ایک پولیس اہلکار ماجید ماری نے ڈان ڈاٹ کام کو بتایا کہ موٹرسائیکل پر سوار دو مسلح افراد نے حاجی محمد عالم جتک پر فائرنگ کردی جس کے نتیجے میں وہ موقع پر ہی ہلاک ہوگئے۔

اہلکار نے بتایا کہ یہ واقعہ خضدار کے سول ہسپتال کے قریب پیش آیا۔

واقعہ کے بعد حملہ آور فرار ہونے میں کامیاب ہوگئے، جبکہ پولیس کی نفری نے پہنچ کر تفتیش شروع کردی ہے۔

مقتول مسلم لیگ نون خضدار کے سربراہ ہونے کے ساتھ ساتھ تاجر برادری کے نائب صدر بھی تھے۔

پولیس کا کہنا ہے کہ بظاہر یہ ٹارگیٹ کلنگ کا واقعہ لگتا ہے، لیکن ابھی اس کی تفتیش کی جارہی ہے۔

اس واقعہ کی ذمہ داری ابھی تک کسی نے قبول نہیں کی ہے۔