سارہ چوہدری نے حال ہی میں فرخ وڑائچ کے پوڈکاسٹ میں شرکت کی، جہاں انہوں نے مختلف معاملات پر کھل کر گفتگو کی۔

انہوں نے بتایا کہ لڑکیوں کو صرف شوبز میں ہی تنگ نہیں کیا جاتا بلکہ دیگر جگہوں پر بھی ایسی شکایات سامنے آتی ہیں، تاہم شوبز کو زیادہ توجہ ملتی ہے کیونکہ اس کے بارے میں لوگوں کا عمومی تصور یہی ہوتا ہے کہ شوبز میں کام کرنے والے افراد کا کردار درست نہیں ہوتا اور اسی سوچ کی بنیاد پر شوبز میں ایسی پیشکش زیادہ کی جاتی ہیں۔

سارہ چوہدر ی کا کہنا تھا کہ جب وہ شوبز میں کام کرتی تھیں تو ان کے ساتھ ہمیشہ ان کی والدہ موجود ہوتی تھیں، شوبز کے ابتدائی چند مہینے ان کے بجائے والدہ کے لیے بہت مشکل تھے۔

ان کے مطابق انہیں بعض ایسی پیشکشیں کی گئیں جنہوں نے ان کی والدہ کو سخت پریشان کر دیا تھا، ایک موقع پر والدہ رو بھی پڑی تھیں اور انہیں کہا تھا کہ شوبز چھوڑ دو، اپنی پڑھائی پر توجہ دو اور اس انڈسٹری میں مت جاؤ۔

سارہ چوہدری نے کہا کہ والدہ کو جو بات کہی گئی تھی وہ انتہائی غیر مہذب تھی، جسے وہ الفاظ میں بیان بھی نہیں کرنا چاہتیں۔

انہوں نے دبے لفظوں میں اس بارے میں بتایا کہ والدہ کو ایسا کہا گیا تھا کہ اگر سارہ چوہدری کو اس انڈسٹری میں لمبے عرصے تک رہنا ہے تو کچھ خاص چیزیں کرنی پڑیں گی، ورنہ وہ کامیاب نہیں ہوسکتیں۔

ان کا مزید کہنا تھا کہ شوبز میں کام کے دوران انہوں نے ہمیشہ اپنی کچھ حدود مقرر کی ہوئی تھیں اور وہ ہمیشہ پوری کوشش کرتی تھیں کہ ان حدود سے کبھی باہر نہ جائیں۔

خیال رہے کہ سارہ چوہدری نے 2001 میں شوبز کیریئر کا آغاز کیا اور 2010 کے اوائل میں شوبز کو خیر باد کہہ دیا تھا، وہ اب شادی شدہ ہیں، پانچ بچوں کی والدہ ہیں اور زیادہ تر وقت مذہبی سرگرمیوں اور دین کے کاموں کے لیے وقف کرتی ہیں۔

پہلی بار 2020 کے بعد ایوارڈز کی تقریب منعقد ہوگی، ایوارڈز میں 28 کیٹیگریز ہیں، جو ٹی وی، فلم، میوزک، فیشن اور ڈیجیٹل کانٹینٹ پر مبنی ہیں۔

تقریب میں دو قسم کے ایوارڈز ویوورز اور کرٹک چوائس دیے جائیں گے جب کہ لائف ٹائم اچیومنٹ ایوارڈ بھی دیا جائے گا۔

ڈراما کیٹیگریز (ٹی وی) - ناظرین کی پسند

بہترین اداکارہ: درِّشاں سلیم (عشْقِ مُرْشِد اور خئی)، ہانیہ عامر (کبھی مَیں کبھی تم)، سجل علی (زَرْدِ پَٹوں کا بُن)

بہترین اداکار: بلال عباس (عشْقِ مُرْشِد)، دانش تیمور (جان نثار)، فہد مصطفیٰ (کبھی مَیں کبھی تم)، عمران اشرف (نمک حرام)۔

بہترین سیریل: اداوَت، بیبی باجی کی بہوئیں، حَسْرَت، تَرْکِ وفا۔

سال کا بہترین ڈراما: کبھی مَیں کبھی تم (اے آر وائی)، کفارہ (جیو)، خئی (جیو)،عشْقِ مُرْشِد (ہم ٹی وی)۔

ناقدین کی پسند

ابھرتا ٹیلنٹ: خوشحال خان (دنیاپور)، نعیمہ بٹ (انسپکٹر صبیحہ)، سحر ہاشمی (ظلم)، شاہیرہ جلیل الباسط (برنس روڈ کے رومئو جولیٹ)۔

بہترین ڈائریکٹر: بدر محمود (کبھی مَیں کبھی تم)، مصدِّق ملک (نور جہاں)، صائف حسن (زَرْدِ پَٹوں کا بُن)، سید وجاہت حسین (خئی)۔

بہترین ڈراما: عشْقِ مُرْشِد، جَفَا (ہم ٹی وی)، خئی (جیو)، زَرْدِ پَٹوں کا بُن (ہم ٹی وی)۔

بہترین لکھاری: فرحت اشتیاق (کبھی مَیں کبھی تم)، مصطفیٰ آفریدی (زَرْدِ پَٹوں کا بُن)، ثقلین عباس (خئی)، زَنْجَبِیل عاصم شاہ (نور جہاں)۔

فلم کیٹیگریز - ناظرین کی پسند

بہترین اداکار: عمران اشرف (کَٹرْ کراچی)، ثمر جعفری (نَابَالغِ اَفْراد)، طلحہ انجم (کَٹرْ کراچی)، عثمان خان (نَایاب)۔

بہترین اداکارہ: عائشہ عمر (ٹکسالی گیٹ)، کِنْزَہ ہاشمی (کَٹرْ کراچی)، کُبْرَىٰ خان (ابھی)، یمُنَہ زیدی (نَایاب)۔

سال کی بہترین فلم: گلاس ورکر، کَٹرْ کراچی، نَابَالغِ اَفْراد، نَایاب۔

ناقدین کی پسند

بہترین ڈائریکٹر: عبد الوالی بلوچ (کَٹرْ کراچی)، ایم شہزاد ملک (لِیچ)، عمیر ناصر علی (نَایاب)، وجاہت رؤف (دَغَابَاز دِل)۔

بہترین بیوٹی انفلوئنسر: دعا فا طمہ، ہمایل، حرا فیصل، سبینہ سعید۔

بہترین کانٹینٹ کریئٹر: جنید اکرم، کنول افتاب، رون اینڈ کوکو، ذوالقرنین سکندر۔

بہترین ٹرینڈ سیٹر: عائدہ شیخ، ڈاکٹر زی خان، ہمایل، زینب رضا۔

گزشتہ دنوں 29 نومبر کو ماہرہ خان اور فواد خان کی فلم ’نیلوفر‘ ریلیز ہوئی، جس میں فواد خان نے لکھاری کا کردار ادا کیا، جب کہ ماہرہ خان نے بصارت سے محروم لڑکی کا کردار نبھایا۔

’نیلوفر‘ کی کہانی اور ہدایتکاری امر رسول نے کی ہے، جب کہ پروڈیوسر کے فرائض اوصاف شارق نے انجام دیے ہیں، فواد خان اور حسن خالد ایگزیکٹو پروڈیوسرز کے طور پر فلم میں شامل ہیں۔

حال ہی میں فضا علی نے اپنے مارننگ پروگرام میں نابینا شخصیات کو مدعو کیا اور بات کرتے ہوئے کہا کہ نابینا افراد ہمیشہ سامنے کی طرف دیکھ کر بات نہیں کرتے بلکہ وہ آواز سے پہچان لیتے ہیں کہ آواز کہاں سے آ رہی ہے اور اسی طرف دیکھتے ہیں۔

انہوں نے کہا کہ فلموں میں یہ غلط دکھایا جاتا ہے کہ نابینا شخص کبھی بھی سامنے والوں کی طرف دیکھ کر بات نہیں کرتا۔

فضا علی نے فلم ’نیلوفر‘ کے حالیہ ٹریلر کا حوالہ دیتے ہوئے کہا کہ ایک سین میں فواد خان ماہرہ خان کو کبوتر پکڑاتے ہیں، جس میں ماہرہ خان کے ہاتھ اور چہرہ دونوں مخالف سمت میں تھے۔

ان کا کہنا تھا کہ انہیں لگتا ہے کہ فلم کے ہدایتکار نے ماہرہ خان سے کام صحیح طریقے سے نہیں کروایا، جب کہ نابینا افراد کی حرکات اور آواز کی پہچان کا خیال رکھنا ضروری ہوتا ہے۔

خبر رساں ادارے ’اے ایف پی‘ کے مطابق 1981 میں اپنی شروعات کے وقت ’وڈیو کلڈ دی ریڈیو اسٹار‘ کی نشریات سے دنیا بھر میں موسیقی کی ایک نئی لہر چلانے والا ایم ٹی وی چینل اب اپنے سنہری دور کو الوداع کہنے کی تیاری کر رہا ہے۔

پیراماؤنٹ اسکائی ڈانس کی ملکیت والا یہ مشہور چینل 2025 کے آخر تک اپنی بین الاقوامی موسیقی نشریات کو بند کردے گا، جس کا باضابطہ اعلان بھی کردیا گیا۔

کمپنی کے مطابق برطانیہ، فرانس، جرمنی، پولینڈ، آسٹریلیا اور برازیل جیسے ممالک میں ایم ٹی وی میوزک، ایم ٹی وی ہٹس اور 80 کی دہائی و 90 کی دہائی کے مشہور پروگرامز کا خاتمہ ہو جائے گا۔

ایم ٹی وی کی یہ تبدیلی ڈیجیٹل اسٹریمنگ کی دنیا میں یوٹیوب اور ٹک ٹاک جیسے پلیٹ فارمز کی بڑھتی ہوئی مقبولیت کا نتیجہ ہے، جو فوری اور انٹرایکٹو مواد فراہم کرتے ہیں۔

ماہرین کا کہنا ہے کہ ایم ٹی وی کی ’م‘ کا مطلب موسیقی تھا، جو اب مکمل طور پر غائب ہو چکا ہے۔

برطانیہ میں جولائی 2025 تک ایم ٹی وی میوزک کی رسائی صرف 13 لاکھ گھرانوں تک محدود ہو گئی تھی، جو 2001 میں ایک کروڑ زائد گھرانوں کی رسائی کے مقابلے میں انتہائی کم ہے۔

یکم اگست 1981 کو اپنی پہلی نشریات شروع کرنے والے اس چینل نے موسیقی، فیشن، فلموں اور نوجوان کلچر کو نئی شکل دی۔

سال 1984 کے ایم ٹی وی ویڈیو میوزک ایوارڈز میں مائیکل جیکسن کی ’تھرلر‘ اور میڈونا کی ’لائیک اے ورجن‘ جیسی پرفارمنس نے اسے عالمی شہرت بخشی، 90 کی دہائی میں یورپ میں ’پارٹی زون‘ جیسے پروگرامز نے ڈانس اور کلب کلچر کو فروغ دیا۔

