آگ کا دریا بولی وڈ کی ان فلموں میں شمار ہوتی ہے جو تیار ہو جانے کے باوجود کسی نہ کسی وجہ سے ریلیز نہ ہو سکی۔

اس فلم میں بولی وڈ کے لیجنڈ اداکار دلیپ کمار ہیں جبکہ فلم کے ہدایت کار وی ایس راجندرہ بابو ہیں.

جن کے مطابق مذکورہ فلم اپنے وقتوں میں بعض مالی تنازعات کا شکار ہوگئی تھی اور اس دوران فلم کا اوریجنل پرنٹ بری طرح خراب ہوگیا۔

لیکن بعد میں اس کا ایک پرنٹ جو بہت اچھی حالت میں ہے سنگاپور سے تعلق رکھنے والے ایک ڈسٹری بیوٹر سے حاصل ہوگیا۔

بابو کے مطابق وہ فلم کے نیگیٹیو دیکھ کر حیران رہ گئے کیونکہ ان کو انتہائی احتیاط سے رکھا گیا تھا۔

بابو کا دعویٰ ہے کہ یہ فلم دلیپ کمار کی آخری فلم کہی جاسکتی ہے جس میں ان کے مدّ مقابل پرُ کشش اداکار ریکھا نے کام کیا ہے۔