ڈان نیوز کے مطابق کراچی میں ایم کیو ایم کے مرکز نائن زیرو پر پریس کانفرنس سے خطاب کرتے ہوئے فاروق ستار کا کہنا تھا کہ کراچی میں ریاست اور حکومت کی عملداری نظر نہیں آتی۔

ان کا کہنا تھا کہ چند دن پہلے کچھ لاشیں نوری آباد اور کچھ حیدرآباد سے ملیں جن میں اطلاعات کے مطابق ایم کیوایم کے لاپتہ کارکنان کی لاشیں بھی ہیں۔

فاروق ستار کا کہنا تھا کہ ایم کیو ایم کے لاپتہ افرادکی بازیابی کے لیے حکومت اپنی ذمہ داری پوری کرے۔

ان کا کہنا تھا کہ لاپتہ کارکنوں کے اہل خانہ اذیت سےگزر رہے ہیں اور ان کو جواب دینا ہمارے لئے ایک مشکل مرحلہ بن گیا ہے۔