سال 2000 کی دہائی میں ریئلٹی ٹیلی ویژن کی طرف مائل ہونے اور علاقائی ذیلی چینلز میں تقسیم ہونے سے ایم ٹی وی کی اصل شناخت کمزور پڑ گئی۔

پیراماؤنٹ اسکائی ڈانس کے ساتھ الحاق کے بعد لاگت میں کمی کے لیے 1000 ملازمین کی برطرفی سمیت دیگر اقدامات کیے گئے ہیں جب کہ امریکا میں کچھ موسیقی چینلز برقرار رکھے جائیں گے لیکن برطانیہ کا مرکزی ایم ٹی وی ایچ ڈی چینل اب تفریحی مواد پر مرکوز رہے گا۔

مداحوں اور سابق عملے کی جانب سے مطالبہ کیا جا رہا ہے کہ پیراماؤنٹ ایم ٹی وی کے آرکائیوز ٹیپس کو عوام کے لیے دستیاب کرے تاکہ اس کی یادگار وراثت محفوظ رہے۔

ایم ٹی وی کا خاتمہ نہ صرف موسیقی کی نشریات بلکہ ایک دور کا خاتمہ ہے جو کروڑوں نوجوانوں کی زندگیوں کو متاثر کر گیا۔

یہ شاندار تقریب ہر سال پیرس کے ایک ہوٹل میں منعقد ہوتی ہے، جو کبھی پرنس رولینڈ بوناپارٹ کی رہائش گاہ تھا۔

لی بال میں دنیا کے ممتاز خاندانوں کی 21 سال سے کم عمر کی صرف 20 خواتین کو مدعو کیا جاتا ہے، اس سال حقیقی شہزادیوں، ارب پتی خاندانوں، ہولی وڈ شخصیات اور ابھرتے ہوئے ٹیلنٹ کے درمیان ایلا واڈیا کی شرکت نے سب کی توجہ حاصل کرلی۔

ایلا واڈیا کی بال میں موجودگی فوراً ان کے خاندانی نسب کی وجہ سے توجہ کا مرکز بنی، وہ قائد اعظم محمد علی جناح کی اکلوتی بیٹی دینا واڈیا کے ذریعے ان سے تعلق رکھتی ہیں، جنہوں نے معروف پارسی واڈیا صنعتی خاندان کے نیویل واڈیا سے شادی کی تھی، ایک ایسی شادی جس نے تاریخی طور پر ان کے والد کے ساتھ تعلق کو متاثر کیا۔

دینا اور نیویل کا بیٹا نسلی واڈیا بھارتی کاروباری دنیا میں ایک اہم شخصیت اور واڈیا گروپ کے چیئرمین ہیں، جن کے دو بیٹے جہانگیر واڈیا اور نس واڈیا ہیں اور ایلا واڈیا، جہانگیر واڈیا اور فیشن ڈیزائنر سیلینا واڈیا کی بیٹی ہیں۔

پہلے کرلین بال کے نام سے جانی جانے والی لی بال 1958 سے منعقد ہو رہی ہے اور معاشرے کی فیشن آئیکونز کے لیے ایک انتہائی دلکش ملاقات کا مقام بن چکی ہے، یہ تقریب تھینکس گیونگ کے اختتام پر منعقد ہوتی ہے، جس میں خواتین انتہائی قیمتی کوٹور گاؤنز پہن کر جھومتی ہیں، جو عموماً 50 ہزار سے 10 لاکھ ڈالر کی قیمت رکھتے ہیں اور ایفل ٹاور کے منظر والے بالکونیز پر ٹک ٹاک ویڈیوز بھی بناتی ہیں۔

ماضی میں اس بال میں مارگریٹ کوالی، للی کولنز، لوری ہاروی، آوا فلیپ، اسکاؤٹ اور ٹلولہ ولس بھی شرکت کرچکی ہیں۔

لی بال کی ماسٹر مائنڈ ایونٹ پلانر اوفیلی رینوآرڈ کے مطابق اس بال کا مقصد نوجوان خواتین کو شادی کے لیے پیش کرنا نہیں بلکہ یہ ایک جشن ہے جو لڑکیوں، ان کے انداز، دوستیوں اور ایک رات کی پریوں کی کہانی پر مرکوز ہے۔

کاؤنٹس لارا کوسیما ہنکل وون ڈونرزمارک نے 2023 میں کہا تھا کہ لی بال نوجوانوں کے لیے میٹ گالا ہے۔

اس سال ایلا واڈیا نے ایک منتخب گروپ میں شمولیت اختیار کی، جس میں کیرولائنا لینسنگ، ایزابیلی ڈورلینز، لیڈی آرمینٹا اسپینسر-چرچل، جلیان چان، یولالیا ڈے اورلینز-بوربون، المودینا ڈائلی ڈے اورلینز، روبی کیمپر، ایلس وانگ، یو جینیا آف ہوہنزلرن، برون وین وینس، ایلیزا لنڈروت اور دیگر شامل تھیں۔

ہر کسی نے ایک کوٹور ہاؤس کے ساتھ مل کر کوئی بھی رنگ مگر سیاہ یا سفید کے علاوہ اپنی مرضی کا گاؤن ڈیزائن کیا، جو اس ایونٹ کا واحد سخت فیشن اصول ہے۔

اوفیلی رینوآرڈ نے ہر ایڈیشن کی طرح بین الاقوامی ڈیبوٹنٹ خواتین کا متنوع انتخاب کیا، جس میں فیشن کا احساس، انفرادیت اور علمی قابلیت پر زور دیا گیا۔

گزشتہ دنوں

سنگیتا نے ایک پروگرام میں شرکت کے دوران سعود اور میرا کی ماضی کی دوستی کے حوالے سے گفتگو کی تھی۔

انہوں نے بتایا تھا کہ وہ ایک فلم کی ہدایت کاری کررہی تھیں جس میں انہوں نے سعود کے ساتھ ریشم کو کاسٹ کیا تھا، جب کہ یہ بات میرا کو پسند نہیں آئی تھی کیونکہ وہ خود سعود کی ہیروئن بننا چاہتی تھیں۔

سنگیتا کے مطابق اسی وجہ سے ایک موقع پر میرا نے سعود کو سیٹ پر آنے سے بھی روک دیا تھا، میرا کے اس عمل کے بعد وہ خود سعود کے گھر گئیں، نہ صرف اسے سیٹ پر لے کر آئیں بلکہ انہوں نے میرا کو اس رویے پر ڈانٹا بھی تھا۔

حال ہی میں سعود کی اہلیہ و اداکارہ جویریہ سعود نے سنگیتا کے اس بیان پر ردعمل دیتے ہوئے کہا کہ وہ معصومیت کے پردے میں بھولی بسری کہانیاں سنا کر ایک خاندان والے شخص کی عزت پر داغ لگانے پر انہیں مبارکباد دینا چاہتی ہیں، کیونکہ یہ بھی ایک فن ہے۔

جویریہ سعود کے مطابق اس واقعے سے نہ تو ان کے اور سعود کے مضبوط، محبت اور اعتماد پر مبنی رشتے پر کوئی اثر پڑے گا اور نہ ہی اس سے سعود کے کردار کو کوئی نقصان پہنچے گا، اس لیے سستی شہرت کے لیے کوئی اور راستہ اختیار کیا جائے۔

شہرِ قائد میں آئے روز ایسے واقعات پیش آتے رہتے ہیں جن میں شہری انتظامیہ کی غفلت کے باعث قیمتی جانیں ضائع ہوجاتی ہیں اور ننھے ابراہیم کے ساتھ پیش آنے والا سانحہ بھی اسی سلسلے کی ایک کڑی ہے۔

اتوار کی رات 3 سالہ ابراہیم اپنے والدین کے ساتھ شاپنگ کے لیے نکلا تھا، جہاں وہ کھلے مین ہول میں گر گیا، تقریباً 14 گھنٹے بعد ایک کچرا چننے والے لڑکے نے اسے باہر نکالا، لیکن تب تک اس کی سانسیں بند ہوچکی تھیں۔

بچے کو نکالنے کی پوری کارروائی شہریوں نے اپنی مدد آپ کے تحت انجام دی، کمسن ابراہیم کی نمازِ جنازہ ادا کردی گئی ہے اور اس کی تدفین بھی کر دی گئی ہے۔

اس دلخراش واقعے نے ہر دل کو رنجیدہ کیا ہے، وہیں شوبز شخصیات نے بھی غم اور غصے کا اظہار کرتے ہوئے شہری انتظامیہ کی نااہلی پر سخت سوالات اٹھائے ہیں۔

اداکارہ و میزبان مشی خان نے میئر کراچی مرتضیٰ وہاب کو سخت تنقید کا نشانہ بناتے ہوئے کہا کہ انہیں اُس مقام پر موجود ہونا چاہیے تھا جہاں یہ سانحہ پیش آیا۔

صحافی کے سوال پر میئر کی ناگواری کے حوالے سے بات کرتے ہوئے انہوں نے کہا کہ عوام کے سوالات کا جواب دینا حکمرانوں کی ذمہ داری ہے، کیونکہ عوام ٹیکس دیتے ہیں اور جواب طلبی ان کا بنیادی حق ہے۔

انہوں نے مزید کہا کہ کراچی کی تباہ حالی کسی سے پوشیدہ نہیں، شہر چیخ چیخ کر انتظامیہ کی غفلت کا ماتم کررہا ہے، آخر اس شہر کا بجٹ کہاں جاتا ہے، یہ واضح ہونا چاہیے۔

میزبان وسیم بادامی نے انسٹاگرام پر ویڈیو جاری کرتے ہوئے شہر کی بدحالی اور انتظامیہ کی مسلسل غفلت پر افسوس کا اظہار کیا۔

انہوں نے کہا کہ کراچی کے مسائل کبھی ختم نہیں ہوں گے کیونکہ یہاں کی انتظامیہ کے پاس اپنی نااہلی چھپانے کے ہزار بہانے ہیں اور انہیں شہریوں کی حالتِ زار پر کسی قسم کا رحم نہیں آتا۔

اداکارہ فاطمہ آفندی نے سوال اٹھایا کہ شہر میں نافذ ای چالان کے ذریعے جمع ہونے والی خطیر رقم کے باوجود گٹر کے ڈھکن تک کیوں نہیں لگائے جاتے؟

اداکارہ امر خان نے کہا کہ انتظامیہ کی بے حسی کا یہ عالم ہے کہ جو کام وہ نہ کرسکی، وہ ایک کچرا چننے والے لڑکے نے کردیا، یہ واقعہ انتہائی دل خراش ہے، اگر اب بھی انتظامیہ نہ جاگی تو پھر کب جاگے گی؟

اداکارہ ریما خان نے ابراہیم کی موت پر گہرے دکھ کا اظہار کرتے ہوئے اس کے والدین کے غم میں کمی کی دعا کی۔

اداکارہ نمرا خان نے کہا کہ ان کے پاس الفاظ نہیں کہ وہ بیان کرسکیں کہ بچے کی ماں پر کیا بیت رہی ہوگی۔

