتے ہوئے ان کے رویے پر اظہار افسوس کیا۔

مختصر ویڈیو میں نتاشا بیگ نے کہا کہ وہ نادیہ خان کو اپنی والدہ کی وجہ سے جانتی ہیں، انہوں نے ہمیشہ اپنی والدہ کو اُن کی تعریف کرتے دیکھا۔

ان کا کہنا تھا کہ کیونکہ نادیہ خان اپنے اپنے کیریئر کے ابتدائی دور میں بہت اچھی اداکارہ، میزبان اور ماڈل بھی تھیں اور یہ کہ وہ بہت خوبصورت بھی تھیں۔

گلوکارہ کے مطابق لیکن نادیہ خان اُن ستاروں میں شامل ہیں جو بدقسمتی سے اپنا عروج باوقار طریقے سے برقرار نہ رکھ سکیں اور وقت کے ساتھ اپنی مقبولیت کھو بیٹھیں۔

نتاشا بیگ نے کہا کہ اب نادیہ خان کی کشش بھی کم ہو چکی ہے، وہ انہیں بہت پسند ہیں لیکن اُن کا موجودہ دور اچھا نہیں۔

انہوں نے دعا کی کہ تمام اسٹارزاپنے عروج کو وقار کے ساتھ برقرار رکھ سکیں۔

نتاشا بیگ کی مختصر ویڈیو پر صارفین نے رد عمل دیتے ہوئے ان کی بات سے اتفاق کیا اور نادیہ خان کے رویے کو غلط قرار دیا۔

صارفین نے لکھا کہ نادیہ خان کو بھی کسی نے غلط گائیڈ کیا ہوگا، تبھی وہ نتاشا بیگ کے گانوں کو پسند نہیں کرتیں جب کہ حالیہ کچھ عرصے میں ٹی وی میزبان کا رویہ واقعی عجیب ہو چکا ہے۔

نتاشا بیگ سے قبل دوسری شوبز شخصیات بھی نادیہ خان کے رویے کو تنقید کا نشانہ بنا چکی ہیں۔

شوبز ویب سائٹ پیج سکس کے مطابق دونوں گلوکاروں میں کافی عرصے سے تعلقات تھے اور چہ مگوئیاں تھیں کہ جلد ہی دونوں اپنی دوستی کو رشتے میں بدلیں گے۔

دونوں نے تقریبا نصف دہائی تعلقات میں رہنے کے بعد دوستی اور محبت کو رشتے میں بدلتے ہوئے منگنی کرلی اور جلد ہی دونوں کی جانب سے شادی کرنے کا امکان ہے۔

دونوں نے یکم دسمبر 2025 کو لاس اینجلس میں فلم کے پریمیئر میں شرکت کی، اس موقع پر مائلی سائرس کی بائیں انگلی میں بڑ‍ی ہی قیمتی ڈائمنڈ انگوٹھی دیکھی گئی جو کہ ان کی منگنی کی خبروں کی بنیاد بنی۔

رپورٹ میں بتایا گیا کہ گلوکارہ کو منگنی پر 14 قراط کی ہیرے کی قیمتی انگوٹھی تحفے میں ملی اور ان کی انگوٹھی کو خصوصی طور پر ڈیزائن کروایا گیا۔

مائلی سائرس اور میکس مورنڈو کی پہلی ملاقات ایک بلائنڈ ڈیٹ پر 2021 میں ہوئی تھی اور تب سے ان کی دوستی محبت کی شکل اختیار کرتی چلی گئی۔

دونوں نے ذاتی زندگی کے ساتھ ساتھ پیشہ ورانہ محاذ پر بھی کئی منصوبوں پر ایک ساتھ کام کیا، میکس مورندو نے مائلی سائرس کے البمز میں بطور موسیقار اور پروڈیوسر تعاون کیا۔

مائلی سائرس کی پہلی شادی لیام ہیمس ورتھ سے ہوئی تھی جو 2019 میں طلاق پر ختم ہوئی۔

