انہوں نے ایک سفید کاغذ لہراتے ہوئے کہا کہ میری کابینہ نے (حکومت) چھوڑنے کا فیصلہ کرلیا ہے اور یہ ہے میرا استغفیٰ۔ اس موقع پر ان کی جماعت عام آدمی کے کارکن بڑی تعداد میں موجود تھے۔

انہوں نے اپنے کارکنوں سے کہا کہ میں اس کے بعد سیدھا لیفٹننٹ گورنرآفس جاوں گا اور اپنا استغفیٰ پیش کروں گا۔

کجریوال گزشتہ سال دسمبر کے اختتام پر اقتدار میں آئے تھے۔ انہوں نے کہا کہ وہ لیفٹننٹ گورنر نجیب جنگ فوری طور پر اسمبلی تحلیل کرنے کی درخواست کریں گے۔

کجریوال کا استغفیٰ اس واقعے کے فوراً بعد ہی سامنے آیا ہے جس میں مقامی قانون سازوں نے کرپشن ختم کرنے کے ایک اہم قانون کو رد کردیا تھا۔ واضح رہے کہ کجریوال کرپشن کے خاتمے کے نعرے کے ساتھ ہی منظرِ عام پر آئے تھے۔

ان کی ئی ابھرتی ہوئی جماعت نے دہلی کی ستر میں سے اٹھائیس سیٹیں جیت لی تھیں جس میں کانگریس کی حمایت حاصل تھی لیکن جمعے کے روز قانون سازی میں کانگریس نے ان کی جماعت کا ساتھ نہیں دیا۔ اور اسے غیر آئینی عمل قرار دیا۔