اداکارہ سجل علی نے پوچھا کہ اس سب کا ذمہ دار کون ہے؟ کراچی کے نظام کو برباد کرنے والا کون ہے؟

انہوں نے کہا کہ ملک کا سب سے بڑا شہر، جو پورے ملک کا بوجھ اٹھاتا ہے، اس کا کوئی پرسان حال نہیں۔

اداکار احسن خان نے کہا کہ ابراہیم کی موت ہماری اجتماعی ناکامی کا ثبوت ہے۔

انہوں نے بتایا کہ رواں سال 20 سے 24 افراد گٹر میں گر کر زندگی کی بازی ہار چکے ہیں، جس سے زیادہ بے شرمی کی بات اور کیا ہوسکتی ہے؟

اداکارہ ماہرہ خان نے لکھا کہ انہوں نے وہ ویڈیو دیکھی جس میں ماں اپنے بچے کے لیے رو رہی ہے اور سوال کیا کہ اس حادثے کا ذمہ دار کون ہے؟ انہوں نے اسے ناقابلِ تصور بے حسی قرار دیا۔

سوشل میڈیا پر وائرل ہونے والی مختصر کلپ فلم میں اداکارہ ماہرہ خان کے کردار کے رونے کا کلپ ہے۔

وائرل ہونے والی ویڈیو میں ماہرہ خان کو روتے ہوئے دیکھا جا سکتا ہے، جس پر صارفین نے دلچسپ تبصرے بھی کیے۔

فلم میں ماہرہ خان نے نابینہ خاتون کا کردار ادا کیا ہے اور ان کے وائرل ہونے والے رونے کے سین سے محسوس ہوتا ہے کہ ایک نابینہ خاتون ہی رو رہی ہیں لیکن شائقین کو ان کی اداکاری پسند نہ آئی۔

ماہرہ خان کے وائرل ہونے والے سین پر زیادہ تر صارفین نے مزاحیہ تبصرے کیے اور لکھا کہ یہ وہ خود ہیں، کیوں کہ انہوں نے ’نیلو فر‘ کا ٹکٹ خرید کر پیسے ضائع کیے۔

کچھ شائقین نے اداکارہ کی اداکاری پر بھی سوالات اٹھائے اور ان کی اداکاری کو بیکار قرار دیا اور لکھا کہ انہیں اداکاری آتی ہی نہیں، لوگوں نے خوامخواہ انہیں اداکار بنا رکھا ہے۔

بعض افراد نے ماہرہ خان کا موازنہ صبا قمر، صنم بلوچ، مومنہ اقبال اور سجل علی سے بھی کیا اور ان کے مقابلے باقی تمام اداکاراؤں کو بہترین قرار دیتے ہوئے لکھا کہ ان کے مقابلے وہ سب اچھی طرح رو لیتی ہیں۔

اسی طرح کچھ شائقین نے ماہرہ خان کا موازنہ حرا مانی سے بھی کیا اور لکھا کہ وہ ان کی طرح ہی رو رہی ہیں جو ہر روز سوشل میڈیا پر ڈرامے کرتی ہیں۔

نیلو فر کو پچھے ہفتے ریلیز کیا گیا تھا اور فلم شائقین کی توجہ حاصل کرنے میں ناکام ہوئی ہے۔

فلم کو تقریبا پانچ سال کی تاخیر سے ریلیز کیا گیا ہے، ابتدائی طور پر اسے 2020 میں ریلیز کیا جانا تھا لیکن کورونا کی وبا کی وجہ سے اس کی نمائش تاخیر کا شکار ہوتی رہی۔

یاسر حسین نے حال ہی میں اے آر وائے پوڈکاسٹ میں شرکت کی، جہاں انہوں نے اپنے کیریئر کے آغاز میں پیش آنے والے تجربات اور معروف شخصیات کے حوالے سے خیالات کا اظہار کیا۔

انہوں نے بتایا کہ کیریئر کے ابتدائی دنوں میں انہیں یہ پیشکش کی گئی تھی کہ کیا وہ وقار ذکا بننا چاہتے ہیں، تاہم انہوں نے انکار کر دیا۔

ان کے مطابق ہر انسان کی اپنی ایک الگ خاصیت اور شخصیت ہوتی ہے اور کوئی شخص چاہ کر کسی اور انسان جیسا نہیں بن سکتا۔

یاسر حسین نے کہا کہ ہمیں وقار ذکا کی قدر اور تعریف ان کی زندگی میں کرنی چاہیے، جیسا کہ ہم نے عامر لیاقت کے ساتھ کیا، ویسا ان کے ساتھ نہیں کرنا چاہیے۔

ان کے مطابق وقار ذکا کا مشہور شو ”لونگ آن دی ایج“ پاکستان ہی نہیں بلکہ دنیا بھر میں دیکھا گیا اور آج بھی وہ اسی شو کی وجہ سے جانے جاتے ہیں، اس لیے ہمیں مشہور شخصیات کی تعریف وقت پر کرنی چاہیے تاکہ غلط فہمیاں اور ناپسندیدہ حالات دوبارہ نہ دہرائے جائیں۔

انہوں نے عامر لیاقت کے حوالے سے کہا کہ ان کا اصل قصور یہ تھا کہ ان کی ویڈیو منظر عام پر آ گئی تھی، جب کہ باقی لوگوں کی ویڈیوز منظر عام پر نہیں آتیں یا ریکارڈ نہیں ہوتیں، جس کے باعث لوگوں نے ان کے ساتھ برا سلوک کیا اور جب وہ اس دنیا سے چلے گئے تو ان کی تعریف کی گئی۔

خیال رہے کہ عامر لیاقت حسین جون 2022 میں انتقال کر گئے تھے۔

حال ہی میں ساحر علی بگا نے گانے ’مستانی‘ کی مکمل ویڈیو جاری کی ہے، جس میں شوبز کے کچھ بڑے نام بھی شامل ہیں۔

’مستانی‘ کو ساحر علی بگا نے خود لکھا اور کمپوز کیا ہے، جب کہ اسے ساحر علی بگا اور افشاں فواد نے گنگنایا ہے۔

گانے کی مقبولیت میں جہاں گلوکاروں کی خوبصورت آواز کا اہم کردار ہے، وہیں پاکستانی سنیما کی لیجنڈ صائمہ نور کے رقص نے بھی ویڈیو کو خاص توجہ دلائی ہے۔

میوزک ویڈیو میں صائمہ نور کے ساتھ ثانیہ اقبال نے بھی رقص کیا ہے، ویڈیو کی پروڈکشن اعلیٰ معیار کی ہے، جس میں جدید بصری عناصر کو روایتی پاکستانی انداز کے ساتھ خوبصورتی سے ملایا گیا ہے۔

ویڈیو کی ہدایت کاری عاصم حسین نے کی ہے، جب کہ پروڈیوسر عمریہ ساحر ہیں، فہد حسین نے لیکوئڈ فلمز کے تعاون سے ایگزیکٹو پروڈیوسر کے طور پر کام کیا۔

میوزک پروڈکشن زائر علی بگا نے سنبھالی، جب کہ ایاز سونو اور مجتبیٰ علی چونی نے اضافی کام انجام دیا۔

فواد خان اور ماہرہ خان کی رومانوی فلم ’نیلوفر‘ سینما میں ریلیز کر دی گئی ہے، جسے دیکھنے کے لیے شائقین میں بے پناہ جوش و خروش دیکھا جا رہا ہے۔

گزشتہ روز لاہور میں فلم ’نیلوفر‘ کا شاندار پریمیئر ہوا، جس میں فلم کی کاسٹ کے علاوہ متعدد شوبز شخصیات نے شرکت کی۔

پریمیئر میں ماہرہ خان نے شوہر سلیم کریم کے ہمراہ، جب کہ فواد خان نے اہلیہ صدف کنول کے ساتھ شرکت کی۔

فلم کے پریمیئر میں آمنہ رسول، علی ظفر، عاطف اسلم، بہروز سبزواری، راحت فتح علی خان، ریشم، سید نور، انتخاب عالم، مدیحہ امام، میرب علی، سلیم شیخ، سرمد کھوسٹ، وجاہت رؤف اور دیگر شوبز شخصیات بھی موجود تھیں۔

’نیلوفر‘ میں فواد خان ایک لکھاری منصور علی خان کے کردار میں نظر آئیں گے، جب کہ ماہرہ خان بصارت سے محروم مگر روشن شخصیت والی لڑکی نیلوفر کے کردار میں جلوہ گر ہوں گی۔

فلم کے پریمیئر کے موقع پر میڈیا سے بات کرتے ہوئے کاسٹ نے کہا کہ ’نیلوفر‘ محبت اور تعلقات کے بارے میں ایک طاقتور پیغام پیش کرتی ہے اور ناظرین سے اپیل کی کہ وہ اسے سینما میں دیکھیں۔

پریمیئر میں موجود شائقین نے فواد اور ماہرہ کی کیمسٹری کی بھرپور تعریف کی اور اس بات کا یقین ظاہر کیا کہ فلم باکس آفس پر بہترین کارکردگی دکھائے گی۔

’نیلوفر‘ کی کہانی اور ہدایتکاری امر رسول نے کی ہے، جب کہ پروڈیوسر کے فرائض اوصاف شارق نے انجام دیے ہیں، فواد خان اور حسن خالد ایگزیکٹو پروڈیوسرز کے طور پر فلم میں شامل ہیں۔

فلم کی مرکزی کاسٹ میں فواد خان اور ماہرہ خان شامل ہیں، جب کہ دیگر اہم اداکاروں میں بہروز سبزواری، عتیقہ اوڈھو، ثروت گیلانی اور مدیحہ امام شامل ہیں۔

’نیلوفر‘ میں فواد خان ایک لکھاری منصور علی خان کے کردار میں نظر آئیں گے، جب کہ ماہرہ خان بصارت سے محروم مگر روشن شخصیت والی لڑکی نیلوفر کے کردار میں جلوہ گر ہوں گی۔

نیلوفر کی شخصیت اور روحانی کشش کہانی کی اہمیت کو مزید بڑھاتی ہے۔

فلم کا ٹریلر کہانی کو پوری طرح واضح نہیں کرتا، لیکن اندازہ ہوتا ہے کہ فواد خان کا کردار قدرے منفرد ہے اور ہر کسی میں فوراً مقبول نہیں ہوتا، ایک موقع پر ماہرہ خان کا کردار فواد خان سے شکایت کرتا ہے کہ وہ ان کے قریب اس لیے آئے کیونکہ وہ انہیں دیکھ نہیں سکتی تھیں۔

ٹریلر سے یہ بھی معلوم ہوتا ہے کہ فلم صرف بصارت کے لفظی معنی تک محدود نہیں، بلکہ فلسفیانہ اور جذباتی پہلوؤں کو بھی اجاگر کرتی ہے۔

