طبی عملے اور ہلاک ہونے والے کے اہل خانہ نے دعوی کیا ہے کہ عسکریت پسند اسرائیل کے ڈرون حملے میں مارا گیا۔

تاہم اسرائیلی فوج کے ترجمان نے غزہ پر ہونے والے حملے کی تردید کرتے ہوئے کہا کہ وہ اس واقعے سے لا علم ہیں۔

حماس کی تحت کام کرنے والی وزارت صحت کے ترجمان اشرف قدرا نے کہا ہے کہ 'شیجیہ میں اسرائیلی ڈرون حملے میں ایک بتیس سالہ فلسطینی عسکریت پسند محمد الجلاح ہلاک ہو گئے۔

خاندان کے ذرائع نے بتایا کہ اجلاح القدس بریگیڈ کے رکن تھے۔

عسکریت پسند گروپ القدس نے تصدیق کی ہے کہ الجلاح ان کے رکن تھے ۔

اسرائیلی فوج کے ترجمان نے خبر رساں ادارے اے ایف پی کو بتایا کہ 'ہم نے آج غزہ پر کوئی حملہ نہیں کیا اور ہم فائرنگ یا میزائل پھینکے جانے کے کسی بھی واقعے سے بے خبر ہیں'۔