گلوکارہ نے خود سے کم عمر میکس مورنڈو کے رومانوی تعلقات پر کبھی کھل کر بات نہیں کی تھی لیکن اب دونوں نے منگنی کرلی اور جلد ہی ان کی شادی کا امکان ہے۔

آکسفورڈ یونیورسٹی کے طلبہ کی جانب سے چلائی جانے والے اخبار کے مطابق عروہ حنین الریس اپریل سے جون 2026 تک یونین کی صدارت سنبھالیں گی۔

عروہ حنین الریس کے والد محمد الریس نے بھی بیٹی کی فتح کی خوشی مناتے ہوئے سوشل میڈیا پر انہیں پہلی عرب فلسطینی اور الجزائری خاتون صدر قرار دیا۔

یونین کی صدارت کے لیے مقابلہ سخت تھا، عروہ حنین کو 757 ووٹ ملے، ان کے ووٹ دوسرے نمبر پر آنے والی لزا بارکووا سے 155 ووٹ زیادہ تھے۔

آکسفورڈ یونین دنیا کی ممتاز طلبہ کی چلائی جانے والی مباحثہ سوسائٹیوں میں سے ایک ہے، جو آکسفورڈ یونیورسٹی میں واقع ہے، اس یونین کو عالمی اہمیت کے موضوعات پر اعلیٰ سطحی مقررین کی میزبانی کے لیے جانا جاتا ہے۔

حال ہی میں بھارت-پاکستان تعلقات پر بھی یونین نے مباحثہ کرایا تھا، جہاں بھارت کے دو ارکان پارلیمنٹ اور ایک ریٹائرڈ فور اسٹار جنرل نے شرکت کی تھی لیکن جلد ہی بھارتی وفد نے پروگرام چھوڑ دیا تھا کیوں کہ رواں برس مئی میں پاکستان کے ساتھ جنگ میں ان کے ملک کو شکست کھانی پڑی تھی۔

عروہ حنین الریس یونیورسٹی طلبہ کے اخبار سے بات کرتے ہوئے کہا کہ یونین ایک نہایت خاص جگہ ہے، جو بہت مشکل حالات کا سامنا کر رہی ہے۔ انہیں لگتا ہے کہ ہمیں شفاف گورننس، مالی ذمہ داری اور آزادی اظہار کی آخری قلعے کے طور پر اپنی پوزیشن کی تصدیق کے ساتھ ایک تازہ آغاز کی ضرورت ہے۔

یونین کے علاوہ عروہ حنین الریس برطانیہ میں پرو فلسطین مظاہروں کی اندرونی جھلک دینے والے دستاویزی فلم کشمیر ٹو آکسفورڈ کی تیاری میں بھی شامل تھیں۔

گزشتہ چند سال سے آکسفورڈ یونین میں اندرونی سیاست کشیدہ رہی ہے، سابق صدور جارج آبارائونی اور موسیٰ ہراج کو عدم اعتماد کی تحریکوں کا سامنا کرنا پڑا تھا، موسیٰ ہراج پاکستانی تھے، وہ ایک سال سے کم عرصے میں آکسفورڈ یونین کے صدر بننے والے دوسرے پاکستانی طالب علم تھے، ان سے قبل 2024 میں اسرار خان منتخب ہوئے تھے۔

پاکستان یونین کی اعلیٰ سطح پر نمائندگی برقرار رکھے ہوئے ہے، اس وقت بھی ایچسن کالج کے فارغ التحصیل شاہ میر عزیز سیکریٹری کی کمیٹی میں خدمات انجام دے رہے ہیں۔

خبر رساں ادارے ’اے ایف پی‘ کے مطابق 1981 میں اپنی شروعات کے وقت ’وڈیو کلڈ دی ریڈیو اسٹار‘ کی نشریات سے دنیا بھر میں موسیقی کی ایک نئی لہر چلانے والا ایم ٹی وی چینل اب اپنے سنہری دور کو الوداع کہنے کی تیاری کر رہا ہے۔