’نیلوفر‘ محبت، دل شکستگی اور ذیشان وکی کی دلکش موسیقی کے امتزاج کے ساتھ ایک ایسا رومانس پیش کرتی ہے جو محض رومانوی نہیں، بلکہ محبت کی پاکیزگی، پچھتاوے اور اضطراب کی کہانی بھی بیان کرتا ہے۔

فلمی شائقین کی ایک بڑی تعداد نیلوفر کی ریلیز پر پرجوش ہے اور وہ سنیما جا کر یہ فلم دیکھنے کا ارادہ بھی رکھتے ہیں۔

ترکی میں فلمایا گیا ’لازوال عشق‘ پاکستان کا پہلا ڈیٹنگ ریئلٹی شو ہے، جس میں چار مرد اور چار خواتین ایک ہی بنگلے میں رہتے ہیں اور پروگرام کے دوران اپنی پسند کے لائف پارٹنر کا انتخاب کرتے ہیں۔

شو کی میزبان عائشہ عمر نے دعویٰ کیا تھا کہ یہ صرف ایک ’ڈیٹنگ شو‘ نہیں ہے۔

لازوال عشق کو شروع ہی سے شدید تنقید کا سامنا رہا ہے اور صارفین نے پیمرا سے شو پر پابندی لگانے کا بھی مطالبہ کیا، تاہم پیمرا نے کہا کہ یہ شو یوٹیوب پر نشر ہو رہا ہے اور اس پر پابندی لگانا ان کے دائرہ اختیار میں نہیں آتا۔

شو کے خلاف اسلام آباد ہائی کورٹ میں بھی درخواست دائر کی گئی تھی، جس پر عدالت نے متعلقہ فریقین سے جواب طلب کر لیا تھا، لیکن اب تک اس پر پابندی نہیں لگائی گئی اور یہ یوٹیوب پر ابھی بھی نشر ہو رہا ہے۔

حال ہی میں عائشہ عمر نے شو اور اس کی پروڈکشن کے حوالے سے اہم معلومات شیئر کیں۔

انہوں نے انسٹاگرام اسٹوریز میں لکھا کہ ’لازوال عشق‘ پاکستانی پروڈکشن نہیں ہے اور اس پر عدالت کی جانب سے پابندی نہیں لگائی گئی۔

عائشہ عمر کے مطابق یہ شو پاکستانی نہیں ہے، لیکن اس کے ناظرین میں پاکستانی اور دیگر ممالک میں رہنے والے لوگ شامل ہیں جو اردو بول اور سمجھ سکتے ہیں۔

انہوں نے کہا کہ یہ ایک اردو زبان کا رئیلٹی شو ہے، جس میں بالغ افراد کو ایک دوسرے سے بات کرنا، تعلقات بنانا اور سچی محبت تلاش کرنا سکھایا جاتا ہے، یہ شو کسی ٹی وی چینل کے لیے نہیں بنایا گیا۔

میزبان نے مزید بتایا کہ اس شو کی پروڈکشن میں کسی پاکستانی پروڈکشن ہاؤس نے حصہ نہیں لیا، یہ ایک ترک پروڈکشن ہے جسے ترکی کے سب سے بڑے پروڈکشن ہاؤسز میں سے ایک نے تیار کیا ہے۔

عائشہ عمر نے کہا کہ جن لوگوں نے ابھی تک شو نہیں دیکھا اور اس کے بارے میں غلط فہمی رکھتے ہیں، انہیں بتانا چاہتی ہوں کہ خواتین شرکا کے لیے علیحدہ سونے کے کمرے اور ڈریسنگ رومز موجود ہیں، جب کہ مرد شرکا کے لیے بھی الگ جگہ ہے۔

انہوں نے بتایا کہ شرکا عام لاؤنج، پول سائیڈ اور کچن میں ایک دوسرے کے ساتھ بات چیت کرتے ہیں، جیسے دیگر پاکستانی ٹی وی رئیلٹی شوز میں ہوتا ہے، وہ گروپ سرگرمیوں میں حصہ لیتے ہیں، کھیل کھیلتے ہیں، ڈانس کرتے ہیں، روتے ہیں، لڑتے ہیں اور یہ سیکھتے ہیں کہ ذمہ داری اور احتساب کیسے لیا جائے۔

اسٹرینجر تھنگز کے آخری سیزن کا آغاز آج سے ہورہا ہے، تاہم اصل سوال یہ ہے کہ کیا سیریز کے مداح اسے دیکھیں گے بھی یا نہیں۔

یہ سوال اس لیے اٹھایا جارہا ہے کیونکہ اسرائیل کی غزہ پر جاری جنگ کے آغاز کے بعد متعدد فنکاروں کے صیہونی نظریے کی حمایت کرنے والے بیانات نے کئی ناظرین کو سیریز کے مکمل بائیکاٹ کی طرف مائل کر دیا ہے۔

ورائٹی کے مطابق ردِعمل کا آغاز 7 اکتوبر سے ہوا، جب سیریز میں وِل بائرز کا کردار نبھانے والے نوح شنَیپ نے انسٹاگرام پر ایک جذباتی پوسٹ شیئر کی، جس میں انہوں نے اپنے سوشل میڈیا فالورز کو حماس کے حملوں پر خوشی کا اظہار کرنے پر تنقید کا نشانہ بنایا، یہ پوسٹ بعد میں حذف کردی گئی۔

اپنی حذف شدہ پوسٹ میں انہوں نے لکھا تھا کہ ایک یہودی امریکی ہونے کی حیثیت سے وہ اسرائیل میں اپنے بھائیوں اور بہنوں کے لیے خوفزدہ ہیں، جنہیں حماس نے بے دردی سے نشانہ بنایا ہے۔

اداکار کے مطابق معصوم بچوں، عورتوں اور اپنے دفاع کے لیے لڑنے والے فوجیوں کے سفاک قتل کو دیکھ کر ان کا دل ٹوٹ گیا ہے۔

انہوں نے کہا کہ وہ دیگر لوگوں کی طرح فلسطینیوں اور اسرائیلیوں دونوں کے لیے امن چاہتے ہیں۔

ان کا کہنا تھا کہ نفرت انگیز بیانیے اور طرف داری کو ختم کرنا ہوگا اور یہ تسلیم کرنا ہوگا کہ سب دہشت گردی کے خلاف لڑائی کے ساتھ ہیں، انسانیت کو تشدد پر ترجیح دینی چاہیے۔

صورتحال اس وقت مزید سنگین ہوگئی جب سوشل میڈیا صارفین نے دعویٰ کیا کہ نوح شنَیپ نے غزہ میں فلسطینی متاثرین کا مذاق اڑانے والی ایک ویڈیو کو لائیک کیا تھا۔

اسی دوران انہوں نے اپنی انسٹاگرام اسٹوری پر ایک ویڈیو بھی شیئر کی، جس میں وہ ہنستے ہوئے ایسے اسٹیکرز اٹھائے لوگوں کو فلمبند کر رہے تھے جن پر لکھا تھا کہ صیہونیت پُرکشش ہے اور حماس، داعش کے برابر ہے۔

عرب نیوز کے مطابق بعدازاں اداکار نے جنوری 2024 تک، جب آخری سیزن کے متعلق باتیں زور پکڑ رہی تھیں، اپنے مؤقف سے پیچھے ہٹنے کی کوشش کی اور دعویٰ کیا کہ ان کے خیالات اور عقائد کو غلط انداز میں پیش کیا گیا ہے، یہ بیان بھی بعد میں ڈیلیٹ کر دیا گیا۔

یہ تنازع یہاں پر ہی ختم نہیں ہوا، اس کے بعد گزشتہ سال 17 جنوری کو ان کے ساتھی اداکار بریٹ گیلمن نے اسرائیل کی کھل کر حمایت کی اور نوح شنَیپ کا ساتھ دیتے ہوئے کہا کہ وہ بھی سمجھتے ہیں کہ صیہونیت پُرکشش ہے اور حماس، داعش کے برابر ہے، ان کے اس بیان نے آن لائن غصے کو مزید بھڑکا دیا۔

اب جیسے ہی سیریز کے آخری سیزن کی ریلیز کی خبر سامنے آئی ہے، اس کے بائیکاٹ کا مطالبہ بھی زور پکڑتا جا رہا ہے۔

ناظرین شدید غصے میں ہیں اور اس بات کو یقینی بنا رہے ہیں کہ کوئی یہ نہ بھولے کہ ماضی میں کیا ہوا تھا اور نہ ہی یہ کہ فلسطینیوں کی نسل کشی آج بھی جاری ہے۔

کئی ناظرین اپنی تنقید کو صرف نوح شنَیپ اور بریٹ گیلمن تک محدود نہیں رکھ رہے بلکہ وہ کاسٹ اور کریو کے دیگر کئی ارکان کو بھی صیہونی خیالات کا حامل قرار دے رہے ہیں۔

ان کے نزدیک شو دیکھتے رہنے کی کوئی وجہ قابلِ قبول نہیں، حتیٰ کہ یہ بھی نہیں کہ یہ اسٹرینجر تھنگز کا آخری سیزن ہے۔

رواں ماہ نومبر کے آغاز سے آئمہ بیگ اور ان کے شوہر زین احمد کے درمیان علیحدگی کی افواہیں گردش کر رہی تھیں۔

یہ افواہیں اس وقت زور پکڑ گئیں جب آئمہ بیگ نے اچانک اپنا انسٹاگرام اکاؤنٹ غیر فعال کر دیا اور زین احمد کے انسٹاگرام اکاؤنٹ پر شادی کی تصاویر نظر آنا بند ہو گئیں۔

مداحوں میں ان کے الگ ہونے کی قیاس آرائیوں کو اس وقت تقویت ملی جب دونوں میں سے کسی نے بھی ان افواہوں پر کوئی ردعمل نہیں دیا۔

تاہم، حال ہی میں آئمہ بیگ نے اپنا انسٹاگرام اکاؤنٹ دوبارہ فعال کیا اور پراسرار انسٹا اسٹوریز کا سلسلہ بھی شروع کردیا۔

ایک اسٹوری میں انہوں نے کسی حوالے سے کاؤنٹ ڈاؤن کا تذکرہ کیا، جب کہ دوسری اسٹوری میں جلدی واپسی کا ذکر کیا۔

ان اسٹوریز کے بعد مزید تفصیلات سامنے نہیں آئیں، لیکن سوشل میڈیا پر قیاس آرائیاں کی جا رہی ہیں کہ آئمہ بیگ کا کوئی نیا گانا یا البم جلد جاری ہونے والا ہے۔

بعدازاں انہوں نے شوہر زین احمد کے ساتھ بھی ایک اسٹوری بھی شیئر کی، جس میں دونوں کو خوش و خرم دیکھا جا سکتا ہے اور زین احمد کے انسٹاگرام اکاؤنٹ پر بھی شادی کی تصاویر دوبارہ واپس آگئی ہیں، جس سے ان کی علیحدگی کی افواہیں ختم ہوگئی ہیں۔

خیال رہے کہ آئمہ بیگ نے رواں سال اگست میں دوست زین احمد سے کینیڈا میں ایک سادہ تقریب میں شادی کی تھی۔

