خبر رساں ادارے اے ایف پی کے ان افراد کو گزشتہ سال سولہ اگست کو مظاہروں میں حصہ لینے، سیکورٹی فورسز پر حملے، اور پر تشدد جھڑپوں میں شرکت کی وجہ سے مجرم قرار دیا گیا تھا۔

یاد رہے کہ اس کے دو دن بعد ہی پولیس نے مرسی کے سینکڑوں حامیوں کو قاہرہ میں ہلاک کر دیا تھا۔

ان پر مرسی کی کالعدم جماعت اخوان المسلمون کی رکنیت کا بھی الزام عائد تھا۔

فوج کی نامزد حکومت نے گزشتہ سال جولائی میں مرسی کی معزولی کے بعد ان کے سینکڑوں حامیوں کو گرفتار کیا اور ان پر مقدمات قائم کئے تھے۔

اس کے علاوہ قاہرہ کے شمالی صوبے کفر الشیخ کی عدالت میں چھ افراد کو ان کی غیر موجودگی میں ایک سال قید کی سزا دی گئی لیکن جرائم کی تفصیلات نہیں بتائی گئی ہیں۔

اتوار کی سماعت میں موجود 132 افراد پر فی کس ایک ہزار مصری پاؤنڈ جرمانہ بھی عائد کیا گیا ہے۔

واضح رہے کہ مرسی کے حامیوں کے خلاف مسلسل حکومتی کریک ڈاؤن کے نتیجے میں چودہ سو سے زائد افراد ہلاک ہو چکے ہیں جبکہ سینکڑوں کو تیزی سے مقدمات کی سماعت کے بعد سزائے موت سنائی گئی ہے۔