پیراماؤنٹ اسکائی ڈانس کی ملکیت والا یہ مشہور چینل 2025 کے آخر تک اپنی بین الاقوامی موسیقی نشریات کو بند کردے گا، جس کا باضابطہ اعلان بھی کردیا گیا۔

کمپنی کے مطابق برطانیہ، فرانس، جرمنی، پولینڈ، آسٹریلیا اور برازیل جیسے ممالک میں ایم ٹی وی میوزک، ایم ٹی وی ہٹس اور 80 کی دہائی و 90 کی دہائی کے مشہور پروگرامز کا خاتمہ ہو جائے گا۔

ایم ٹی وی کی یہ تبدیلی ڈیجیٹل اسٹریمنگ کی دنیا میں یوٹیوب اور ٹک ٹاک جیسے پلیٹ فارمز کی بڑھتی ہوئی مقبولیت کا نتیجہ ہے، جو فوری اور انٹرایکٹو مواد فراہم کرتے ہیں۔

ماہرین کا کہنا ہے کہ ایم ٹی وی کی ’م‘ کا مطلب موسیقی تھا، جو اب مکمل طور پر غائب ہو چکا ہے۔

برطانیہ میں جولائی 2025 تک ایم ٹی وی میوزک کی رسائی صرف 13 لاکھ گھرانوں تک محدود ہو گئی تھی، جو 2001 میں ایک کروڑ زائد گھرانوں کی رسائی کے مقابلے میں انتہائی کم ہے۔

یکم اگست 1981 کو اپنی پہلی نشریات شروع کرنے والے اس چینل نے موسیقی، فیشن، فلموں اور نوجوان کلچر کو نئی شکل دی۔

سال 1984 کے ایم ٹی وی ویڈیو میوزک ایوارڈز میں مائیکل جیکسن کی ’تھرلر‘ اور میڈونا کی ’لائیک اے ورجن‘ جیسی پرفارمنس نے اسے عالمی شہرت بخشی، 90 کی دہائی میں یورپ میں ’پارٹی زون‘ جیسے پروگرامز نے ڈانس اور کلب کلچر کو فروغ دیا۔

سال 2000 کی دہائی میں ریئلٹی ٹیلی ویژن کی طرف مائل ہونے اور علاقائی ذیلی چینلز میں تقسیم ہونے سے ایم ٹی وی کی اصل شناخت کمزور پڑ گئی۔

پیراماؤنٹ اسکائی ڈانس کے ساتھ الحاق کے بعد لاگت میں کمی کے لیے 1000 ملازمین کی برطرفی سمیت دیگر اقدامات کیے گئے ہیں جب کہ امریکا میں کچھ موسیقی چینلز برقرار رکھے جائیں گے لیکن برطانیہ کا مرکزی ایم ٹی وی ایچ ڈی چینل اب تفریحی مواد پر مرکوز رہے گا۔

مداحوں اور سابق عملے کی جانب سے مطالبہ کیا جا رہا ہے کہ پیراماؤنٹ ایم ٹی وی کے آرکائیوز ٹیپس کو عوام کے لیے دستیاب کرے تاکہ اس کی یادگار وراثت محفوظ رہے۔

ایم ٹی وی کا خاتمہ نہ صرف موسیقی کی نشریات بلکہ ایک دور کا خاتمہ ہے جو کروڑوں نوجوانوں کی زندگیوں کو متاثر کر گیا۔

گزشتہ دنوں

سنگیتا نے ایک پروگرام میں شرکت کے دوران سعود اور میرا کی ماضی کی دوستی کے حوالے سے گفتگو کی تھی۔

انہوں نے بتایا تھا کہ وہ ایک فلم کی ہدایت کاری کررہی تھیں جس میں انہوں نے سعود کے ساتھ ریشم کو کاسٹ کیا تھا، جب کہ یہ بات میرا کو پسند نہیں آئی تھی کیونکہ وہ خود سعود کی ہیروئن بننا چاہتی تھیں۔