اذلان شاہ نے انسٹاگرام اسٹوری کے ذریعے اپنی ذاتی زندگی کے حوالے سے اہم اعلان کیا ہے۔

انہوں نے اپنے پیغام میں لکھا کہ ایک اہم بات ہے جو وہ سب سے شیئر کرنا چاہتے ہیں اور انہیں لگتا ہے کہ بطور معروف شخصیت یہ ان کی ذمہ داری ہے کہ وہ خود اس معاملے پر بات کریں، اس سے پہلے کہ لوگوں کو یہ بات کسی اور ذریعے سے معلوم ہو۔

اذلان شاہ کے مطابق یہ صورتحال ان کے لیے خاصی عجیب ہے لیکن وہ دوبارہ شادی کر رہے ہیں اور اس حوالے سے ان کی پہلی اہلیہ نے بھی رضامندی دے دی ہے۔

انہوں نے کہا کہ چونکہ یہ ان کا ذاتی معاملہ ہے، اس لیے وہ چاہتے ہیں کہ ان کی فیملی کو اس تمام صورتحال سے دور رکھا جائے۔

اپنے پیغام کے اختتام پر انہوں نے مداحوں سے دعاؤں اور نیک تمناؤں کی درخواست بھی کی۔

خیال رہے کہ ازلان شاہ نے 2022 میں سوشل میڈیا انفلوئنسر ڈاکٹر وریشہ جاوید خان سے شادی کی تھی اور ان کی ایک 2 سالہ بیٹی بھی ہے۔

گزشتہ روز دھرمیندر دیول 89 سال کی عمر میں ممبئی میں انتقال کر گئے اور اپنے جانے کے ساتھ ایسا خلا چھوڑ گئے جسے پر کرنا ناممکن ہے۔

مرحوم اداکار کئی صحت کے مسائل میں مبتلا تھے، جن میں سانس کے مسائل بھی شامل تھے اور اسی وجہ سے انہیں رواں ماہ کے آغاز میں ہسپتال میں داخل ہونا پڑا تھا۔

چھ دہائیوں پر محیط اپنے کیریئر میں دھرمیندر نے 300 سے زائد فلموں میں کام کیا، جن میں ’شعلے‘، ’سیتا اور گیتا‘ اور ’چپکے چپکے‘ جیسی آئیکونک فلمیں شامل ہیں، ان کی پہلی فلم 1960 میں ریلیز ہوئی تھی اور ان کی آخری فلم ’اکیس‘ دسمبر میں ریلیز ہونے والی ہے۔

دھرمیندر کے انتقال پر نہ صرف بولی وڈ بلکہ پاکستانی شوبز شخصیات بھی غمزدہ ہیں اور انہوں نے مرحوم اداکار کو خراج عقیدت بھی پیش کیا۔

اداکارہ ریما خان نے انسٹاگرام پر 2004 میں دھرمیندر سے ملاقات کے دوران لی گئی اپنی تصویر شیئر کرتے ہوئے لکھا کہ سنیما نے اپنی دھڑکن کھودی، دھرمیندر کی روشنی کبھی مدھم نہیں ہوگی۔

موسیقار راحت فتح علی خان نے اداکار کے ساتھ ایک تصویر شیئر کرتے ہوئے کہا کہ ان کا سفر، ان کا فن اور ان کی لازوال شائستگی دنیا بھر میں لاکھوں دلوں کو چھو گئی، ایک حقیقی لیجنڈ کبھی نہیں مرتا، وہ اپنی میراث کے ذریعے ہمیشہ زندہ رہتا ہے۔

اداکارہ ماہرہ خان نے بھی دھرمیندر کی تصویر اپنی انسٹاگرام اسٹوری میں شیئر کرتے ہوئے انہیں خراج عقیدت پیش کیا۔

اداکار عدنان صدیقی نے لکھا کہ دھرمیندر نے اداکاری کو اتنا آسان دکھایا جیسے وہ اسکرین کے لیے پیدا ہوئے تھے، ان کی نرمی، دلکش شکلیں اور آنکھوں کی خاص چمک نایاب تھی۔

میزبان انوشے اشرف نے لکھا کہ دھرمیندر ان کے والدین کے دور کے اداکار تھے، جب دنیا محبت، مہربانی اور انسان سے انسان کے تعلقات کو فروغ دیتی تھی۔

این ڈی ٹی وی موویز کے مطابق دھرمیندر پاکستان اور پاکستانی مداحوں سے بے حد محبت کرتے تھے۔

ان کے انتقال کے بعد ان کا ایک پرانا کلپ سوشل میڈیا پر وائرل ہو رہا ہے، جس میں انہوں نے پاکستان کو اپنی خالہ ماں قرار دیا اور بھارت و پاکستان کے بہتر تعلقات کی امید بھی ظاہر کی۔

انہوں نے کہا کہ بھارت اگر ان کی ماں ہے تو پاکستان ان کی ماسی ماں ہے، اگر یہ دو مائیں اب ایک دوسرے سے گلے لگ جائیں تو بچوں کے لیے کتنا سکون ہوگا، دعا کریں اللہ سے، بھگوان سے، واہی گرو سے کہ ہم سب ایک ہو جائیں۔

جمی کلف کے انتقال کی خبر ان کی اہلیہ لطیفہ چیمبرز نے اپنے انسٹاگرام پر ایک پوسٹ کے ذریعے دی، جو سامنے آتے ہی وائرل ہوگئی۔

اس اعلان کے بعد دنیا بھر سے مداحوں اور گلوکاروں نے شدید دکھ کا اظہار کرتے ہوئے جمی کلف کو خراج تحسین پیش کیا اور ان کی موت کو موسیقی کی دنیا کا ناقابل تلافی نقصان قرار دیا۔

ان کی اہلیہ کے مطابق جمی کلف کا انتقال مرگی کے دورے کے بعد ہونے والے نمونیا کے باعث ہوا، جو کافی بگڑ چکا تھا۔

30 جولائی 1944 کو جمائیکا کے ضلع سینٹ جیمز پیرش میں ایک طوفان کے دوران جیمز چیمبرز کے نام سے پیدا ہونے والے جمی کلف 1950 کی دہائی میں اپنے والد کے ساتھ خاندانی فارم چھوڑ کر دارالحکومت کنگسٹن منتقل ہوئے، وہ کم عمری ہی سے موسیقی میں کامیابی کا عزم رکھتے تھے اور صرف 14 برس کی عمر میں اپنے لکھے گیت ’ہریکین ہیٹی‘ کے ذریعے شہرت حاصل کی۔

جمی کلف کو افریقی طرز کی موسیقی ’ریگی‘ کا عالمی سفیر بھی کہا جاتا تھا اور انہوں نے اس صنف کو دنیا بھر میں مقبول بنانے میں بنیادی کردار ادا کیا۔

اپنے کیریئر کے دوران انہوں نے 30 سے زائد البمز ریکارڈ کیے اور پیرس، برازیل اور 1964 میں نیویارک میں ہونے والے ورلڈ فیئر سمیت دنیا بھر میں پرفارم کیا۔

باب مارلے اور دی ویلرز کو متعارف کروانے والے پروڈیوسر کرس بلیک ویل نے بھی جمی کلف کو برطانیہ آ کر ان کے ساتھ کام کرنے کی دعوت دی تھی۔

بعدازاں جمی کلف نے اداکاری کا رخ کیا اور 1972 کی کلاسک فلم ’دی ہارڈر دے کم‘ میں مرکزی کردار نبھایا، جسے پیری ہینزل نے ڈائریکٹ کیا۔

اس فلم نے ریگی موسیقی کو بین الاقوامی سطح پر روشناس کرانے میں اہم کردار ادا کیا اور جمائیکا کی زندگی کے حقیقی، سخت اور کم دکھائے جانے والے پہلوؤں کو عالمی ناظرین کے سامنے پیش کیا، یوں جزیرے کی شناخت کو صرف ساحلی اور سیاحتی مناظر سے آگے بڑھایا۔

ماضی کے مقبول گانے کو اس بار علی حیدر کے ساتھ علی ظفر نے مل کر گایا ہے، علی ظفر نے مذکورہ گانے کو پہلے بھی گایا تھا۔

علی ظفر نے اپنے میوزک پروڈکشن لیبل کے تحت ’ظالم نظروں سے نہ مجھ کو دیکھو‘ کو نئے انداز میں ریلیز کرتے ہوئے بتایا کہ وہ مزید بھی ماضی کے مقبول گانے ریلیز کریں گے۔

علی ظفر کی جانب سے یوٹیوب پر گانے کو ریلیز کیے جانے کے بعد شائقین نے گانے کو سراہا، شائقین نے نہ صرف گانے کی میوزک بلکہ ویڈیو کو بھی سراہا۔

گانے کی ویڈیو میں جہاں علی طفر اور علی حیدر پرفارمنس کرتے دکھائی دیتے ہیں، وہیں ویڈیو میں ان کے ساتھ مغربی انداز کی ڈانسر خواتین بھی رقص کرتی دکھائی دیتی ہیں۔

مذکورہ گانے کو پہلی بار علی حیدر نے 1994 میں گایا تھا اور اس کا شمار اپنے دور کے مقبول ترین گانوں میں ہوتا ہے۔

’ظالم نظروں سے نہ مجھ کو دیکھو‘ کی شاعری روشن ناگینوی نے لکھی ہے جب کہ اس کی ابتدائی میوزک جاوید اختر نے ترتیب دی تھی اور نئے انداز میں بھی پرانی دھن کو برقرار رکھا گیا ہے۔

اسی گانے کو علی ظفر نے 15 سال قبل اپنے پہلے میوزک ایلبم بھی شامل کیا تھا لیکن اب انہوں نے مقبول ترین گانوں میں شمار ہونے والے گانے کو علی حیدر کے ساتھ گاکر مداحوں کے دل جیت لیے۔

علی ظفر نے ماضی میں بھی عطاء اللہ عیسیٰ خیلوی جیسے مایہ ناز گلوکار کے ساتھ گانا ریلیز کیا تھا جب کہ وہ سندھی، پشتو، بلوچی اور شینا زبان کے گلوکاروں کے ساتھ بھی گانے ریلیز کر چکے ہیں۔

فلم فئیر کے مطابق دھرمیندر ممبئی میں وفات پا گئے، وہ صحت کے کئی مسائل میں مبتلا تھے، جن میں سانس کے مسائل بھی شامل تھے اور اسی وجہ سے وہ رواں ماہ کے آغاز میں ہسپتال میں داخل بھی ہوئے تھے۔

چھ دہائیوں پر محیط اپنے کیریئر میں دھرمیندر نے 300 سے زائد فلموں میں کام کیا، جن میں ’شعلے‘، ’سیتا اور گیتا‘ اور ’چپکے چپکے‘ جیسی آئیکونک فلمیں شامل ہیں، ان کی پہلی فلم 1960 میں ریلیز ہوئی تھی اور ان کی آخری فلم ’اکیس‘ دسمبر میں ریلیز ہونے والی ہے۔

