ڈان نیوز نے لیویز کے حوالے سے بتایا کہ دشت کے علاقے مروو میں دو قبائل کے درمیان خونریز تصادم کے نیتجے میں تین افراد زخمی بھی ہوئے۔

تصادم اس وقت شروع ہوا جب کوئٹہ میں گاہی خان چوک میں بس پر فائرنگ کے نیتجے میں دو ہلاک ہونے والے افراد کی میتیں علاقے میں پہنچیں۔

دونوں قبائل کے مسلح افراد نے مورچہ بند ہوکر ایک دوسرے پر جدید ہتھیاروں سے فائرنگ کردی جس کے نیتجے میں پانچ افراد ہلاک ہوئے۔

لیویز نے علاقے میں پہنچ کر حالات پر قابو پالیا۔ زخمیوں کو قریبی ہسپتال منتقل کردیا گیا ہے۔