سنگیتا کے مطابق اسی وجہ سے ایک موقع پر میرا نے سعود کو سیٹ پر آنے سے بھی روک دیا تھا، میرا کے اس عمل کے بعد وہ خود سعود کے گھر گئیں، نہ صرف اسے سیٹ پر لے کر آئیں بلکہ انہوں نے میرا کو اس رویے پر ڈانٹا بھی تھا۔

حال ہی میں سعود کی اہلیہ و اداکارہ جویریہ سعود نے سنگیتا کے اس بیان پر ردعمل دیتے ہوئے کہا کہ وہ معصومیت کے پردے میں بھولی بسری کہانیاں سنا کر ایک خاندان والے شخص کی عزت پر داغ لگانے پر انہیں مبارکباد دینا چاہتی ہیں، کیونکہ یہ بھی ایک فن ہے۔

جویریہ سعود کے مطابق اس واقعے سے نہ تو ان کے اور سعود کے مضبوط، محبت اور اعتماد پر مبنی رشتے پر کوئی اثر پڑے گا اور نہ ہی اس سے سعود کے کردار کو کوئی نقصان پہنچے گا، اس لیے سستی شہرت کے لیے کوئی اور راستہ اختیار کیا جائے۔

عنزیلہ عباسی نے حال ہی میں ایف ایچ ایم پوڈکاسٹ میں شرکت کی، جہاں انہوں نے مردوں اور خواتین کے رویوں اور تھراپی کے حوالے سے اپنے خیالات کا اظہار کیا۔

ان کا کہنا تھا کہ انہوں نے پاکستانی مردوں کو بہت کم دیکھا ہے، جو خود کو بدلنے یا بہتر بنانے کے لیے تھراپی کا سہارا لیتے ہیں۔

عنزیلہ عباسی کے مطابق ان کے شوہر تھراپسٹ ہیں اور ان کے پاس زیادہ تر خواتین ہی تھراپی کے لیے آتی ہیں، جب کہ مرد بہت کم آتے ہیں، حالانکہ مردوں کو خواتین کے مقابلے میں تھراپی کی زیادہ ضرورت ہوتی ہے اور وہ اپنے مسائل کے حل کے لیے مدد لینے سے گریز کرتے ہیں۔

انہوں نے یہ بھی کہا کہ خواتین میں قدرتی صلاحیت ہوتی ہے کہ وہ بہت جلدی کسی بھی ماحول کے مطابق خود کو ایڈجسٹ کر لیتی ہیں اور ان میں سیکھنے اور دنیا کو جاننے کی دلچسپی بھی زیادہ ہوتی ہے۔

ان کا کہنا تھا کہ خواتین کے مقابلے میں مردوں میں انا زیادہ ہوتی ہے اور اگر کوئی مرد یہ سوچ لے کہ وہ درست ہے تو پھر وہ اپنے آپ کو ہی صحیح سمجھتا ہے۔

ایک سوال کے جواب میں عنزیلہ نے کہا کہ اگر کوئی شخص اپنے کمرے میں ڈرگز کا استعمال کرتا ہے اور اس کے عمل سے معاشرے کو نقصان نہیں پہنچتا تو ہمیں اس کی پرواہ نہیں کرنی چاہیے۔

اداکارہ نے لوگوں کو یہ سبق بھی دیا کہ ہمیں دوسروں کے معاملات میں بولنا چھوڑ دینا چاہیے اور ہر کسی کو یہ سوچنا بند کرنا چاہیے کہ لوگ کیا کہیں گے۔

یہ شاندار تقریب ہر سال پیرس کے ایک ہوٹل میں منعقد ہوتی ہے، جو کبھی پرنس رولینڈ بوناپارٹ کی رہائش گاہ تھا۔