دھرمیندر نے اپنے کیریئر میں بے شمار اعزازات حاصل کیے، جن میں فلم فئیر کی جانب سے لائف ٹائم اچیومنٹ ایوارڈ، نیو جرسی کی جانب سے اعزاز اور بھارت کے تیسرے بڑے شہری اعزاز ’پدما بھوشن‘ شامل ہیں۔

انہوں نے سیاست میں بھی مختصر طور پر حصہ لیا اور 2004 میں بیكانیر سے پارلیمنٹ کے رکن منتخب ہوئے۔

رواں ماہ کے آغاز میں بھی ان کے انتقال کی خبریں سامنے آئیں، جنہیں اہل خانہ نے مسترد کر دیا اور بعد میں انہیں ہسپتال سے ڈسچارج کر دیا گیا۔

اداکار کی وفات کی خبر کے بعد تعزیت کا سلسلہ شروع ہو گیا۔

کرن جوہر، جنہوں نے حال ہی میں دھرمیندر کے ساتھ ’راکی اور رانی کی پریم کہانی‘ میں کام کیا۔

انہوں نے انسٹاگرام پر جاری کیے گئے پیغام میں اداکار کی وفات کو ایک دور کا خاتمہ قرار دیتے ہوئے لکھا کہ ایک عظیم میگا اسٹار، مین اسٹریم سنیما میں ہیرو کی نمائندگی کرنے والے، بے حد خوبصورت اور اسکرین پر سب سے منفرد شخصیت، دھرمیندر ہمیشہ بھارتی سنیما کے ایک لیجنڈ رہیں گے۔

اداکار بومن ایرانی نے انسٹاگرام پر تعزیت کرتے ہوئے کہا کہ جب ہم اس خوشی کے لمحے کو پیچھے مڑ کر دیکھتے ہیں جو انہوں نے لاکھوں لوگوں کو دی، آنکھوں سے ایک آنسو گرتا ہے شکرگزاری اور عقیدت کے ساتھ۔

مشہور بھارتی ڈیزائنر منیش ملہوترا نے بھی دھرمیندر کی وفات پر پیغام شیئر کیا اور کہا کہ یہ بھارتی سنیما کا ایک بڑا نقصان ہے کہ ایک ایسا شخص چلا گیا، جس کے لیے ہماری خواہش تھی کہ وہ اس دنیا سے نہ جائے۔

اداکارہ کاجول نے لکھا کہ ایک اچھے انسان اس دنیا سے چلے گئے، جن کے جانے سے دنیا غریب ہوگئی، ایسا لگتا ہے کہ اس دنیا سے صرف اچھے لوگ ہی جا رہے ہیں۔

اداکار فرحان اختر نے مرحوم اداکار کو خراج تحسین پیش کرتے ہوئے کہا کہ ان کی موت فلمی دنیا کا ایک بڑا نقصان ہے۔

انہوں نے کہا کہ چھ دہائیوں تک تفریح فراہم کرنے کے لیے شکریہ، ہم خوش نصیب ہیں کہ ہم نے آپ کی محبت، مہربانی، سخاوت، شدت اور ذہانت کا تجربہ کیا، اسکرین پر اور اسکرین کے باہر۔

بھارتی میڈیا نے کئی ویڈیوز شیئر کیں، جن میں دھرمیندر کی اہلیہ ہیما مالنی اور بیٹی ایشا دیول کو اداکار کی آخری رسومات کے سلسلے میں کریمیٹریم جاتے ہوئے دیکھا جا سکتا ہے، جہاں سیکیورٹی کے سخت انتظامات کیے گئے ہیں۔

دیگر شوبز شخصیات جیسے امیتابھ بچن، ابھیشیک بچن اور عامر خان بھی اداکار کی موت کی خبر کے فوراً بعد کریمیٹریم پہنچتے ہوئے دیکھے گئے۔

فرحان سعید نے حال ہی میں احمد علی بٹ کے پوڈکاسٹ میں شرکت کی، جہاں انہوں نے اپنے کیریئر اور فلمی تجربات کے بارے میں کھل کر گفتگو کی۔

فلم ’ٹچ بٹن‘ کی شوٹنگ 2018 میں شروع ہوئی تھی اور اسے 2019 کے اختتام تک ریلیز کرنے کا امکان تھا، لیکن متعدد مسائل کے باعث فلم ریلیز میں تاخیر کا شکار رہی، اس کی مرکزی کاسٹ میں فرحان سعید، سونیا حسین، فیروز خان اور ایمان علی شامل تھے۔

فلم کو طویل تاخیر کے بعد نومبر 2022 میں ریلیز کیا گیا، تاہم باکس آفس پر یہ کامیاب نہیں ہوسکی۔

اس بارے میں بات کرتے ہوئے فرحان سعید نے کہا کہ جب آپ کسی پروجیکٹ سے جڑ جاتے ہیں اور ٹیم کے لوگ مخلص نہ ہوں یا مسائل پیدا ہوں تو پروجیکٹ ناکام ہو جاتا ہے اور فلم کی کاسٹنگ بھی صحیح نہیں تھی۔

’ٹچ بٹن‘ سے مناظر ڈیلیٹ کیے جانے کی وجہ سے فلم اچھی نہیں بنی سکی، سونیا حسین

ان کے مطابق شوٹنگ کے دوران بہت مشکلات آئیں اور غیر پیشہ ور لوگ بھی شامل تھے، ہوسکتا ہے یہ بات لوگوں کو بری لگے، لیکن حقیقت یہی ہے کہ جب انسان کسی پروجیکٹ سے منسلک ہوتا ہے تو اسے اس میں 100 فیصد دینا چاہیے۔

انہوں نے مزید بتایا کہ شوٹنگ خاص طور پر ننکانہ صاحب میں مائنس ڈگری میں کافی مشکل تھی اور کچھ اداکاروں کی صحت کے مسائل کی وجہ سے بھی مشکلات آئیں، جیسے ایمان علی، جو اکثر بے ہوش ہوجاتی تھیں اور ہمیشہ پی سی لیول کا پروٹوکول چاہتی تھیں، جو ہمیشہ ممکن نہیں ہوتا۔

فرحان سعید نے اپنی ٹیم کے افراد قوی صاحب، گلِ رانا، سہیل صاحب، سمعیہ ممتاز اور راحیلا آغا کو مکمل کریڈٹ دیا اور کہا کہ یہ سب محنتی اور پروفیشنل لوگ تھے، جنہوں نے کبھی یہ ظاہر نہیں کیا کہ وہ بڑے اسٹار ہیں۔

آخر میں انہوں نے مزاحیہ انداز میں کہا کہ فلم ’ٹچ بٹن‘ کا بٹن ٹچ ہوگیا تھا اور اعتراف کیا کہ پروجیکٹ میں متعدد مسائل اور غلطیاں تھیں اور اگر موقع ملا تو وہ دوبارہ اس کاسٹ کے ساتھ کبھی کام نہیں کریں گے۔

اے ایف پی کے مطابق ذرائع نے بتایا کہ 60 ارب ڈالر کی بولی وڈ صنعت اس وقت ایک گہرے اعتبار کے بحران کا سامنا کر رہی ہے۔

فلموں کے حوالے سے کیے جانے والے تبصروں میں ہیر پھیر اور باکس آفس کی آمدنی بڑھا چڑھا کر دکھانے کے عوامل عوامی رائے کو مسخ کر رہے ہیں، جس کے نتیجے میں فلموں کے ٹکٹ کی فروخت متاثر ہو رہی ہے۔

اگرچہ اسٹریمنگ پلیٹ فارمز نے روایتی سنیما پر اثر ڈالا ہے، صنعت کے تجربہ کار افراد کے مطابق بولی وڈ کے مسائل خود ساختہ ہیں، جیسے کہ کسی فلم کی ریلیز سے پہلے ہی اسے کامیاب قرار دینا۔

پروڈیوسر اور ڈسٹری بیوٹر سنیل وادھوا نے اے ایف پی کو بتایا کہ اگر فلم کی ریلیز سے قبل انفلوئنسرز اور ناقدین کو شامل نہیں کیا جاتا، تو ان کی جانب سے منفی تبصرے کیے جاتے ہیں، چاہے فلم اچھی ہی کیوں نہ ہو۔

تجزیہ کار راج بنسال کے مطابق ناظرین اب ابتدائی تعریفوں پر شک کرنے لگے ہیں اور میڈیا کی جانب سے دی گئی ستاروں کی درجہ بندی پر بھی بھروسہ نہیں کرتے، جس کے نتیجے میں باکس آفس کی کارکردگی متاثر ہو رہی ہے اور لوگ سنیما جانے سے پہلے حقیقی رپورٹس کے منتظر رہتے ہیں۔

انڈسٹری کے اندرونی ذرائع کے مطابق کچھ انفلوئنسرز کے پاس ریٹنگ کارڈز موجود ہیں اور پروڈیوسرز افتتاحی ہفتے کے اعدادوشمار بڑھانے کے لیے بڑی تعداد میں ٹکٹ خرید لیتے ہیں۔

راج بنسال نے بتایا کہ ریویوز اور سوشل میڈیا شخصیات دونوں کی خرید و فروخت کی جاتی ہے، جس سے صنعت میں بے اعتمادی پیدا ہوئی ہے۔

جے پور کے جیم سنیما کے مالک سدھیر کسلی وال نے بتایا کہ سپر اسٹار شاہ رخ خان کی فلموں کے آن لائن بکنگ کے باوجود سنیما میں کم لوگ پہنچتے ہیں اور پروڈیوسرز، ڈائریکٹرز اور اداکار خود ٹکٹ خرید کر غلط تاثر دیتے ہیں۔

ان کے مطابق یہ عمل اگر جاری رہا تو بولی وڈ کا مستقبل تشویشناک نظر آتا ہے۔

حالیہ تنازعات میں اکشے کمار کی فلم ’اسکائی فورس‘ بھی شامل ہے، جس کے ابتدائی ہفتے کے اعدادوشمار بڑھانے کے لیے مبینہ بلاک بکنگ کے الزامات سامنے آئے۔

ممبئی کے ایک تجزیہ کار نے دعویٰ کیا کہ فلم کی مجموعی آمدنی تقریباً 60 لاکھ ڈالر سے بڑھا کر 90 لاکھ ڈالر دکھائی گئی، جب کہ کئی تھیٹر تقریباً خالی تھے۔

سنیل وادھوا نے کہا کہ رومانٹک کامیڈی ہارر فلم ’تھما‘ کی باکس آفس کلیکشن بھی ہیر پھیر کا شکار رہی، حقیقی فروخت تقریباً 1 کروڑ 50 لاکھ ڈالر تھی، جب کہ 1 کروڑ 80 لاکھ ڈالر رپورٹ کی گئی۔

فلم کے ہدایتکار ادیتیہ سارپوتدار نے 1 کروڑ 80 لاکھ ڈالر کی تعداد کو درست قرار دیا اور کہا کہ یہ ڈیٹا ڈسٹری بیوٹرز اور نمائش کنندگان سے حاصل کیا گیا تھا۔

