نواب خیربخش مری کو برین ہیمرج ہوگیا تھا اور وہ تین دن سے کراچی میں لیاقت نیشنل ہسپتال کے انتہائی نگہداشت یونٹ میں زیر علاج تھے۔

مری کالعدم بلوچ علیحدگی پسند تنظیم بلوچستان لبرلیشن آرمی (بی ایل اے) کے رہنما تھے اور بلوچستان میں 1970 کی بغاوت کے اہم رہنماؤں میں سے ایک تھے۔

کابل میں بائیں بازو کی حکومت کے زوال کے بعد جلا وطنی میں کئی سال گزارنے کے بعد وہ پاکستان واپس آ گئے تھے۔

انہوں نے چھ بیٹوں، بلوچ مری، جنگیز مری، حربیار مری، گزین مری، حمزہ مری اور مہران مری کو سوگوار چھوڑا ہے۔

خیر بخش مری کے بڑے بیٹے نواب بلوچ مری 2007 میں پاکستان کی سرحد کے قریب افغانستان میں مبینہ نیٹو فورسز کی طرف سے ہلاک ہو گئے تھے۔