جمعرات کو خبر رساں ادارے ایسوسی ایٹڈ پریس کو موصول ہونے والی پندرہ منٹ کی ویڈیو میں انہوں نے کہا تھا کہ وہ اپنے آپ کو قیدی محسوس کر رہے ہیں۔

وائنسٹین امریکی کمپنی جے ای آسٹن ایسوسی ایٹس کے پاکستان میں ڈائریکٹر کے فرائض انجام دے رہے تھے۔ یہ فرم امریکی اور پاکستانی کمپنیوں کو معاونت اور مدد فراہم کرتی ہے۔

امریکی کنٹریکٹر وارن وائن سٹین کو دو ہزار گیارہ میں لاہور میں ان کے گھر سے القاعدہ نے اغوا کیا تھا۔

ان کی تازہ ویڈیو اور ایک مبینہ طور پر ان کی جانب سے لکھا ہوا ایک خط گمنام بھیجنے والے سے رپورٹروں کو موصول ہوئے ہیں۔

ویڈیو القاعدہ کی ذیلی تنظیم الشہاب کے میڈیا ونگ کی جانب سے جاری کی گئی ہے۔ تاہم اس ویڈیو کی آزادانہ طور پر تصدیق نہیں کی جاسکی ہے۔