ماہرین کے مطابق باکس آفس کے اعدادوشمار میں ہیر پھیر کے دیرپا اثرات مرتب ہوتے ہیں، کیونکہ ناظرین حقیقت سے واقف ہیں اور فلم کے ریویوز اور ٹکٹ کی فروخت دونوں پر اعتماد کرتے ہیں۔

اسٹریمنگ پلیٹ فارمز جو کسی بھی فلم کی تقسیم کے لیے اہم ہیں، اب کسی بھی فلم کی خریداری سے پہلے آڈٹ شدہ باکس آفس کا مطالبہ کرتے ہیں، جس کے نتیجے میں پروڈیوسرز پر دباؤ بڑھ گیا ہے۔

جیو انٹرٹینمنٹ کا حساس موضوع پر بنایا گیا ڈراما ’کیس نمبر 9‘ اپنی منفرد کہانی اور عمدہ اداکاری کی وجہ سے ناظرین میں کافی مقبول ہے۔

یہ ڈراما ایک عورت کی انصاف کے لیے جدوجہد کی مؤثر عکاسی کرتا ہے اور اس کی قسط نمبر 17 کے یوٹیوب ورژن سے ایک اہم سین حذف ہونے کے بعد مزید موضوعِ بحث بن گیا ہے، جس میں 26ویں آئینی ترمیم اور جسٹس منصور علی شاہ کا حوالہ شامل تھا۔

حذف کی گئی لائن آمنہ شیخ کے کردار بینش نے کہی تھی، جو صبا قمر کے کردار سحر کی وکیل ہے۔

عدالت میں جب فیصل قریشی کا کردار گواہی دے رہا ہوتا ہے تو وہ سحر کے مطلقہ ہونے اور کنواری نہ ہونے کا ذکر کرتے ہوئے اس کے کردار پر سوال اٹھانے کی کوشش کرتا ہے، اس کے جواب میں بینش ایک مضبوط دلائل پر مبنی مؤثر گفتگو کرتی ہے اور جسٹس عائشہ ملک اور جسٹس منصور علی شاہ کے فیصلوں سے حوالہ دیتی ہے۔

جسٹس منصور علی شاہ اور ان کے فیصلے کا حوالہ دیتے ہوئے وہ کہتی ہے کہ اگر 26ویں آئینی ترمیم پاس نہ ہوتی اور ان کے راستے میں رکاوٹ نہ بنتی، تو وہ آج اس ملک کے چیف جسٹس ہوتے۔

جواب میں مخالف وکیل مرزا غالب کا ایک شعر پڑھ کر کہتا ہے کہ پارلیمنٹ ملک کا اعلیٰ ترین ادارہ ہے اور اسی نے 26ویں ترمیم منظور کی ہے۔

وہ ناظرین جنہوں نے بدھ کی شب یہ قسط دیکھی، جن میں ڈان امیجز کی ٹیم کے ارکان بھی شامل تھے، انہوں نے یہ منظر دیکھا، لیکن جمعرات کی صبح تک چینل کے آفیشل یوٹیوب اپ لوڈ سے یہ حصہ ہٹا دیا گیا تھا۔

تاہم، ڈرامے کے رائٹر اور صحافی شاہ زیب خانزادہ نے اس سین کے غیر حذف شدہ حصے کا کلپ ایکس پوسٹ میں شیئر کیا۔

جو لوگ واقف نہیں، ان کے لیے بتاتے چلیں کہ 26ویں آئینی ترمیم پارلیمنٹ نے 20 اکتوبر 2024 کو منظور کی، جس نے سپریم کورٹ کے سو موٹو اختیارات واپس لے لیے، چیف جسٹس آف پاکستان کی مدتِ ملازمت تین سال مقرر کی اور وزیراعظم کو اختیار دیا کہ وہ سپریم کورٹ کے تین سینئر ترین ججوں میں سے کسی ایک کو چیف جسٹس نامزد کرے۔

اس سے قبل چیف جسٹس خودبخود سپریم کورٹ کے سینئر ترین جج ہوتے تھے۔

26ویں ترمیم کو پی ٹی آئی اور قانونی ماہرین نے اس کوشش کے طور پر تنقید کا نشانہ بنایا کہ اس کے ذریعے سینئر ترین جج جسٹس منصور علی شاہ کو چیف جسٹس بننے سے روکا گیا۔

جسٹس منصور علی شاہ نے گزشتہ ہفتے متنازع 27ویں آئینی ترمیم کی منظوری کے بعد سپریم کورٹ سے استعفیٰ دے دیا۔

’کیس نمبر 9‘ کو پاکستان میں ریپ سے متاثرہ خواتین کے انصاف کے حصول میں درپیش مسائل کی بے باکی سے تصویرکشی پر بہت سراہا جارہا ہے۔

گزشتہ روز نشر کی گئی قسط میں جسٹس عائشہ ملک اور جسٹس منصور علی شاہ کے فیصلوں کا حوالہ شامل کیے جانے کو خاص طور پر تعریف ملی، خاص طور پر جسٹس عائشہ ملک کی رائے کہ کسی خاتون کے سابقہ تعلقات کا اس کے کردار یا ریپ کیس سے کوئی تعلق نہیں ہوتا۔

’سانول یار پیا‘ اس وقت جیو انٹرٹینمنٹ پر نشر ہو رہا ہے اور ناظرین میں کافی مقبولیت حاصل کر چکا ہے، اس کی کاسٹ میں متعدد معروف اداکار شامل ہیں، جن میں درفشاں سلیم، احمد علی اکبر، فیروز خان، محمود اسلم، یاسر نواز اور دیگر شامل ہیں۔

یہ ڈراما ہاشم ندیم کے تحریر کردہ اسکرپٹ پر مبنی ہے، جس کی ہدایت کاری دانش نواز نے کی ہے اور 7th اسکائی انٹرٹینمنٹ نے اسے پروڈیوس کیا ہے۔

ڈرامے کی کہانی تین مرکزی کرداروں سانول، یار اور پیا کے گرد گھومتی ہے، سانول اپنے محلے کی لڑکی پیا سے محبت کرتا ہے، جب کہ پیا اپنے ہم جماعت عالیار سے محبت کرتی ہے۔

اب تک ڈرامے کی 20 اقساط نشر ہو چکی ہیں، حالیہ قسط میں عالیار کے والدین رشتے کے سلسلے میں پیا کے گھر جاتے ہیں، لیکن پرانی دشمنی کی وجہ سے دونوں والدین میں جھگڑا ہوجاتا ہے اور عالیار کے والدین رشتے کی بات کیے بغیر واپس گھر آجاتے ہیں۔

گھر واپسی پر عالیار اپنے والد پر غصہ کرتا ہے اور انہیں باور کراتا ہے کہ وہ اپنے مسائل حل کریں کیونکہ پیا اس کے لیے بہت اہم ہے، اس دوران عالیار نے انگریزی میں کہا کہ وہ اس کے بغیر نہیں رہ سکتا، لیکن یہاں اس نے (her) مؤنث کے بجائے مذکر (him) کا استعمال کیا، جس نے سوشل میڈیا صارفین کی توجہ حاصل کر لی۔

صارفین نے اس گرامر کی غلطی پر شدید حیرت کا اظہار کیا اور اس پر مزاحیہ تبصرے بھی کیے۔

کچھ صارفین نے سوال کیا کہ اگر اداکار سے غلطی ہوگئی تھی تو ہدایت کار نے اسے چیک کیے بغیر آن ایئر کیسے جانے دیا اور ایڈیٹنگ کے دوران اسے درست کیوں نہیں کیا گیا۔

صارفین نے یہ بھی کہا کہ اتنی بڑی پروڈکشن اور معروف ہدایت کار و اداکار ہونے کے باوجود اس طرح کی گرامر کی غلطی واقعی قابلِ حیرت ہے۔

حال ہی میں ویویک اوبرائے نے انسٹاگرام پر ایک ویڈیو شیئر کی، جس میں وہ اپنی 2010 میں ریلیز ہونے والی فلم ’پرنس‘ کے گانے ’تیرے لیے‘ کو سنتے اور گاتے ہوئے نظر آئے۔

انہوں نے ویڈیو کے کیپشن میں لکھا کہ یہ گانا ایک جادو ہے، جو کسی بھی وقت اور کسی بھی جگہ انہیں جھومنے پر مجبور کردیتا ہے۔

اداکار نے مداحوں کو مخاطب کرتے ہوئے کہا کہ وہ سب بھی اس گانے پر ریلز بنائیں اور انہیں ٹیگ کریں اور وہ ان کی بنائی گئی ریلز دیکھنے کے لیے پرجوش ہیں۔

تاہم، صارفین کی توجہ اس پوسٹ کے کیپشن میں ٹیگز کی جانب گئیں، کیونکہ ویویک اوبرائے نے اس گانے سے منسلک تمام افراد کو ٹیگ کیا سوائے عاطف اسلم کے، جن کی آواز پر وہ جھوم رہے تھے۔

انہوں نے گلوکاروں میں صرف شریا گھوشال کو ہی ٹیگ کیا، جس پر صارفین کی بڑی تعداد حیران نظر آئی۔

اکثریت نے لکھا کہ اداکار ویڈیو میں عاطف اسلم کی آواز پر گنگنارہے ہیں اور انہیں ہی کریڈٹ دینا بھول گئے۔

ایک صارف نے تجویز دی کہ ممکن ہے ویویک اوبرائے عاطف اسلم کو ٹیگ کرنا چاہتے ہوں، مگر چونکہ پاکستانی فنکاروں کے اکاؤنٹس بھارت میں بلاک ہیں، اس لیے ان کا اکاؤنٹ وہاں نظر نہیں آرہا ہوگا۔

یاد رہے کہ مئی میں بھارت اور پاکستان کے درمیان چار روزہ شدید فوجی جھڑپ کے بعد دونوں ممالک کے تعلقات کشیدہ ہیں اور بھارت کی جانب سے پاکستانی فنکاروں اور چینلز کا مکمل بائیکاٹ جاری ہے۔

تاہم، اگر ویویک اوبرائے پوسٹ میں عاطف اسلم کو ٹیگ نہیں کرسکے تو کم از کم ان کا نام لکھ سکتے تھے، جس سے یہ اقدام کسی تکنیکی غلطی کے بجائے جان بوجھ کر کیا گیا لگتا ہے۔

واضح رہے کہ ویویک اوبرائے کی یہ پوسٹ رواں سال ان کی سب سے زیادہ توجہ حاصل کرنے والی پوسٹ بن چکی ہے، جسے اب تک 1 کروڑ 90 لاکھ سے زائد بار دیکھا جا چکا ہے۔

پروپیگنڈا فلم کو آئندہ ماہ دسمبر کے آغاز میں ریلیز کرنے کا اعلان کیا گیا ہے، جس میں پاکستان کے صوبہ سندھ کے دارالحکومت کراچی کے علاقے لیاری کے مناظر بھی شامل کیے گئے ہیں۔

