غازی عبدالرشید قتل کیس کی سماعت آج ہفتے کے روز ایڈیشنل سیشن جج واجد علی کی عدالت میں ہوئی۔

سماعت کے دوران پرویز مشرف کے وکیل نے دلائل دیتے ہوئے کہا کہ ان کے مؤکل کی جان کو خطرات لاحق ہیں اور دو روز قبل بھی ان پر حملہ کرنے کی کوشش کی گئی تھی، اسی وجہ سے وہ آج عدالت میں پیش نہیں ہوئے ہیں۔

انہوں نے عدالت سے درخواست کی کہ ان کے مؤکل کو حاضری سے مستقل استثنیٰ دیا جائے۔

تاہم عدالت نے صرف آج کی سماعت میں حاضری سے استثنیٰ کی درخواست کو منظور کرتے ہوئے سماعت کو تین مئی تک کے لیے ملتوی کردیا اور مستقل حاضری سے استثنیٰ کی درخواست کو خارج کردیا۔