پولیس کے مطابق نواحی گاؤں میں شکولی پرائمری اسکول میں شدت پسندوں کی موجودگی کی اطلاع پر کارروائی کی گئی اور اس دوران پولیس کے ساتھ مقابلے میں چار مشتبہ دہشت گرد ہلاک ہوگئے۔

پولیس نے گزشتہ روز بھی اسی علاقے میں سرچ آپریشن کے دوران 50 مشتبہ افراد کو گرفتار کیا تھا جبکہ اس وقت بھی یہاں سرچ آپریشن جاری ہے۔

ضلع صوابی کالعدم تحریک طالبان پاکستان کے خالد حقانی کا گڑھ سمجھاجاتا ہے اور جب سے انہوں نے یہاں کا چارج سنبھالا ہے اس علاقے میں شدت پسند حملوں میں تیزی آئی ہے۔