جاری کیے گئے ٹریلر میں لیاری کو جنگ کے میدان کے طورپر دکھایا گیا ہے، فلم میں رنویر سنگھ، سنجے دت اور اکشے کھنہ اور دیگر اداکار کردار ادا کرتے دکھائی دیں گے۔

ٹریلر میں ارجن رام پال کو پاکستانی خفیہ ادارے کے میجر کے طور پر دکھایا گیا ہے، رنویر سنگھ کو را کے ایجنٹ کے طور پر دکھایا گیا ہے، جب کہ سنجے دت کو اسلم چوہدری اور اکشے کھنہ کو رحمٰن ڈکیت کے روپ میں دکھایا گیا ہے۔

ٹریلر سامنے آنے کے بعد خود بھارتی شائقین نے بھی فلم کا افسانوی اور انتہائی شرمناک قرار دیا اور تبصرے کیے کہ بھارتی صرف فلموں میں ہی ایسا کام کر سکتے ہیں۔

’دھرندر‘ بولی وڈ کی کوئی پہلی فلم نہیں جو پاکستان مخالف ہو، بھارت کی جانب سے اپنی فلموں کی کمائی کو بڑھانے کے لیے پاکستان کے خلاف مواد شامل کیا جاتا ہے۔

بولی وڈ نہ صرف پاکستان مخالف بلکہ اسلام مخالف فلمیں بنانے کی وجہ سے بھی بدنام ہے۔

’کبھی میں، کبھی تم‘ ڈرامے کو جولائی سے نمبر 2024 تک اے آر وائے ڈیجیٹل پر نشر کیا گیا تھا، جس میں ہانیہ عامر، فہد مصطفیٰ، عریج چوہدری، عماد عرفانی اور نعیمہ بٹ نے مرکزی کردار ادا کیے تھے۔

ڈرامے میں فہد مصطفیٰ اور عماد عرفانی نے بھائی کے کردار ادا کیے تھے، ان کے والدین کا کردار بشریٰ انصاری اور جاوید شیخ نے ادا کیا تھا۔

ڈرامے کو کہانی اور کرداروں کی وجہ سے کافی پسند کیا گیا تھا، ڈراما نہ صرف پاکستان بلکہ بھارت اور بنگلہ دیش سمیت دیگر پڑوسی ممالک میں بھی پسند کیا گیا تھا۔

اچھی کہانی کی وجہ سے اب بنگلہ دیش کے ڈراما سازوں نے ’کبھی میں کبھی تم‘ کی کہانی کو کاپی کرکے بنگلہ زبان میں ڈراما بنا ڈالا۔

بنگالی زبان میں (Eta Amaderi Golpo) یعنی ’یہ ہماری ہی کہانی ہے‘ نام سے ڈراما بنایا گیا ہے، جس میں کردار بھی پاکستانی ڈرامے کی طرح رکھے گئے ہیں۔

بنگلہ دیشی ڈرامے کی کہانی کو بھی پاکستانی ڈرامے کی کہانی کی طرز پر پیش کیا گیا ہے اور اس میں مقبول اداکاروں کو کاسٹ کیا گیا ہے۔

ڈرامے کو مقامی شائقین کی جانب سے پسند کیا جا رہا ہے، تاہم شائقین ڈرامے کو ہو بہو پاکستانی ڈرامے کی کاپی بھی قرار دیتے دکھائی دیے۔

’نیلوفر‘ 28 نومبر کو سنیما گھروں میں ریلیز ہو رہی ہے، جس میں ملک کی سب سے مقبول آن اسکرین جوڑی ماہرہ خان اور فواد خان مرکزی کرداروں میں نظر آئیں گے، جب کہ بہروز سبزواری، عتیقہ اوڈھو، ثروت گیلانی اور مدیحہ امام جیسے شاندار اداکار بھی فلم کی کاسٹ کا حصہ ہیں۔

فلم کی کہانی اور ہدایتکاری امر رسول نے کی ہے، جب کہ فلم کو اوصاف شارق نے پروڈیوس کیا ہے اور فواد خان اور حسن خالد ایگزیکٹو پروڈیوسرز کے طور پر شامل ہیں۔

’نیلوفر‘ میں فواد خان ایک لکھاری منصور علی خان کے کردار میں نظر آئیں گے، جب کہ ماہرہ خان بصارت سے محروم مگر روشن شخصیت والی لڑکی نیلوفر کے کردار میں جلوہ گر ہوں گی، جس کی شخصیت اور روحانی کشش کہانی کی اہمیت کو بڑھاتی ہے۔

حال ہی میں فلم کا ٹریلر ریلیز کیا گیا، جس کے کیپشن میں لکھا گیا ہے کہ ایک ایسی ملاقات، جس نے ایک نئی کہانی بنا دی۔

ٹریلر سے ظاہر ہوتا ہے کہ فواد خان کا کردار قدرے مختلف ہے، جیسا کہ وہ ہر کسی میں اتنے مقبول نہیں ہیں یا لوگ انہیں فوراً پسند نہیں کرتے۔

ایک موقع پر ماہرہ خان کا کردار فواد خان سے شکایت کرتا ہے کہ وہ ان کے قریب اس لیے آئے کیونکہ وہ انہیں دیکھ نہیں سکتی تھیں۔

ٹریلر اشارہ دیتا ہے کہ فلم صرف بصارت کے لفظی معنی تک محدود نہیں بلکہ فلسفیانہ اور جذباتی پہلوؤں کو بھی اجاگر کرتی ہے۔

’نیلوفر‘ محبت، دل شکستگی اور ذیشان وکی کی دلکش موسیقی کے امتزاج کے ساتھ ایک ایسا رومانس پیش کرتی ہے، جو محض رومانوی نہیں بلکہ محبت کی پاکیزگی، پچھتاوے اور اضطراب کی کہانی بھی بیان کرتی ہے۔

طلحہ انجم کی ایک ویڈیو سوشل میڈیا پر تیزی سے وائرل ہورہی ہے جو ان کے نیپال میں ہونے والے حالیہ کنسرٹ کی ہے۔

ویڈیو میں دیکھا جاسکتا ہے کہ کنسرٹ کے دوران طلحہ انجم نے خیرسگالی اور دوستی کے اظہار کے طور پر بھارتی پرچم لہرایا اور بعدازاں اسے اپنے کندھوں پر بھی اوڑھ لیا، جب کہ اسٹیج پر موجود ان کے ساتھی گلوکار طلحہ یونس نے نیپالی پرچم اٹھا کر مقامی مداحوں کا شکریہ ادا کیا۔

مذکورہ کنسرٹ کی ویڈیوز وہاں موجود سامعین کی جانب سے سوشل میڈیا پر تیزی سے شیئر کی گئیں، جب کہ سامعین نے دعویٰ کیا کہ گلوکار کا یہ اقدام مختلف ممالک سے آئے ہوئے شرکا کے احترام اور امن و دوستی کا پیغام دینے کے لیے کیا گیا تھا۔

طلحہ انجم کا یہ عمل سوشل میڈیا پر اس لیے بھی توجہ کا مرکز بن گیا، کیونکہ رواں سال مئی میں پاکستان اور بھارت کے درمیان جھڑپ کے بعد بھارت میں پاکستانی فنکاروں اور چینلز کا بائیکاٹ جاری ہے۔

واضح رہے کہ مئی میں بھارت اور پاکستان کے درمیان 4 روزہ شدید فوجی جھڑپ کے بعد دونوں ممالک کے درمیان فضا انتہائی کشیدہ ہے، یہ 1999 کے بعد بدترین تنازع تھا، جب دونوں ممالک مکمل جنگ کے دہانے پر پہنچ گئے تھے، یہ کشیدگی 22 اپریل کو مقبوضہ کشمیر کی قریبی وادی پہلگام میں ہونے والے حملے کے بعد شروع ہوئی تھی۔

بھارت نے بغیر ثبوت اس حملے کا الزام پاکستان پر عائد کیا تھا، جسے اسلام آباد نے سختی سے مسترد کر دیا تھا، تاہم 7 مئی کو بھارت نے پاکستان پر مہلک فضائی حملے کیے تھے، جن کے جواب میں پاکستانی فضائیہ نے بھارت کے 6 لڑاکا طیارے مار گرائے تھے۔

دونوں جانب سے ایئر بیسز پر جوابی حملوں کے بعد 10 مئی کو امریکی مداخلت کے نتیجے میں جنگ بندی ممکن ہوسکی تھی۔

دیپک پروانی نے حال ہی میں فوشیا میگزین کو دیے گئے ایک انٹرویو میں ڈراما سیریل ’جمع تقسیم‘ کے تجربات اور اپنے اداکاری کے شوق پر کھل کر بات کی۔

انہوں نے کہا کہ اگرچہ لوگ انہیں زیادہ تر فیشن کے شعبے تک محدود سمجھتے ہیں، لیکن انہیں اداکاری سے بھی گہرا شغف ہے اور وہ ہمیشہ ایسے کرداروں کا انتخاب کرتے ہیں جو ناظرین پر دیرپا اثر چھوڑیں۔

دیپک پروانی نے بتایا کہ ڈراما ’جمع تقسیم‘ میں کچھ ایسے مناظر تھے، جن کے بارے میں انہیں عکس بندی سے قبل خدشہ تھا کہ شاید وہ ان کی شوٹنگ کے دوران خود کو غیر آرام دہ محسوس کریں گے، تاہم بعد میں ایسا نہیں ہوا۔

ان کے مطابق ان ہی مناظر میں سے ایک منظر مسجد میں شوٹ کیا گیا تھا، جو جلد ڈرامے میں نشر ہوگا، ابتدا میں وہ ان مناظر کی ادائیگی کے حوالے سے ہچکچاہٹ کا شکار تھے، مگر جب شوٹنگ شروع ہوئی تو وہ نہ صرف پرسکون تھے بلکہ بہت پُرجوش بھی ہوگئے۔

انہوں نے بتایا کہ ڈرامے میں کچھ اسلامی اصطلاحات بھی استعمال کی گئی ہیں جن کی ادائیگی انہیں ابتدا میں مشکل لگ رہی تھی، تاہم وہ سمجھتے ہیں کہ اداکار وہی ہے جو ہر قسم کا کردار بااعتماد طریقے سے نبھا سکے اور انہوں نے ایسا کرکے دکھایا۔

دیپک پروانی کا مزید کہنا تھا کہ جب بھی ہم کوئی کردار یا کام لیتے ہیں تو اسے پوری مہارت کے ساتھ ادا کرنا چاہیے۔

انہوں نے بتایا کہ شوٹنگ سے قبل ان سے پوچھا گیا تھا کہ کیا وہ یہ مناظر کر پائیں گے، جس پر ان کا جواب یہی تھا کہ بطور اداکار یہ ان کا پیشہ ورانہ فریضہ ہے اور وہ اسے بخوبی ادا کریں گے۔

خیال رہے کہ دیپک پروانی ہندو مذہب سے تعلق رکھتے ہیں اور ان کا شمار پاکستانی فیشن انڈسٹری کے معروف و ممتاز ڈیزائنرز میں ہوتا ہے۔