لی بال میں دنیا کے ممتاز خاندانوں کی 21 سال سے کم عمر کی صرف 20 خواتین کو مدعو کیا جاتا ہے، اس سال حقیقی شہزادیوں، ارب پتی خاندانوں، ہولی وڈ شخصیات اور ابھرتے ہوئے ٹیلنٹ کے درمیان ایلا واڈیا کی شرکت نے سب کی توجہ حاصل کرلی۔

ایلا واڈیا کی بال میں موجودگی فوراً ان کے خاندانی نسب کی وجہ سے توجہ کا مرکز بنی، وہ قائد اعظم محمد علی جناح کی اکلوتی بیٹی دینا واڈیا کے ذریعے ان سے تعلق رکھتی ہیں، جنہوں نے معروف پارسی واڈیا صنعتی خاندان کے نیویل واڈیا سے شادی کی تھی، ایک ایسی شادی جس نے تاریخی طور پر ان کے والد کے ساتھ تعلق کو متاثر کیا۔

دینا اور نیویل کا بیٹا نسلی واڈیا بھارتی کاروباری دنیا میں ایک اہم شخصیت اور واڈیا گروپ کے چیئرمین ہیں، جن کے دو بیٹے جہانگیر واڈیا اور نس واڈیا ہیں اور ایلا واڈیا، جہانگیر واڈیا اور فیشن ڈیزائنر سیلینا واڈیا کی بیٹی ہیں۔

پہلے کرلین بال کے نام سے جانی جانے والی لی بال 1958 سے منعقد ہو رہی ہے اور معاشرے کی فیشن آئیکونز کے لیے ایک انتہائی دلکش ملاقات کا مقام بن چکی ہے، یہ تقریب تھینکس گیونگ کے اختتام پر منعقد ہوتی ہے، جس میں خواتین انتہائی قیمتی کوٹور گاؤنز پہن کر جھومتی ہیں، جو عموماً 50 ہزار سے 10 لاکھ ڈالر کی قیمت رکھتے ہیں اور ایفل ٹاور کے منظر والے بالکونیز پر ٹک ٹاک ویڈیوز بھی بناتی ہیں۔

ماضی میں اس بال میں مارگریٹ کوالی، للی کولنز، لوری ہاروی، آوا فلیپ، اسکاؤٹ اور ٹلولہ ولس بھی شرکت کرچکی ہیں۔

لی بال کی ماسٹر مائنڈ ایونٹ پلانر اوفیلی رینوآرڈ کے مطابق اس بال کا مقصد نوجوان خواتین کو شادی کے لیے پیش کرنا نہیں بلکہ یہ ایک جشن ہے جو لڑکیوں، ان کے انداز، دوستیوں اور ایک رات کی پریوں کی کہانی پر مرکوز ہے۔

کاؤنٹس لارا کوسیما ہنکل وون ڈونرزمارک نے 2023 میں کہا تھا کہ لی بال نوجوانوں کے لیے میٹ گالا ہے۔

اس سال ایلا واڈیا نے ایک منتخب گروپ میں شمولیت اختیار کی، جس میں کیرولائنا لینسنگ، ایزابیلی ڈورلینز، لیڈی آرمینٹا اسپینسر-چرچل، جلیان چان، یولالیا ڈے اورلینز-بوربون، المودینا ڈائلی ڈے اورلینز، روبی کیمپر، ایلس وانگ، یو جینیا آف ہوہنزلرن، برون وین وینس، ایلیزا لنڈروت اور دیگر شامل تھیں۔

ہر کسی نے ایک کوٹور ہاؤس کے ساتھ مل کر کوئی بھی رنگ مگر سیاہ یا سفید کے علاوہ اپنی مرضی کا گاؤن ڈیزائن کیا، جو اس ایونٹ کا واحد سخت فیشن اصول ہے۔

اوفیلی رینوآرڈ نے ہر ایڈیشن کی طرح بین الاقوامی ڈیبوٹنٹ خواتین کا متنوع انتخاب کیا، جس میں فیشن کا احساس، انفرادیت اور علمی قابلیت پر زور دیا گیا۔